Төп менюны ачу

Айдар Галимов (23 февраль 1967 ел) – популяр татар җырчысы.

Айдар Галимов
225px
Төп мәгълүмат
Тулы исеме

Айдар Гани улы Галимов

Туу көне

23 февраль 1967(1967-02-23) (52 яшь)

Туу урыны

Казакъстан, Целиноград өлкәсе

Эшчәнлек еллары

Дәүләт

Русия

Һөнәрләр

җырчы

Кораллар

тавыш[d]

Жанрлар

татарча эстрада

Коллективлар

"Айдар" театр-студиясе

Бүләкләр

Башкортстанның атказанган артисты (1995 ел), Татарстанның атказанган артисты (1996 ел), Татарстанның халык артисты (2008 ел), Башкортстанның халык артисты (2011 ел)
Халыклар дуслыгы ордены (БР) (2017)

aidar.ru

Галимов Айдар Гани улы 1967 елның 23 февралендә Казакъстан ССРының Целиноград өлкәсендәге Мәдәният совхозында туа. Бер елдан гаилә Башкортстандагы Миякә районындагы Зур Кәркәле авылына кайта. Монда булачак җырчының балачагы һәм яшьлеге үтә. Өфә автотранспорт техникумын тәмамлагач (1986) Айдар Галимов СССРның хәрби көчләрендә, Каунас һава-десант гаскәрләре дивизиясендә хезмәт итә. Демобилизациядән соң ул Башкорт дәүләт университетының юридик факультетына укырга керә һәм 1993 елда аны тәмамлый.

Иҗат юлыҮзгәртү

Айдар Галимовның иҗат юлы 1989 елда Башкортстан АССРының 70-еллыгына багышланган радиоконкурста отуынан башлана. 1990 елда Туймазы шәһәрендә ул «Татар җыры» дипломаты була, 19901993 елларда ул — ДК «Авангард»ның «Азамат» ВИА вокалисты. 1993 елда аның җитәкчелеге астында «Айдар» эстрада студиясе барлыкка килә һәм соңыннан «Айдар» театр-студиясе дип атала башлый. Профессиональ сәхнәдә дебюты популяр һәм актуаль «Моңнар кайтсын авылга» (Р.Чурагулов, Р.Хакимов) җыры белән башлана.

Айдар Галимовның гастроль эшчәнлеге 1993 елда башлана. Ул гастроль концертлары Казанда, Өфәдә, Татарстан һәм Башкортстанның башка шәһәрләрендә һәм Рәсәй Федерациясенең күпчелек төбәкләрен йөреп чыга. Беренче чит ил гастрольләре Үзбәкстанда уза (1995, 1996). Җырчы шулай ук Финляндия (1997, 2003), Латвия (2003), Эстония (2003), АКШ (1998, 2001), Төркия (2005) һәм Казакстанда (2008) гастроль чыгышлары ясый. Аның гастроль турлары ел саен Көнбатыш Себер, Урал, Идел буе, Мәскәү һәм Питырбурда уза. Шул ук елларда (19962001) ул Казан дәүләт педагогика университеты музыка факультетының вокал бүлегендә икенче югары белемен ала.

БүләкләреҮзгәртү

Татар һәм башкорт милли мәдәният өлкәсендә күрсәткән хезмәтләре өчен Айдар Галимовка «Башкортстанның атказанган артисты» (1995) һәм «Татарстанның атказанган артисты» (1996) исемнәре бирелә. 2008 елның 23 май Татарстан республикасы президенты Минтимер Шәймиев Айдар Галимовка «Татарстанның халык артисты» югары исеме белән бүләкләү турындагы указга кул куя, ә 2011 елда җырчы «Башкортстанның халык артисты» дигән мактаулы исемгә лаек була.

2017 елның 17 февралендә Башкортстан Башлыгы Рөстәм Хәмитов җырчыны, 50 яшьлек юбилее уңаеннан, Халыклар дуслыгы ордены (ru) белән бүләкләде[1][2].

ДискографиясеҮзгәртү

Айдар Галимов репертуарында татар, башкорт, урыс, инглиз, үзбәк, төрек телләрендә башкарылган 400дән артык җыр бар. Аларның унлаганнары татар һәм башкорт эстрада музыкасының алтын фондына кергәннәр.

Айдар Галимовның хәзергә 12 җыентыгы язылган:

  • Туу көнең белән!
  • Абага чәчәге
  • Айдар 2000
  • Сезнең белән 10 ел бергә
  • Бәхет бит ул...
  • Яшәргә икән – яшәргә!
  • Дәрвиш юлы
  • Син – минем җанымның яртысы
  • Еллар. Илләр. Җырлар
    15 еллык иҗат юбилеена багышланган
  • Лучшие песни 1990-1995
  • Син булганда
  • Вакытларны булмый туктатып... (1998)

Шулай ук карагызҮзгәртү

ЧыганакларҮзгәртү

ИскәрмәләрҮзгәртү