Аида Гарифуллина

Аида Гарифуллина
	Аида Гарифуллина
Төп мәгълүмат
Тулы исеме	Аида Эмил кызы Гарифуллина
Туу көне	30 сентябрь 1987 (36 яшь)
Туу урыны	Казан, Татарстан АССР, РСФСР, Cəʙᴎт Социалистик Җɵᴍhүpᴎᴙтләр Беpᴫеᴦе
Эшчәнлек еллары	2005—х. в.
Дәүләт	СССР; РФ /; Австрия (2017 елдан)
Һөнәрләр	җырчы
Моң	сопрано
Кораллар	тавыш[d]
Жанрлар	опера, классика, эстрада
Лейбллар	Decca Records[d]
Бүләкләр	; Operalia Халыкара бәйгесе (яшь башкаручылар Опера Оскары)
Аида Гарифуллина рәсми сәхифәсе
IMDb	ID 7450323

Аида Эмил кызы Гарифуллина (1987 елның 30 сентябрендә Казанда туган) — татар опера һәм эстрада җырчысы. Татарстанның (2013) һәм РФ (2020) атказанган артисты.

Википедиядә Гарифуллина фамилияле башка кешеләр турында мәкаләләр дә бар.

Аида Гарифуллина һәм Илдар Абдразаков, Мариинский Театры, "Фигаро Өйләнүе", 2013 ел

Тәрҗемәи хәле

Аида Гарифуллина 2012 елның җәендә Европаның иң зур сәхнәсендә "Arena di Verona" (Италия)^[1], декабрьдә Мариинский Театрында "Женитьба Фигаро" (Фигаро Өйләнүе) спектаклендә кәләш ролендә уйнап беренче тапкыр чыгышы ясый, Лондон Җәйге Олимпия уеннарында Россия Йорты ачылу тантанасында, Евровидение сайланышы ярышында, телевизион җыр шоуларында «Голубой Огонек», «Песня Года», «Песенка года», «Новая Волна» катнаша.

Аида Гарифуллина бөтендөнья танылган опера җырчылары Алессандро Сафина, Майкл Болтон, Андреа Бочелли, Илдар Абдразаков белән чыгыш ясый, шулай ук Россия эстрадасы җырчылары Дима Билан, Филипп Киркоров, Тимати белән җырлый.

Дөнья Опера дәвере ачылу тантанасында, Италиядә "Arena di Verona" сәхнәсендә 20 мең тамашачы алдында Аида Гарифуллина Шарль Гуноның «Ромео һәм Джульетта» Джульеттаның вальсын «Je veux vivre» башкара. Бу чыгышыннан соң Валерий Гергиев Аиданы Мариинский Театрына чакыра.

Аида Гарифуллина — Җәйге Казан Универсиаданың-2013 илчесе булып тора. Хәзер Казанда яши. Аида Гарифуллина үз репертуарында татарча, урысча, инглизчә, французча, итальянча җырлый.

Алман телендә сөйләшә ала^[2].

Аида Универсиада ачылу тантанасында "Сөем бикә" җыры белән чыгыш ясый.

2013 елның августында Пласидо Доминго җитәкчесендәге "Operalia" Халыкара Опера бәйгесендә Аида беренче урын ала ^[3].

2015 елда Европа төп Вена балында катнаша^[4].

Бүләкләре, мактаулы исемнәре

2013 — Татарстанның атказанган артисты
2020 — РФ атказанган артисты — «ватан мәдәнияте һәм сәнгате үсешенә зур өлеш кертүе, күп еллык нәтиҗәле эшчәнлеге өчен»^[5]

Гаиләсе

Әтисе ― Эмиль Дамир улы Гарифуллин, эшмәкәр, Казан химия-технология институтын тәмамлаган, ландшафт дизайны өлкәсендә эшли.
Әнисе ― Ләйлә Илдар кызы Гарифуллина (1964), профессиональ музыкант, белеме буенча хор дирижеры, 2011 елдан Казанның Софья Гобәйдуллина исемендәге Заманча музыка үзәге директоры, Татарстанның атказанган сәнгать эшлеклесе (2013).
Энесе ― Рэм, эшмәкәр булырга әзерләнә.
Кызы ― Оливия (2020) ^[6]^[7].

Искәрмәләр

↑ Чыгыш видеосы.
↑ Opernball Wien - ARD Interview mit der Sängerin Aida Garifullina - Das Erste
↑ «Пласидо Доминго держал в руках статуэтку и смотрел на меня…»
↑ http://www.youtube.com/watch?v=nZsmP0Bz3LI
↑ Опера җырчысы Аида Гарифуллинага Россиянең атказанган артисты исеме бирелде. Азатлык радиосы, 12.03.2020
↑ Аида Гарифуллина: Новая опера России. «Твоя история», 29.11.2014(рус.)
↑ Биография Аиды Гарифуллиной. «Женский портал»(рус.)

Сылтамалар

Шулай ук карагыз

	Шәхесләр порталы
	Музыка порталы

[1] Чыгыш видеосы.

[2] Opernball Wien - ARD Interview mit der Sängerin Aida Garifullina - Das Erste

[3] «Пласидо Доминго держал в руках статуэтку и смотрел на меня…»

[4] ttp://www.youtube.com/watch?v=nZsmP0Bz3LI

[5] Опера җырчысы Аида Гарифуллинага Россиянең атказанган артисты исеме бирелде. Азатлык радиосы, 12.03.2020

[6] Аида Гарифуллина: Новая опера России. «Твоя история», 29.11.2014(рус.)

[7] Биография Аиды Гарифуллиной. «Женский портал»(рус.)

[1]

[2]

[3]

[4]

[5]

[6]

[7]