Татар Википедиясе
Татар Википедиясе (лат. тат. Tatar Wikipediäse) — Википедиянең татар телендәге бүлеге. Төрки телләрдәге Википедияләр арасында мәкаләләр саны буенча, төрекчә Википедиядән генә калышып икенче урында бара. 2003 елның 15 сентябрендә ачыла, һәм баштан фәкать латин әлифбасы белән эшли. Бүгенге көндә исә Татар Википедиясендә латин һәм кирилл әлифбалары тигез хокукларда кулланыла.[1] Татар телендәге бүлекнең күпчелек тарафыннан кабул ителгән исеме — «татар Википедиясе» — башка телләрдәге бүлекләре кебек үк мәкаләләр язылу телен генә белдерә, берәр этнос яки дәүләткә караганын түгел.
 Татар ВикипедиясеTatar Wikipediӓse | |
|---|---|
 | |
| URL | tt.wikipedia.org |
| Табышлы | Хәйрия |
| Төр | Челтәрле энциклопедия |
| Теркәлү | Мәҗбүри түгел |
| Телләр | татар теле |
| Эшли башлау вакыты | 2003 елның 15 сентябре |
| Хуҗасы |  Викимедиа фонды |
| Мәкаләләр саны | 502 284 |
| Битләр саны | 829 958 |
| Үзгәртүләр саны | 4 401 794 |
| Теркәлгән кулланучылар | 53 664 |
| Актив кулланучылар | 68 |
| Идарәчеләр | 6 |
| Тирәнлек | 2.3 |
Статус
үзгәртүТатар Википедиясе (шулай ук ТатВики һәм tt.wiki) — Викимедиа фонды карамагындагы Википедия исемле интернет-энциклопедия проектының татар телендәге өлеше.
Татар Википедиясенә кирилл һәм латин имләләрендә язу мөмкин, тик бер мәкалә эчендә бу ике әлифбаны куллану рөхсәт ителми, ләкин барлык төркемнәр атамалары тик кириллча языла.
Татар Википедиясе — татар телен белүче һәм өйрәнүче волонтерлар (үзиреклеләр) көче белән үстерелә.
Кертем яки үзгәртүләр ясаучылардан, үз гамәлләрен кагыйдәләр һәм киңәш-кулланмалар буенча кылулары көтелә.
TATLAT
үзгәртүТатар Википедиясе җәмәгатьчелеге карары нигезендә латин әлифбасында да мәкаләләр язып була. Латин әлифбасы нигезендәге Баш бит һәм аңа багышланган проект бар.
2012 елдан Татар Википедиясе мәкаләләрен латин әлифбасында укырга теләүчеләр өчен әйләндергеч (конвертор)(үле сылтама) кулланырга мөмкин.
Бүләкләр
үзгәртү- 2009 нчы елда узган «Татнет йолдызлары» бәйгесендә Татар Википедиясе «Туган тел» номинациясендә беренче урын яулый.
- 2010 елның октябрендә узган I Халыкара «Белем җәүһәрләре» интернет-проектлар бәйгесенең «Тематик ресурс — иҗади җәүһәр» номинациясендә Татар Википедиясе икенче урынны яулый.
- 2010 елның «Татнет йолдызлары» бәйгесенең «Туган тел» номинациясендә янә Татар Википедиясе җиңә[2].
- 2011 елда узган II Бөтендөнья «Белем җәүһәрләре» интернет-проектлар бәйгесенең «Тематик ресурс — иҗади җәүһәр» номинациясендә Татар Википедиясе беренче урын яулый.
- 2011 елда узган «Татнет йолдызлары» бәйгесенең «Фән һәм мәгариф» номинациясендә Татар Википедиясе беренче урында[3].
-
«Татнет йолдызлары» бәйгесендә беренче урын (2009 ел) -
«Татнет йолдызлары» бәйгесендә беренче урын (2010 ел) -
«Белем җәүһәрләре» бәйгесендә икенче урын (2010 ел) -
«Белем җәүһәрләре» бәйгесендә беренче урын (2011 ел)
Статистика
үзгәртү
Хәзерге вакытка Татар Википедиясендә 502 284 мәкалә бар, 6754 файл йөкләнгән. Викимедиа статистика проектының Татар Википедиясен тасвирлаган Кыскача аналитик мәгълүмат һәм тулы таблица.
- 2023 ел 21 апрель — 500 000 мәкалә
- 2022 ел 14 декабрь — 450 000 мәкалә
- 2022 ел 31 гыйнвар — 400 000 мәкалә
- 2021 ел 31 июль — 300 000 мәкалә
- 2020 ел 30 октябрь — 200 000 мәкалә
- 2020 ел 6 октябрь — 150 000 мәкалә
- 2020 ел 10 июнь — 100 000 мәкалә
- 2018 ел 3 июль — 80 000 мәкалә
- 2016 ел 24 декабрь — 70 000 мәкалә
- 2014 ел 28 май — 60 000 мәкалә
- 2013 ел 28 июль — 50 000 мәкалә
- 2013 ел 14 март — 30 000 мәкалә
- 2012 ел 25 апрель — 15 000 мәкалә
- 2011 ел 8 июль — 10 000 мәкалә
- 2009 ел 28 декабрь — 5000 мәкалә
- 2009 ел 15 июнь — 4 000 мәкалә
Чагыштырма статистика
үзгәртүТатар Википедиясенең башка төрки телле Википедия бүлекләре белән чагыштырма таблица
Мәкаләләр тематикасы буенча статистика
үзгәртү2021 елның 5 февраленә мәкаләләрнең күбесе киләсе темаларга багышланган[4]:
- торак пунктлар — 122 488 мәкалә,
- елгалар — 23 350 мәкалә,
- астероидлар — 20 896 мәкалә,
- аксымнар — 14 605 мәкалә,
- шәхесләр — 12 201 мәкалә,
- галактикалар — 7 838 мәкалә.
- хронологик исемлекләр — 3 923
- кратерлар — 2700
- һинд дине — 1820
Кызыклы фактлар
үзгәртү
- Татар Википедиясе исемен башка проект та йөрткән. 2008 елда ачылган Tatar.info —«Татар тормышының көзгесе» (рус. Tatar.info —«Зеркало татарской жизни») проекты шулай ук wiki технологиясе буенча эшләгән һәм массакүләм мәгълүмат чараларында «Татар Википедиясе» (рус. Татарская Википедия) дип йөртелгән[5][6]. Ул энциклопедиядәге мәкаләләр татар халкына бәйле темаларга гына язылган. Теркәлгән һәркем мәкаләләрне үзгәртә алган. Хәзерге вакытта проект эшләми.
- Татар Википедиясенә керүче халыкның (август 2016) 34.3% АКШтан, 22.2% Франциядән, 18.0% гына Россиядән, 11.6% Алманиядән, 10.5% Канададан, калган 3.4 % башка илләрдән [7], үзгәртүләр кертүгә килгәндә — 86.3% Россия, 4.0% Украинадан ясала[8].
- Татар Википедиясенең беренче идарәчесе (User:Untifler) шулай ук Чуаш һәм Башкорт Википедияләре ачуында да актив катнаша һәм аларда да беренче идарәче була.
Искәрмәләр
үзгәртү- ↑ Википедия:Тавыш бирү:Латин әлифбасы-2
- ↑ “Татнет йолдызлары” конкурсында 231 сайт катнашты, archived from the original on 2010-12-17, retrieved 2011-01-04
- ↑ Казанда “Татнет йолдызлары” җиңүчеләрен бүләкләделәр
- ↑ Күп үзенә сылтамалы төркемнәр
- ↑ В Интернете появился татарский аналог Википедии
- ↑ Татарская Википедия появилась в Интернете, archived from the original on 2011-10-19, retrieved 2011-10-19
- ↑ Wikimedia Traffic Analysis Report — Wikipedia Page Views Per Country — Breakdown, 1-31 август 2016
- ↑ Wikimedia Traffic Analysis Report — Page Edits Per Wikipedia Language — Breakdown, Monthly requests or daily averages, for period: 1 Jan 2014 — 31 Mar 2014 (2014 Q1)
Шулай ук карагыз
үзгәртү