Раил Садриев
Раил Садриев, Раил Илдар улы Садриев, рус. Раиль Ильдарович Садриев (1966 елның 14 октябре, СССР, РСФСР, Татарстан АССР, Буа районы, Адав-Толымбай) — Буа дәүләт драма театры сәнгать җитәкчесе―директоры, Татарстанның атказанган (2008) һәм халык (2018) артисты, Дамир Сираҗиев премиясе лауреаты (2015).
| Раил Садриев | |
|---|---|
 | |
| Туган телдә исем | Раил Илдар улы Садриев |
| Туган | 14 октябрь 1966 (58 яшь) СССР, РСФСР, ТАССР, Буа районы, Адав-Толымбай |
| Милләт | татар |
| Ватандашлыгы |  СССР→ РФ |
| Әлма-матер | Казан (Идел буе) федераль университеты |
| Һөнәре | артист, режиссер |
| Җефет | Эльмира |
| Балалар | улы Фәрит |
| Бүләк һәм премияләре |  Дамир Сираҗиев премиясе (2015) |
Тәрҗемәи хәле
үзгәртү1966 елның 14 октябренда Татарстан АССР Буа районы Адав-Толымбай авылында туган. Казан дәүләт университетынының тарих факультетын тәмамлаган (1993).
Хезмәт юлы
үзгәртү- 1993-1998 укытучы, Татар дәүләт академия театры иганәчесе.
- 1998-2000 Мәскәү дәүләт социаль-гуманитар университеты вәкиллегендә фәлсәфә укытучысы.
- 2000-2002 Казан социаль-юридик институтының Буа һәм Тәтеш филиалларында фәлсәфә укытучысы.
- 2002-2007 Буа халык театрының баш режиссеры.
- 2007 елның 30 мартыннан Буа дәүләт драма театрынынң сәнгать җитәкчесе-директоры[1]. Татарстан районнары һәм Россия төбәкләре буенча гастрольләргә йөри. Туган авылында күп серияле кино төшерә. Бизнес белән шөгыльләнә.
Куйган спектакльләр
үзгәртү- «Тылсымлы төрән» Р. Шәрипов
- «Тулай торак» Илфак Шиһапов
- «Кодалар, кодачалар» Сөлайман Латыйпов
- «Эх, кызлар!» Туфан Миңнуллин
- «Кияүләр» Туфан Миңнуллин
- «Бәхеткә биш минут» Ләбиб Лерон
- «Квартет» Хәбир Ибраһим
- «Люкс № 13» Рей Куни
- «Примадонна» Кив Людвиг
- «Бер сәгатькә ир кирәк» Айгөл Әхмәтшина[2]
Бүләкләре, мактаулы исемнәре
үзгәртү- 2007 — ТР мәдәният министрлыгы Мактау кәгазе
- 2008 — Татарстанның атказанган артисты
- 2015 — Дамир Сираҗиев премиясе — «Буа театры эшчәнлеген яңартуга керткән хезмәте өчен»
- 2018 — Татарстанның халык артисты[3]
Гаиләсе
үзгәртүХатыны Эльмира. Улы Фәрит, килене Ралина (Бөгелмәдән) [4].
Җинаять эше
үзгәртүТатарстан эчке эшләр министрлыгының икътисади иминлек һәм коррупциягә каршы көрәш идарәсе хезмәткәрләре Раил Садриевны тоткарлый. Тикшерү комитеты аны «вазифаи вәкаләтләреннән явызларча файдалану»да (Җинаять кодексының 285 маддәсе, 1 өлеше) шикләнә. Җинаять эше 20 майда ачылган, аның нигезендә «Дәрвиш» моноспектакленә сатылган билетлар ята. Спектакльдәге бердәнбер рольне Р. Садриев үзе башкара. Куәт оешмалары фаразынча, 2023 елда Татарстан районнарында «Дәрвиш»не куеп йөргән чакта билетлардан килгән акчаны Буа драма театры түгел, ә Садриевның хатыны — Эльвира Садриева исеменә рәсмиләштерелгән индивидуаль эшмәкәрлек (ИП) алып барган. Шул рәвешле 450 мең сум үзләштерелгән дип уйланыла[5]. 31 октябрьдә тыю шартлары 2025 елга кадәр озайтылган.[6]
Вахитов район мәхкәмәсе куйган чикләү шартлары буенча Садриевка өендә кунмау, театрга бару тыелган. Буа театры 2024 елда Русия күләмендәге «Алтын битлек» бүләген яуласа да, тоткарлау шартлары буенча театрның сәнгать җитәкчесе Р.Садриев бүләкләү тантанасында катнаша алмый.
Күрәләтә нахак гаеп алдында Садриевны Татарстан Язучылар берлеге [7], Татарстанның театр әһелләре берлеге[8], башка сәнгать әһелләре[9] яклап чыгалар. Шул ук вакытта Татарстанның җитәкчелеге бу мәсәләдән читләшә. Парламент башлыгы Фәрит Мөхәммәтшин, Р.Садриевны «беркем белмәгән хулиган» дип атый.[10] Матбугат чаралары бу эзәрлекләүне Федераль үзәкнең Татарстанга чираттагы басымы буларак бәяли, чөнки шул ук чорда Татарстанның элекке мәгариф министры Энгель Фәттахов, танылган тарихчы, Тукай бүләге иясе Рамил Хәйретдинов кулга алыналар.[11]
Искәрмәләр
үзгәртү- ↑ «Мир театра» сайтында
- ↑ «Байрак» газетасы, 06.10.2015, archived from the original on 2016-03-05, retrieved 2015-12-27
- ↑ Рөстәм Миңнехановка Әтнәдә татарчалы-урысчалы спектакль күрсәттеләр. Азатлык радиосы, 13.12.2018
- ↑ Альбина Гайнуллина. Раил Садриев: «Ковидны, дәүләтне сүгә халык. Берәү дә үзен сүкми». «Акчарлак», 2021 ел, 15 декабрь, № 49, 2-3нче бит
- ↑ Дмитрий Шатров. Директору Буинского драмтеатра Вахитовский суд Казани избрал меру пресечения. Татар-информ, 22.05.2024
- ↑ Буа театры сәнгать җитәкчесе Раил Садриевка театрга баруны 2025 елга кадәр тыйганнар
- ↑ Открытое письмо в поддержку деятеля театрального искусства РТ Раиля Садриева
- ↑ Открытое письмо театрального сообщества Татарстана
- ↑ Раил Садриевка изге теләкләр: «Безнең таянычны тоеп, берүк исән-имин котылсын иде»
- ↑ Атна башы Татарстан өчен бер-берартлы кулга алулар белән билгеләнде.
- ↑ Атна башы Татарстан өчен бер-берартлы кулга алулар белән билгеләнде.