Төп менюны ачу

«Алтын битлек» премиясе (рус. премия «Золотая маска») — Русиянең театр сәнгате өлкәсендә эшләүче иҗат кешеләренә тапшырыла торган иң югары дәрәҗәле милли (дәүләт) бүләге, һөнәри премия.

«Алтын битлек»
премиясе
I дәрәҗә
Zolotaya maska v rame left icon use.jpg
Оригинал исем «Золотая маска»
Ил Русия
Төр театр премиясе
Статус {{{статус}}}
Булдыру датасы 1993
Омск курчак театрына тапшырылган алтын битлек

Эчтәлек

ТарихҮзгәртү

«Алтын битлек» — Русия Милли театраль премиясе. 1993 елда Русия Федерациясенең Театр эшлеклеләре берлеге тарафыннан (Русия Федерациясенең театр эшлеклеләре берлеге рәисе ССРБ халык артисты М.А. Ульянов, аның урынбасары В.Г. Урин һәм драматург В. Павлов инициативасы һәм катнашы белән) оештырыла. Фестиваль һәм премия 1994-2005 еллар аралыгында, фестиваль дирекциясен Эдуард Бояков җитәкли башлагач, киң таныла. Шул елларда «Алтын битлек» Русиянең төп театраль вакыйгасына әверелә. Соңгы елларда «Алтын битлек»нең дәрәҗәсе тагы да ныгыды, фестиваль «Легендар спектакльләр һәм исемнәр», «Битлек Плюс», «Русия шәһәрләрендә, БДБ илләре һәм Балтиядәге иң яхшы спектакльләр» кебек яңа проектларга баеды.

  • «Алтын битлек» премия-фестиваленең президенты (2017 елга кадәр) — Русия Федерациясенең театр эшлеклеләре берлеге сәркатибе, Русиянең халык артисты Г.Г. Тараторкин (ru) (1945-2017)[1].

МаксатыҮзгәртү

Театр сәнгатенең барлык өлкәләрендә бер сезон эчендә (мисалга, 2013-2014 ел сезоны) күрсәтелгән иң яхшы хезмәтләрне ачыклау һәм бүләкләү .

СтатутыҮзгәртү

Башта түбәндәге театр өлкәләрендә номинантлар кабул ителә:

  • Драма
  • Опера
  • Балет
  • Заманча бию
  • Оперетта/мюзикл
  • Курчак театры

Лауреатлар һәр елны «Спектакль-номинантлар фестивале»ндә билгеләнә.

МәгълүматҮзгәртү

  • «Алтын битлек» фестивален оештыручылар: РФ театр әһелләре берлеге, РФ мәдәният министрлыгы, Мәскәү хөкүмәте, «Алтын битлек» фестивале дирекциясе.
  • Баш иганәче (баш партнёр) – Русия Сбербанкы
  • Даими партнёрлар – Вс. Мейерхольд исемендәге Үзәк, Театр институты
  • Номинантларны экспертлар шурасы кабул итеп ала. Драма театры һәм курчак театры спектакльләре өчен аерым, музыка театры спектакльләре өчен аерым экспертлар шурасы эшли. Экспертлар спектакльләрне театрларга барып яки видеоязмада карап сайлап алалар.
  • Экспертлар шурасы һәм «Алтын битлек» премиясе жюрие ел саен яңартыла.
  • «Театр сәнгатен үстерүгә керткән бәһасез хезмәте өчен», «Русиянең театр сәнгатен химаяләгән өчен» премияләрен РФ театр әһелләре берлеге сәркатибаты билгели.

Лауреатлар билгеләнгәч, «Алтын битлек» премиясе алган спектакльләр, «Иң яхшы спектакльләр Русия һәм Балтия илләре шәһәрләре буйлап» фестивале кысаларында, Русиянең сайлап алынган шәһәрләре сәхнәләрендә күрсәтелә.

Кызыклы фактларҮзгәртү

2014 ел — Йон Фоссе әсәре буенча Галиәсгар Камал исемендәге Татар дәүләт академия театрында куелган «Җәйнең бер көнендә» спектакле «Алтын битлек»-2014 премиясенә 4 номинациядә тәкъдим ителгән:

  • Драма (кече форма) театрында куелган иң яхшы спектакль
  • Иң яхшы режиссёр эше (Фәрит Бикчәнтәев)
  • Иң яхшы уйналган хатын-кыз роле (Люция Хәмитова)
  • Иң яхшы ут куючы рәссам эше[2]

2018 ел — актер һәм биюче Нурбәк Батулла «Әлиф» спектаклендәге роле өчен «Алтын битлек»кә лаек булды [3] «Әлиф» спектакле «Алтын битлек»кә 3 номинациядә тәкъдим ителгән:

  • «Заманча бию» номинациясендә — «Әлиф» спектакле үзе
  • «Балет — ир-ат роле» номинациясендә биюче Нурбәк Батулла
  • Бию куючы буларак Марсель Нуриев [4]

Моны да карагызҮзгәртү

СылтамаларҮзгәртү

ИскәрмәләрҮзгәртү