Лубян урман-техник көллияте

Лубян урман-техник көллияте
	Лубян урман-техник көллияте
Нигезләнү датасы	1921
Дәүләт	Россия
Административ-территориаль берәмлек	Идел буе федераль округы, Татарстан, Кукмара районы һәм Лубиян
Идарә итүче орган	Россия Федерациясенең мәгариф министрлыгы
Ана ширкәт	Татарстан Республикасы Урман хуҗалыгы министрлыгы
Уртак хезмәттәшлек	Казан дәүләт аграр университеты
Адрес	422108, Россия Федерациясе, Татарстан Республикасы, Кукмара районы, Лубян авылы, Техникум урамы, 10 нчы йорт
Рәсми веб-сайт	lublt.ru(рус.)
Нинди веб-биттә тасвирланган	edu.tatar.ru/kukmor/org6201

Лубян урман-техник көллияте, «Лубян урман-техник көллияте» дәүләт бюджет һөнәри белем учреждениесе^[1] (рус. Лубянский лесотехнический колледж) — Татарстанның Кукмара районы Лубян авылында (1938-2002 елларда шәһәр тибындагы бистә) урнашкан махсус урта һөнәри белем бирүче уку йорты. Уку йортының гамәлгә куючысы — Татарстан урман хуҗалыгы министрлыгы. Татарстанның иң борынгы урта уку йортларыннан берсе, шулай ук «урман белемнәре буенча РФ иң өлкән уку йортларының берсе»^[2]. Казан дәүләт аграр университетының фән-белем бирү кластерына керә^[3]. 2012 елдан Урман белем бирү оешмалары ассоциациясе әгъзасы^[4]

Тарих

XIX гасыр азагында Уфа губернасы Минзәлә өязендә белемле урман хуҗалыгы белгечләре әзерләнә башлый. 1893 елда Минзәлә урман хуҗалыгы каршында Биклән урман мәктәбе ачыла.

1921 елда Биклән урман мәктәбе Мамадыш кантоны (хәзерге Кукмара районы) Лубян авылына күчерелә, шул мәктәп нигезендә Лубян урман техникумы (рус. Лубянский лесхоз-техникум) ачыла. 22 укучыдан торган беренче төркем 1811 елда эре җирбиләүче һәм сәнәгатькәр Евгений Лебедев төзеткән бинада урнашып, укый башлый^[5].

1970 елдан Лубян урман хуҗалыгы техникумы (рус. Лубянский лесхоз-техникум).

2012 елда Лубян урман хуҗалыгы техникумы Лубян урман-техник көллияте итеп үзгәртелә.

Белгечлекләр

Урман һәм урман-парк хуҗалыгы (урман һәм урман-парк хуҗалыгы белгече) — 9 сыйныфтан соң 3 ел 10 ай, 11 сыйныфтан соң 2 ел 10 ай (торып һәм читтән торып) укыйсы.
Бакча-парк һәм ландшафт төзелеше (техник) — 9 сыйныфтан соң 3 ел 10 ай, 11 сыйныфтан соң 2 ел 10 ай (торып һәм читтән торып) укыйсы.
Икътисад һәм бухгалтерия исәп-хисабы (бухгалтер) — 9 сыйныфтан соң 3 ел 10 ай, 11 сыйныфтан соң 1 ел 10 ай (торып һәм читтән торып (түләп)) укыйсы.

Өстәмә белгечлекләр: агач аударучы, тракторчы, егерь, талдан сәнгать әсәрләре үрү, яшелләндерү хезмәткәре.

Көллиятне тәмамлагач, һөнәр буенча белем алуны Казан дәүләт аграр университетында, Ижау, Пермь, Йошкар-Оланың профильле югары уку йортларында, имтихансыз кереп, кыскартылган срокларда дәвам итү мөмкинлеге бар^[6].

Шәхесләр

Директорлар

Б.Д. Жилкин
А.С. Николаев
1943-1967 — И.С. Пономарёв
1967-1983 — К.С. Богомолов
2004-2014 — Мулланур Зәки улы Гобәйдуллин, ТР атказанган урманчысы.
2014-2018 — Афанасий Михаил улы Данилов
2018-2025 — Рим Фазыл улы Фәхрәзиев

Укытучылар

Шулай ук карагыз: Төркем:Лубян урман-техник көллияте укытучылары.

яңарт | SPARQL |сурәтләр тап

Тәмамлаучылар

Шулай ук карагыз: Төркем:Лубян урман-техник көллиятен тәмамлаучылар.

95 елдан артык вакыт эчендә уку йорты Татарстан һәм күрше Удмуртия, Башкортстан, Мари Ил республикалары, Киров, Свердловск, Пермь һ.б. өлкәләр өчен 9 меңнән артык белгеч әзерләп чыгарган.

Н.С. Савин, Советлар Берлеге Каһарманы.
Зәки Нури, язучы.
Н.М. Миңнеханов, ТР дәүләт премиясе лауреаты, РФ һәм ТР атказанган урманчысы.
А.Ә. Нәзиров, ТР урман хуҗалыгы министры, РФ һәм ТР атказанган урманчысы.
Ф.В. Әһлиуллин, авыл хуҗалыгы фәннәре докторы, профессор, РАЕН академигы.
А.Х. Газизуллин, авыл хуҗалыгы фәннәре докторы, профессор, Казан аграр университетының урманчылык кафедрасы мөдире.
Х.Г. Мусин, авыл хуҗалыгы фәннәре докторы, ТР урман хуҗалыгы министрының беренче урынбасары.
П.В. Владимиров, ягулык сәнәгате министры.
И.В. Матросов, Удмуртия урман хуҗалыгы министры урынбасары.
А.С. Перевозчиков, Удмуртия урман һәм кәгазь сәнәгате министры.
Ә.Г. Гаянов, ТР урман хуҗалыгы министры, РФ һәм ТР атказанган урманчысы.
Е.А. Гуськов, ТР урман хуҗалыгы министры урынбасары, РФ һәм ТР атказанган урманчысы.
И.Н. Зарипов, ТР урман хуҗалыгы министры урынбасары, РФ һәм ТР атказанган урманчысы.
И.Н. Лысенков, Удмуртия АССР урман хуҗалыгы идарәсе башлыгы һ.б.

яңарт | SPARQL |сурәтләр тап

башлау	тәмамлау	Исем	туу датасы	туу урыны	һөнәр төре	эш урыны	үлем датасы
		Вәдүт Мифтах	1915-11-20	Яхшы Каран	язучы
		Зәки Нури	1921-12-24	Татар Төкесе	шагыйрь	«Татарстан яшьләре» Татарстан язучылар берлеге Казан утлары	1984-02-18
		Гаяз Җамалиев	1925-12-17	Түбән Арбаш
		Вәсигъ Зәһриев	1930-12-01	Түбән Шүләңгер			1994-03-08
		Әбүзәр Гаянов	1936-08-06	Акман	урманчы
		Ямаш Игәнәй	1938-01-10	Ләке	журналист
1971	1975	Алмас Нәзиров	1956-02-29	Сеҗе	урманчы	Татарстан Республикасы Урман хуҗалыгы министрлыгы

Искәрмәләр

↑ Уку йортының уставы буенча атамасы, archived from the original on 2017-06-05, retrieved 2017-04-28
↑ ТР урман хуҗалыгы министрлыгы сайтында, archived from the original on 2021-01-17, retrieved 2017-04-28
↑ Казан дәүләт аграр университеты сайты(үле сылтама)
↑ Сплоченные одной целью. «Элита», 24.02.2015(үле сылтама)
↑ Лубянский лесотехнический колледдж – верный выбор! «Известия Татарстана», 11.03.2016, archived from the original on 2016-07-31, retrieved 2017-04-28
↑ «Абитуриентка ярдәмгә» интернет-порталында(рус.)

Чыганаклар

Татарский энциклопедический словарь. Казань: Институт татарской энциклопедии АН РТ, 1999. ISBN 0-9530650-3-0

Сылтамалар

Көллиятнең рәсми сайты
Көллиятнең «Татарстан Республикасының электрон мәгарифе» порталындагы сәхифәсе 2017 елның 9 август көнендә архивланган.
Көллиятнең Вконтактедагы рәсми төркеме

Моны да карагыз

[1] Уку йортының уставы буенча атамасы, archived from the original on 2017-06-05, retrieved 2017-04-28

[2] ТР урман хуҗалыгы министрлыгы сайтында, archived from the original on 2021-01-17, retrieved 2017-04-28

[3] Казан дәүләт аграр университеты сайты(үле сылтама)

[4] Сплоченные одной целью. «Элита», 24.02.2015(үле сылтама)

[5] Лубянский лесотехнический колледдж – верный выбор! «Известия Татарстана», 11.03.2016, archived from the original on 2016-07-31, retrieved 2017-04-28

[6] «Абитуриентка ярдәмгә» интернет-порталында(рус.)

[1]

[2]

[3]

[4]

[5]

[6]