Әбүзәр Гаянов

Әбүзәр Гаянов, Әбүзәр Гаян улы Гаянов, рус. Гаянов Абузар Гаянович (06.08.1936) — урманчы. Татарстан Республикасы урман хуҗалыгы министры (1984-2001). ТАССР Югары шурасы депутаты (1985-1990). РФ (1999) һәм ТАССР (1968) атказанган урманчысы.

Әбүзәр Гаянов
Файл:Ә.Г.Гаянов.jpg
Туган телдә исем	Әбүзәр Гаян улы Гаянов
Туган	6 август 1936(1936-08-06) (88 яшь) ТАССР Мамадыш районы Акман авылы
Яшәгән урын	Достоевски урамы
Милләт	татар
Ватандашлыгы	ССРБ ССРБ→ Россия Россия
Әлма-матер	Лубиян урман-техник көллияте
Һөнәре	урманчы
Балалар	улы
Бүләк һәм премияләре

Тәрҗемәи хәле

1936 елның 6 августында ТАССР Тәкәнеш районы (хәзерге Мамадыш районы) Акман авылында туган. Лубян урман хуҗалыгы техникумын (2012 елдан Лубян урман-техник көллияте) (1954), Мари урман-техника институтын (Йошкар-Ола, 1966) тәмамлаган.

Хезмәт юлы

• 1954-1955 Чита өлкәсе Ингодинск урман хуҗалыгында урманчы ярдәмчесе, урманчы.
• 1958-1977 ТАССР урман хуҗалыгында: Аксубай урман хуҗалыгы урманчысы.
• 1961 25 яшендә Минзәлә урман хуҗалыгы баш урманчысы\
• 1971-1975 Татар урман хуҗалыгы идарәсенең урман хуҗалыгы бүлеге башлыгы.
• 1975-1980 КПССның Татарстан өлкә комитетының сәнәгать-транспорт бүлеге инструкторы.
• 1980-1984 КПССның Татарстан өлкә комитетының сәнәгать бүлеге мөдире урынбасары.
• 1984-2001 Татарстан АССР (1991 елдан Татарстан Республикасы) урман хуҗалыгы министры.
• 2003 елдан Казан дәүләт авыл хуҗалыгы академиясендә (2006 елдан Казан дәүләт аграр университеты) фәнни-педагогик эштә.

Иҗтимагый эшчәнлеге

• 1985-1990 ТАССР Югары шурасы депутаты.

Фәнни эшчәнлеге

Хезмәтләре урманчылык эшенә һәм урман хуҗалыгы өлкәсенә карый.

Хезмәтләре

1. Упорядочить рубки ухода за лесом. «Лесное хозяйство», 1974 ел, № 12.
2. Урман хуҗалыгы хезмәткәрләре өчен русча-татарча сүзлек — «Русско-татарский словарь–минимум для работников лесного хозяйства». 1995.
3. Леса и лесное хозяйство Республики Татарстан. Казань: Идел-PRESS, 2001.

Мактаулы исемнәре һәм бүләкләүләре

• 1968 ТАССР атказанган урманчысы
• 1999 РФ атказанган урманчысы
• «Хөрмәт билгесе» ордены

Чыганаклар

1. Татар энциклопедиясе. Казан, 2010.

Сылтамалар

• Лубян урман техникумы тарихы (реферат)
• Ә.Г. Гаянов Viperson.ru сайтында
• Ә.Г. Гаянов «Татар иле» мәгълүмати-ресурслы татар социаль челтәрендә