Энҗе Яруллина

Энҗе Яруллина, Яруллина Энҗе Мөдәрис кызы (1986 елның 8 феврале, СССР, РСФСР, ТАССР, Арча районы, Сикертән) — драма актрисасы, Габдулла Кариев исемендәге Казан Татар дәүләт яшь тамашачы театры артисты (2005 елдан), Татарстан Республикасы Театр әһелләре берлеге әгъзасы.

Энҗе Яруллина
Туганда бирелгән исеме:	Яруллина Энҗе Мөдәрис кызы
Туу датасы:	8 февраль 1986(1986-02-08) (38 яшь)
Туу җире:	СССР, РСФСР, ТАССР, Арча районы, Сикертән
Һөнәре:	драма актрисасы
Гражданлыгы:	ССРБ ССРБ→ РФ
Активлык еллары:	2001 — х. в.

Тәрҗемәи хәле

Энҗе Яруллина сәхнхдәшләре белән

Энҗе Яруллина Г.Кариев театрының 34нче сезоны ачылуында

Энҗе Яруллина гаиләсе белән

1986 елның 8 февралендә Татарстанның Арча районы Сикертән авылында туа. Әтисе - Мөдәрис исемле. 2001 елда, мәктәпнең 9нчы сыйныфын тәмамлый һәм Казан театр укуханәсенә укырга керә. Аны 2005 елда тәмамлый һәм Габдулла Кариев исемендәге Казан Татар дәүләт яшь тамашачы театрында эшли башлый. 2008 елда читтән торып Казан дәүләт мәдәният институты театраль факультетының режиссура һәм актерлык осталыгы кафедрасына актер белгечлегенә укырга керә, аны 2012 елда тәмамлый.

Татарстан Республикасы Театр әһелләре берлеге әгъзасы булып тора.

Театр

2005 елның августында Габдулла Кариев исемендәге Казан Татар дәүләт яшь тамашачы театры коллективына кушыла. Әмма театрдагы эшчәнлеген күпкә иртәрәк, укуханәнең беренче курсында укыганда ук күмәк күренешләрдәге чыгышлары белән башлап җибәрә. Беренче ролен 2001 елда уйный. Ул Рәдиф Сәгъдинең "Гүзәл Аппаксылу" спектаклендәге Әкиятче һәм Куштанбикә образлары була. Тамашачыга күбрәк Рәдиф Сәгъдинең “Гашыйклар утравы” спектаклендәге Фирүзә роле буенча таныш.

Репертуар

Репертуарында 40тан артык роле бар.

• Әкиятче, Куштанбикә – "Гүзәл Аппаксылу" (Рәдиф Сәгъди, 2001);
• Наян – "Светофорда кунакта" (Аманулла, 2002);
• Чеби – "Килмешәк" (Хабибулла Ибраһим, 2003);
• Сыер – "Иске курчакларда Яңа ел" (Рәдиф Сәгъди, 2003);
• Кош һәм кояш – "Сак-Сок" (Рабит Батулла, 2003);
• Шүрәле - "Тапкыр егет" (Д. Аппакова, 2003);
• Хәмидә – "Кыю кызлар" (Таҗи Гыйззәт, 2004);
• Юлбасар – "Кар иле патшабикәсе" (Е.Шварц, Фәнәвил Галиев тәрҗ., 2004);
• Кыз – "Сержант" (Искәндәр Сираҗи, 2005);
• Шәфкать туташы, Фәрештә, Су кызы, Сарык – "Печән базары" (Ренат Әюпов, 2006);
• Илүзә – "Амазонка һәм Айдар" (Илгиз Зәйниев, 2006);
• Хезмәтче – "Король Лир" (Уильям Шекспир, 2006);
• Негр кызы (өченче Кәләш) – "Серле балдак маҗаралары" (М.Закирова, 2006);
• Бәрән, Чүл комы, Чегән кызы, Динара – "Алмачуар" (Фәнәвил Галиев, 2007);
• Заһидә, Гайбәтче хатын – "Йосыф-Зөләйха" (Кол Гали, 2007);
• Алена - "Супер светофор" (Аманулла, 2013);
• Миссис Маймыл – "Урман клаб" (Илгиз Зәйниев, 2007);
• 3 нче Бәти – "Бүре һәм Кәҗә" (Рәфис Корбан, 2008);
• Горничная, Люция – «Ир, егет, чибәркәй һәм тәрәзә" (Рей Куни, Хабибулла Ибраһим тәрҗ., 2008);
• Карчәчәк – "Кышкы әкият" (Шамил Фәрхетдинов, 2008);
• Хәерниса – "Галиябану" (Мирхәйдәр Фәйзи, 2009);
• Гайния Клаус – "Ничек миллионер булырга?" (Мансур Гыйләҗев, 2009);
• Укытучы, Халык – "Умырзая" (Ренат Харис, 2009);
• 3 нче кыз – "Җырларым" (Фәнәвил Галиев, 2010);
• Гыйльми – "Башмагым" (Таҗи Гыйззәт, 2010);
• Гәүһәршат – "Зәйтүнәкәй" (Рабит Батулла, 2011);
• Яшь тай - "Алмачуар" (Фәнәвил Галиев, 2007);
• Гөлфәния – "Җиде кыз" (Нәки Исәнбәт, 2011);
• Керпе анасы, тиен – "Керпе малае дуслар эзли" (Рәфис Корбан, 2011);
• Енот, Ак Барс, Мырау – "Ак Барс маҗаралары" (Хабибулла Ибраһим, 2012);
• Сарык – "Әйт әле, күбәләк" (Туфан Миңнуллин, 2014);
• Авыл халкы – "Артист" (Ркаил Зәйдулла, 2016);
• Фирүзә – "Гашыйклар утравы" (Рәдиф Сәгъди, 2016);
• Сарык бәтие - "Убыр-Шоу"(З.Хөснуллина, 2017)
• Гөлзирәк - "Кичер мине әнкәй" (Рабит Батулла, 2018);
• Шәкерт - "Кәҗүл читек" (Гаяз Исхакый, 2018);
• Ай - "Зөһрә" (Йолдыз Миңнуллина);
• Керәшен кызы -"Микулай" (Шамил Фәрхетдинов, 2020);
• Рания - "Яратып туялмадым" (Айгөл Әхмәтгалиева, 2020);
• Күмәк сәхнәләр, колын - "Мио,минем Мио" (Е.Гороховская, 2020);
• Шәфкать туташы - "Ак чәчәкләр кебек..." (Р.Мухина, 2021);
• Зөлфия - "Сөннәтче бабай" (Ренат Әюпов, 2021). һ.б.

Гаилә хәле

Ире - Фәнис Яруллин (30.07). Алар 2011 елның 9 сентябрендә өйләнешәләр. 2012 елның 2 маенда яшьләрнең Сәмирә исемле кызлары туа. 2017 елның 7 октябрендә алар икенче мәртәбә ата-ана булалар: Фәнис белән Энҗенең Әминә исемле кызлары туа. Хәзерге вакытта Сәмирә актив рәвештә бию белән шөгыльләнә, Татарстан Республикасы дәүләт җыр һәм бию ансамбле белән бии, төрле проектларда катнаша.

Бүләкләре, мактаулы исемнәре

• Татарстан Республикасының Мәдәният министрлыгының Мактау грамотасы;

Шулай ук карагыз

• Габдулла Кариев исемендәге Казан Татар дәүләт яшь тамашачы театры
• Диләрә Зиннәтова
• Ләйсән Большова
• Рузанна Хәбибуллина
• Әминә Галиева

Сылтамалар

• Театр им. Кариева Казань в Instagram: «рубрикасының чираттагы чыгарылышында Энҗе Яруллина @endjejarullina белән Илфат Гыйбадуллин @ilfat_gibadullin шар шартлатып тынлык бозалар!…»
• Яруллина Энҗе Мөдәрис кызы

Чыганаклар

• Габдулла Кариев исемендәге Казан Татар дәүләт яшь тамашачы театры сайты
• Тат Медиа
• Instagram социаль челтәре
• ВКонтакте социаль челтәре