Татарстан митрополиясе
Татарстан митрополиясе (рус. Татарстанская митрополия) — Татарстан территориясендә Рус православие чиркәвенең Мәскәү патриархлыгына караучы митрополия. Изге Синод тарафыннан 2012 елда булдырылган. Казан, Әлмәт, Чистай һәм Яр Чаллы епархияләрен берләштерә.
| Татарстан митрополиясе | |
|---|---|
| Баш фатир | 420111, РФ, ТР, Казан, Миславский ур., 15/9 |
| Нигезләнгән | 6 июнь 2012 |
| Епископ | Кирилл (Наконечный) |
| tatmitropolia.ru | |
Тарих
үзгәртү1934 елның 12 мартындагы өлкә преосвященстволары турындагы нигезләмә нигезендә, 1917—1918 елларда Поместный соборның митрополит округлары турындагы карарын үтәү йөзеннән, Вакытлы Патриарх Изге Синоды берничә епархия составында чиркәү өлкәләрен оештыра, шул исәптән Татарстан АССР чикләрендә үзәге Казан булган митрополия оештырыла. Митрополияне бетерү датасы төгәл билгеле түгел. Бу 1943 елда епископ кафедраларын үзгәртеп кору вакытында булырга мөмкин.
2012 елның 6 июнендә Изге Синод карары белән Казан һәм аннан бүлеп чыгарылган Әлмәт һәм Чистай епархияләре составында Татарстан митрополиясе төзелә[1]. Татарстан митрополиясе башлыгы "Казан һәм Татарстан митрополиты" титулына ия.
Митрополия Рус православие чиркәве епархия идарәсенең яңадан төзелә башлаган өч баскычлы структурасы оешуга ярашлы булдырыла.
2024 елның 25 июлендә Рус Православ чиркәвенең Изге синоды[d] Татарстан Республикасының Яр Чаллы шәһәре; Әгерҗе, Алабуга, Менделеевск, Минзәлә һәм Тукай районнары административ чикләрендә (Татарстан мирополиясенең Казан епархиясеннән аерып чыгарып) Яр Чаллы епархиясен оештырырга карар иткән[2].
Епархияләр
үзгәртү2012 елның 6 июнендә Рус православие чиркәвенең Изге Синоды карары нигезендә, Казан епархиясеннән аерып чыгарып, Татарстан митрополиясенә бирелгән. Епархиядә 61 приход исәпләнә. Клириклар 44, монахлар 3. Татарстанның Азнакай, Актаныш, Әлмәт, Баулы, Бөгелмә, Зәй, Лениногорск, Мөслим, Сарман, Ютазы районнары административ чикләрендәге приходларны берләштерә.
Казан, Яр Чаллы шәһәрләре; Татарстанның Әгерҗе, Апас, Арча, Әтнә, Балтач, Буа, Югары Ослан, Биектау, Чүпрәле, Алабуга, Яшел Үзән, Кайбыч, Кама Тамагы, Кукмара, Лаеш, Мамадыш, Менделеевск, Минзәлә, Питрәч, Балык бистәсе, Саба, Тәтеш, Тукай, Теләче районнары.
Татарстан Республикасының Аксубай, Алексеевск, Әлки, Түбән Кама, Яңа Чишмә, Нурлат, Спас, Чирмешән һәм Чистай районнарының административ чикләрендә мәхәлләләрне берләштерә.
Татарстан Республикасының Яр Чаллы шәһәре; Әгерҗе, Алабуга, Менделеевск, Минзәлә һәм Тукай районнары административ чикләрендә 2024 елның 25 июлендә оештырылган
Митрополия башлыклары
үзгәртү- Анастасий (Меткин) (6 июнь 2012 — 13 июль 2015)
- Феофан (Ашурков) (13 июль 2015 — 20 ноябрь 2020)
- Кирилл (Наконечный) (2020 елның 8 декабреннән)[3]
Искәрмәләр
үзгәртү- ↑ ЖУРНАЛЫ заседания Священного Синода от 6-7 июня 2012 года / Официальные документы / Патриархия.ru
- ↑ В Татарстанской митрополии образована Набережночелнинская епархия. Портал Татарстанской митрополии(рус.)
- ↑ Екатеринбург митрополиты Кирилл Татарстан митрополиясе башлыгы итеп билгеләнде. Татар-информ, 8.12.2020