Казан театр укуханәсе
Казан театр училищесы — 1922 елдан Казан шәһәрендә эшләп килүче махсус урта һөнәри белем бирү сәнгать уку йорты.
| Файл:Gogol' str., 2 — ул. Гоголя, 2 — panoramio.jpg | |
| Эшләү еллары | 1922, 1962 |
|---|---|
| Ректор | Руфина Ринат кызы Таҗетдинова |
| Адрес | 420059, Казан, Гоголь урамы, 2 |
| Сайт | (рус.) |
ТарихҮзгәртү
- 1922 елның 26 сентябрендә Татар дәүләт театры өчен актёрлар әзерләү максаты белән Татарстан АССР һөнәри белем буенча баш идарә (Татглавпрофобр) коллегиясе карары белән Татар театр техникумы буларак оештырылган. Директоры итеп Зәйни Солтанов билгеләнә. 16 студент кабул ителә, 1923 ел азагына 30 студент укый. Беренче чыгарылыш 1926 елда була.
- 1927 елның ноябрендә ике уку йорты – нәфис сәнгать техникумы һәм театр техникумы Казан сәнгать-театр техникумы итеп берләштерелә.
- 1930 елда Көнчыгыш музыка техникумы белән берләшә һәм Сәнгатьләр техникумы дип атала башлый. 3 бүлеге – музыка, сәнгать, театр бүлекләре булган.
- 1941-1944 елларда техникум ябылып тора.
- 1944 елның 1 мартыннан ТАССР халык комиссарлары шурасы карары белән[1] белән яңадан ачыла.
- 1952 елда ССРБ министрлар шурасы карары белән ябыла[2] һәм 1962 елга хәтле эшләми.
- 1962 елның маенда ТАССР министрлар шурасы карары[3] белән Казан театр училищесы буларак эшчәнлеген яңарта.
ДиректорларҮзгәртү
- 1922-1923 — Зәйни Солтанов, ТАССР халык, РСФСР атказанган артисты.
- 1923-1924 — Зәки Баязитский.
- 1924 — Хәмит Төхвәтуллин.
- 1925 — Юмай.
- 1925 — Мәкәрим Мәһдиев, БАССР халык артисты.
- 1928 — Муса Зәетов.
- 1932-1934 — Гений Республиканец.
- 1944 — Сәет Булатов, ТАССР атказанган артисты.
- 1962-1963 — Дамир Бәдретдинов.
- 1963-1981 — Арнольд Шапиро, ТАССР атказанган мәдәният хезмәткәре.
- 1981-1997 — Мәсгут Имашев, ТАССР атказанган сәнгать эшлеклесе.
- 1997-2019 — Гыйлемхан Мөбәрәкшин, ТР атказанган мәдәният хезмәткәре.[4]
- 2019 елдан — Руфина Ринат кызы Таҗетдинова, фән докторы, профессор[5]
Беренче педагогларҮзгәртү
Техникумның беренче мөгаллимәре булып татар һәм рус сәхнәсе осталары – Зәйни Солтанов, Кәрим Тинчурин, Салих Сәйдәшев, Фатих Әмирхан, Зинаида Славянова, Михаил Прыгунов, Владимир Белокуров, Юрий Муко эшли.
«Иске» белән «яңа» көрәшеҮзгәртү
Театр сәнгатендә яңа формаларны кертергә омтылу «рус психология театры»на нигезләнгән иске алымнардан баш тартуга китерә. «Рус психология театры»на СУЛФ(Сул фронт) һәм КЭМСТК (конструктивизм, эксперимент осталыгы, заманавилык, театральлек) каршы куела. Көрәшкә мөгаллимнәр дә, шәкертләр дә кушыла. Кәрим Тинчурин һәм аның тарафдарлары «Яңа, эшче театры иске театрга нигезләнеп үсәргә тиеш», ә аларның оппонентлары Әсгать Мәҗитов, Фуат Саллави «Театр сука һәм мылтыктан үсәргә тиеш !» диләр.[6]. Кәрим Тинчурин, 3. Славянова, В. Белокуров, Фатих Әмирхан техникумны ташлап китәргә мәҗбүр була.
Фатих Әмирхан: «Мин актёрлар әзерләргә алынган идем, цирк клоуннарын түгел» дип әйтә.[7]
Беренче чыгарылыш (1926)Үзгәртү
- Галия Булатова, ТАССР, РСФСР халык артисты.
- Галия Кайбицкая, ТАССР халык артисты.
- Галия Нигъмәтуллина, ТАССР халык артисты.
- Хәким Сәлимҗанов, ТАССР халык артисты.
- Кәшифә Тумашева, ТАССР атказанган сәнгать эшлеклесе.
- Риза Ишморат, ТАССР атказанган сәнгать эшлеклесе.
- Каюм Бариев, ТАССР атказанган артисты.
- Зариф Закиров, ТАССР атказанган артисты.
- Рәшит Асанов (Бөек Ватан сугышында һәлак була).
- Разия Әхмәдиева.
- Банат Баязитская.
- Хан Җәмил.
- Мәрьям Ибраһимова.
- Нәҗип Касыймов.
- Хәсән Кәтиев (Бөек Ватан сугышында һәлак була).
- Әминә Мөхәммәдова.
- Габделхан Нагаев (Бөек Ватан сугышында һәлак була).
- Фоат Саллави (Соловьев), режиссёр, театр белгече.
- Мәрьям Чанышева, Камал театры труппа җитәкчесе.
- Ибраһим Хәлилов.
- Зыя Хөснетдинов (Бөек Ватан сугышында һәлак була).
1920—1930 елларда күп кенә ССРБ шәһәрләрендә (Мәскәү, Ленинград, Уфа, Бакы, Әстерхан, Троицк, Чиләбе, Свердловск, Ташкәнт, Алмата, Кустанай, Омск, Орск һ.б.) татар дәүләт театрлары эшли һәм театр техникумын тәмамлаган яшьләрнең күбесе хезмәт юлын шул театрларда башлап җибәрә.
ЧыгарылышларҮзгәртү
- 1931 Мәрзия Миңнебаева, Асия Мәсәгутова.
- 1933 Кәрим Гыйльманов.
- 1934 Ибраһим Гафуров.
- 1936 Зифа Басыйрова, Усман Әлмиев, Нәҗибә Гайнуллина, Рәшидә Җиһаншина.
- 1938 Вера Минкина, Хәй Вахит, Гамир Насыйри, Сәет Шәкүров, Һидаят Солтанов, Фаикъ Камал (Галиәсгар Камал улы).
Бөек Ватан сугышыннан соңҮзгәртү
1944 елның 1 март карары белән Казан музыка училищесы бинасында ачылган Татар дәүләт театр училищесы 1945 елның язында беренче укучылар кабул итә. Педагоглардан Ширияздан Сарымсаков (актёр осталыгы), Кәшифә Тумашева (актёр осталыгы), Габдулла Шамуков (сәхнә теле), Луиза Салигаскәрова (сәхнә теле), Касыйм Шамил (грим салу), Пётр Якушев (бию), Михаил Пейсахов (сәхнә хәрәкәте), Хатыйп Госман (татар әдәбияты) укыта. Күпмилләтле театрларда бердәнбер рөхсәт ителгән алым буларак Мәскәү сәнгать театры алымнары (К.С. Станиславский алымы) урнаша.
Күренекле шәкертләрҮзгәртү
Ун ел тәнәфестән соң, яки Өченче ачылуҮзгәртү
1952 елда, сәбәбен әйтеп тормыйча, Татар дәүләт театр училищесы ябыла. 1962 елда гына, Татарстан АССР мәдәният министры Булат Гыйззәтуллинның шәхси тырышлыгы нәтиҗәсендә, Казан театр училищесы исеме астында уку йорты яңалдан ачыла. Качалов театры ишегалдындагы янгын каланчасында 3 бүлмә бирелә. Киләсе уку елында пединститутның физик тәрбия факультетында берничә бүлмәгә урнашып торалар. 1962-1963 уку елында Гоголь урамындагы ветеринария дәваханәсе урнашкан бинаның икенче катына урнашалар. ТАССР министрлар шурасы рәисе урынбасары Рәисә Ярмөхәммәтова ярдәме белән дәваханә бинасы тулаем уку йортына бирелә. Шулай итеп, 30 ел эчендә 8 бина алмаштырып, театр училищесы хәзерге бинасында эшли башлый. Рус актёрлары бүлеге ачыла.
БелгечлекләрҮзгәртү
- Татар драма театры актёры.
- Рус драма театры актёры.
- Татар курчак театры актёры.
- Рус курчак театры актёры.
- Рәссам-бутафорлар (барлык театрлар һәм киностудияләр өчен).
- Грим салучылар һәм пасижерлар.
- Театр тамашаларында ут куючы техниклар.
- Эстрада тамашасы актёрлары.
- Рәссам-модельерлар.
Уку йортын тәмамлаган күренекле шәхесләрҮзгәртү
- 1966 Нуриәхмәт Сафин, Хәлим Җәлалов, Юныс Сафиуллин
- 1970 Луара Шакирҗанова, А. Гарифуллина, Л. Сираҗетдинова, Дамирә Кузаева, Флёра Абдуллина, Ф. Мәмәш, С. Мифтахов, Илдар Хәйруллин, Айдар Хафизов (педагоглар Марсель Сәлимҗанов (I чыгарылышы), Габдулла Шамуков)
- 1974 Зөлфирә Зарипова, Ләлә Миңнуллина, Фирая Әкбәрова, Алсу Гайнуллина, Дилүс Касыймов, Н Нариманов, М. Сәрвәров, Рузия Мотыйгуллина (педагоглары Ильтани Илялова, Шахсәнәм Әсфәндиярова).
- 1983 Роберт Мортазин, Венера Шакирова, Фәрит Бикчәнтәев, Р. Гатин, Илсөяр Фазылҗанова, Р. Сәгъдуллин, Л. Заманова, М. Хәйретдинов, Гафур Каюмов, Кәрим Камалов, Данил Салихов (педагоглар Наилә Гәрәева, Асия Хәйруллина, Марсель Сәлимҗанов, Илдар Хәйруллин).
ТатарстандаҮзгәртү
Галия Булатова, Кәшифә Тумашева, Галия Кайбицкая, Галия Нигъмәтуллина, Хәким Сәлимҗанов, Галимә Ибраһимова, Ибраһим Гафуров, Вера Минкина, Айрат Арсланов, Шәүкәт Биктимеров, Дания Нуруллина, Наил Әюпов, Хәлим Җәләлов, Фирдәвесс Хәйруллина, Айдар Хафизов, Илдар Хәйруллин, Алсу Гайнуллина, Рузия Мотыйгуллина, Зөлфирә Зарипова, Әсхәт Хисмәтов, Рамил Төхфәтуллин, Люция Хәмитова, Раушания Юкачева, Николай Юкачев, Марсель Җаббаров, Наил Шәйхетдинов, Хәлил Мәхмүтов, Ләлә Миңнуллина, Илгизәр Хәсәнов, Люция Галләмова, Ирек Әхмәтханов, Шамил Фәрхетдинов, Илсөяр Сафиуллина, Җәмилә Әсфәндиярова, Дамирә Кузаева, Рамил Минханов, Сәкинә Минханова, Илһам Мөхәммәтов, Хафиз Хамматуллин, Геннадий Прытков, Лидия Огарева, Николай Шепелев, Кирилл Ярмолинец, Татьяна Бушуева, Александр Кокурин, Александр Купцов, Сергей Мосейко, Роза Хәйруллина, Евгений Царьков, Елена Ненашева, Александр Карпеев, Данил Утешев, Наталья Баймяшкина, Ришат Гыйздәтуллин, Наилә Ибраһимова, Диләрә Фәттахова, Ләйсән Большова, Гүзәлия Нәҗипова, Рузанна Хәбибуллина, Гөлназ Галимуллина, Энҗе Яруллина, Әминә Галиева, Гүзәл Гөлвердиева, Алинә Мөдәрисова, Альбина Гашигуллина, Гөлнара Кәшипова, Сиринә Мифтахова, Диләрә Фазлыева, Энҗе Сәйфетдинова, Гөлназ Йосыпова, Фәннүр Мөхәммәтҗанов, Артур Шайдуллин.
Чит шәһәрләрдәҮзгәртү
- Петербург — Эра Җиһаншина, Галина Никулина.
- Мәскәү — Владимир Щеблыкин, Флера Галиуллина, Нина Корсакова, Наталья Прилепская, Галина Зименкова (ҮТ дикторы), Чулпан Хаматова (укып бетерми).
- Киев — Игорь Шуб.
- Сембер — Фәридә Кәримова, Михаил Петров.
- Псков — Эмилия Карелина, Ирина Смирнова
РежиссёрларҮзгәртү
- Дамир Сираҗиев — Кәрим Тинчурин театры режиссёры (1990—1992).
- Фәрит Бикчәнтәев — 2002 елдан Камал театры баш режиссёры.
- Рәшит Заһидуллин — 1993—2019 елларда Кәрим Тинчурин театры баш режиссёры.
- Рөстәм Галиев — Түбән Кама драма театры баш режиссёры (1989 елдан), директоры (2009 елдан).
Укуханә укытучыларыҮзгәртү
- Ришат Хаҗиәхмәтов (актер осталыгы)
- Геннадий Прытков (актер осталыгы)
- Илдар Хәйруллин (актер осталыгы)
- Ирина Марцинкевич (актер осталыгы)
- Рәүф Игламов (театр тарихы)
- Эльмира Хамматова (сәхнә теле)
- Инсаф Абдуллин (сәхнә теле)
Театр директорларыҮзгәртү
- Владимир Савельев, Уфа опера театры.
- Владислав Юдин, Бөгелмә рус драма театры
- Юрий Ларионов, Җәлил театры (директоры урынбасары).
- Роберт Мортазин, Казан яшь тамашачы театры.
- Шамил Закиров, Камал театры
- Фирдания Садриева, Казан мәдәният һәм сәнгать университетының театр факультеты деканы.
- Сергей Смирнов, Качалов театры (директоры урынбасары).
- Равил Гайнетдин – Россия мөфтиләр шурасы рәисе.
ЧыганакларҮзгәртү
СылтамаларҮзгәртү
- Казан театр училищесы рәсми сайты 2014 елның 3 сентябрь көнендә архивланган.
- КТУ турында «Милләттәшләр» сайтында
ИскәрмәләрҮзгәртү
- ↑ ТАССР халык комиссарлары шурасы карары № 217 01.03.1944
- ↑ ССРБ министрлар шурасы карары № 14760-р 13.05.1952
- ↑ ТАССР министрлар шурасы карары № 334 12.05.1962
- ↑ КТУ сайтында «Укуханә тарихы» бүлегендә, archived from the original on 2016-06-11, retrieved 2015-03-15
- ↑ Яңа уку елыннан башлап Казан театр училищесын Руфина Таҗетдинова җитәкләячәк. 2019 елның 3 сентябрь көнендә архивланган. Татар-информ, 3.09.2019
- ↑ «Кызыл Татарстан» газетасы, 20 май 1924 ел
- ↑ Хәким Сәлимҗанов. Актёр язмалары. Казан, 1966, 43 биттә.
 |
Бу мәкалә Татар Википедиясенең яхшы мәкаләләр рәтенә керә. |