Төп менюны ачу

Рәшит Заһидуллин

Рәшит Заһидуллин, Рәшит (Рәшид) Муллагали улы Заһидуллин (1964 елның 18 ноябре, Пирем өлкәсе, Губаха) — театр педагогы һәм режиссеры, Кәрим Тинчурин исемендәге Татар дәүләт комедия һәм драма театрының сәнгать җитәкчесе-баш режиссеры (19932019 елларда). Казан дәүләт мәдәният институтының театр сәнгате кафедрасы профессоры һәм Казан театр укуханәсенең актерлык осталыгы укытучысы. РФ атказанган артисты (2008). ТР атказанган сәнгать эшлеклесе (1998). Шекспирның «Гамлет», Мольерның «Де Пурсоньяк әфәнде», Бертольд Брехтның «Кураж анакай һәм аның балалары», М. Горькийның «Тормыш төбендә», Кәрим Тинчуринның «Сүнгән йолдызлар», Туфан Миңнуллинның «Төш» һ.б. спектакльләрне сәхнәгә куйган.

Рәшит Заһидуллин
Р.М.Заһидуллин.jpg
Туган телдә исем Рәшит Муллагали улы Заһидуллин
Туган 18 ноябрь 1964(1964-11-18) (55 яшь)
Пирем өлкәсе, Губаха
Яшәгән урын Хөсәен Ямашев проспекты, Казан[1]
Милләт татар
Ватандашлыгы ССРБFlag of the Soviet Union.svg ССРБ
Русия байрагы РФ
Әлма-матер Мәскәү театр институты[d]
Һөнәре актер, режиссер, педагог
Җефет Җәмилә Әсфәндиярова, актриса
Балалар улы
Бүләк һәм мөкәфәтләре РФ атказанган артисты - 2008ТР атказанган сәнгать эшлеклесе - 1998

Тәрҗемәи хәлеҮзгәртү

1964 елның 18 ноябрендә Пирем өлкәсе Губаха шәһәрендә туган. Мәктәпне, Казан театр укуханәсенең актерлык бүлеген (башта Сергей Иванов, Петр Маслов, армиядән соң Вадим Кешнер, Юнона Карева курсы, 1988), Мәскәүдә Щукин исемендәге Югары театр укуханәсенең режиссура факультетын (1993) тәмамлаган. 19881993 елларда Казан яшь тамашачы театрында актер һәм режиссер булып эшли. 19932019 елларда Кәрим Тинчурин театрында баш режиссер[2]. Тинчурин театрында иҗат эшчәнлегенең башы әлеге театрның күчмә вакытыннан стационар тормышка күчү кебек катлаулы чорга туры килсә дә, коллективны нәтиҗәле иҗатка оста берләштерә. Театр сәхнәсендә аның тарафыннан 70 тән артык спектакль куелган. Репертуарда новаторлык, концептуальлек белән сугарылган спектакльләр: Н. Фәттахның «Итил суы ака торур», И. Грекованың «Тол хатыннар көймәсе», К. Тинчуринның «Сүнгән йолдызлар», П. Бомаршеның «Шау-шулы көн яки Фигароның өйләнүе», Т. Гыйззәтнең «Башмагым», Б. Брехтның «Кураж ана һәм аның балалары», Н. Исәнбәтнең «Хуҗа Насретдин», Т. Миңнуллинның «Төш», М. Горькийның «Кояш төшмәгән җирдә» һәм «Өзелгән өмет», Н. Хикмәтнең «Мәхәббәт турында риваять», М. Әмирнең «Гөлшаян», Ф. Лорканың «Бернарда Альба йорты», Г. Тукайның «Сөй гомерне!», У. Шекспирның «Гамлет» һ.б. спектакльләр барлыкка килә. 2010 елның мартында Әнкара шәһәренең (Төркия) «Кüçük tiuatro» дәүләт драма театры сәхнәсендә К. Тинчурин белән С. Сәйдәшевның «Сүнгән йолдызлар» музыкаль драмасын куя. Тинчурин театры белән Чиләбе, Уфа, Пинзә, Питырбур, Мәскәү, Анталия, Әнкара, Истанбул, Брүссел кебек шәһәрләрдә гастрольдә була. Тинчурин театры сәхнәсендә тарихи драмалар (М. Маликова «Соңгы риваять», Н. Хисамов «Йосыф-Зөләйха»), музыкаль спектакльләр (К. Тинчурин «Назлы кияү», Х. Вахит «Кияүләр»), әдәби театр (Г. Тукай «Сөй гомерне!», М. Мәһдиев «Без - 41 нче ел балалары», Р. Вәлиев «Язмышым юллары») куя. Казан дәүләт мәдәният институтының театр сәнгате кафедрасы профессоры, актерлык һәм режиссерлык курсларының сәнгать җитәкчесе.

Баш режиссер вазифасыннан китүеҮзгәртү

2018 елда ТР мәдәният министры Ирадә Әюпова Кәрим Тинчурин театры базасында яңа музыкаль театр үсеше концепциясен язарга тәкъдим иткәч, Рәшит Заһидуллин баш тарта. 85 еллык тарихы булган театрның музыкаль театр булып китүен кабул итми, каршы төшә. 2018 елның декабренә чаклы ТР мәдәният министрлыгында аның белән хезмәт килешүен озайтмый киләләр. Шулай ук татар театрының рус телендә тамашалар куюын кабул итми. Яңа ел бәйрәмендә балаларга урысча әкият уйнауга да каршы чыга[3].

Бүләкләре, мактаулы исемнәреҮзгәртү

СылтамаларҮзгәртү

ИскәрмәләрҮзгәртү