Сызран

Сызран (рус. Сызрань) — Россиянең Самар өлкәсе территориясендә урнашкан шәһәр, Сызран районының үзәге (район эченә керми).

Сызран
рус. Сызрань
Байрак	Илтамга
Нигезләнү датасы	1683
Дәүләт	Россия
Нәрсәнең башкаласы	Сызран районы һәм Городской округ Сызрань[d]
Административ-территориаль берәмлек	Городской округ Сызрань[d]
Сәгать поясы	UTC+04:00
Хөкүмәт башлыгы	Николай Ләдин[d]
Халык саны	165 725 (2021)
Диңгез дәрәҗәсе өстендә биеклек	50 метр
Кардәш шәһәр	Пиндиншань[d]
Моның хуҗасы	Сызранская ГЭС[d]
Бүләкләр
Мәйдан	117 км²
Почта индексы	446000–446031
Рәсми веб-сайт	adm.syzran.ru
Беренче язма телгә алу	1683
Җирле телефон коды	8464
Монда җирләнгәннәр төркеме	[d]
Сызран Викиҗыентыкта

Халык саны — 178 773 кеше, буйсындырылган торак пунктлары белән — 179 581 кеше.

2021 елның 10 сентябреннан ― Хезмәт даны шәһәре.

География

Сызран Идел елгасының (Сарытау сусаклагычының) уң ярында, Сызранка елгасы тамагында, Самардан Идел агымы буенча 137 километр түбәнрәк урнаша. Куйбышев тимер юлының Сызрань I станциясе (Самар—Сызрань—Пенза сызыгы). Шәһәр аша М5 «Урал» (Мәскәү — Рязань — Пенза — Самар — Уфа — Чиләбе), А151 (Чуел — Канаш — Сембер — Сызран), Р227 (Сызран — Шигоны — Усолье), Р228 (Сызран — Сарытау — Волгоград) автоюллар баралар.

Төмәннән эре шәһәрләр кадәр ераклыгы (автоюллар буенча)
			Ульяновск ~ 135 км.	Казан ~ 378 км.	Тольятти ~ 127 км.
			Пенза ~ 253 км	Җилләр розасы	Самар ~ 191 км
			Сарытау ~ 316 км.	Балакау ~ 160 км.	Уральск ~ 437 км.

Сәгать поясы

Сызран халыкара стандарт буенча Moscow Time Zone (MSK/MSD) сәгать поясында урнаша. Бу сан, UTC системасы буенча исәпләгәндә, +4:00 гә тигез.

Климат

Сызран климаты
Күрсәткеч	Гый	Фев	Мар	Апр	Май	Июн	Июл	Авг	Сен	Окт	Ноя	Дек	Ел
Уртача температура, °C	−8,9	−9,7	−3,9	6,7	13,7	18,8	20,5	18,1	12,8	6,0	−2,6	−7,9	5,4
Чыганак: NASA. База данных RETScreen

Исемнең килеп чыгышы

Шәһәр исеме татар «сыза» сүзеннән + «-ран» (чуаш телендә чыгыш килеше күрсәткече) кушымчадан килеп чыккан.

Тарих

Сызран 1683 елда воевода Григорий Козловский тарафыннан крепость буларак нигезләнә.

1717 елдан — Әстерхан губернасы составында, 1728 елдан — Казан губернасының Синбир провинциясе составында. 1780 елда Сызранга шәһәр һәм өяз үзәге статусы бирелә.

1856 елда Сызран шәһәрендә 10 чиркәү, 2907 йорт һәм 361 лавка (кибет) булган.

1874 елда Моршанск-Сызран тимер юл сызыгы Батраки (Сызран янында) кадәр төзелә; 1876 һәм 1898 елларда Сызран янында тагын ике тимер юл (Самар-Ырынбур һәм Мәскәү-Казан сызыклары) төзелә. 1880 елда Сызран янында Александр II исемле Идел аша күпере ачыла (совет чорында исеме Сызран күперенә үзгәртелә).

1906 елда Сызран янгыннан зыян күрә; янгын тарафыннан 3 540 йорт, шул исәптә 6 чиркәү һәм монастырь бетерелә.

1928 елдан — Урта Идел өлкәсе (крае) составында, 1928—1930 елларда аның Сызран округы үзәге. 1938 елдан Сызран районы үзәге булып тора. 1920-1930 елларда Сызранда ГЭС (1929) һәм Кашпир сәверташ комбинаты (1932) төзелә, Суран нефтепромыселы барлыкка килә (1937), тегү һәм мебель фабрикалары (1935), азык концентратлары заводы (1936) ачыла.

Бөек Ватан сугышы вакытында шәһәрдә локомотив һәм нефть эшкәртү заводлары барлыкка киләләр; Шуның өстенә, Сызранга вакытлыча кайбер ССРБ министрлыклары эвакуацияләнләр.

1942 елда Батраки, Правая Волга, Первомайск штб-лары һәм Костычи авылы нигезендә Сызранның Октябрь районы барлыкка килә. 1956 елда ул Октябрьск шәһәренә үзгәртеп корыла.

Сугыштан соңгы периодта Сызранда машиналар төзү, нефтехимия, химия, энергетик, җиңел, агач эшкәртү һәм азык-төлек сәнәгатьләре зур үскәннәр. 1997 елда шәһәр составына Новокашпирский штб-ы кертелә.

Халык

1856	1897	1913	1926	1931	1939	1959	1970	1979	1989	2002	2010
~17 800	32 383	~43 600	~48 800	~55 300	~77 900	148 391	173 347	178 498	174 335	188 107	178 773

Милли состав

Милләт	2002	2010
руслар	83,7%	89,2%
татарлар	4,2%	5,3%
мордва	2,1%	1,0%
украиннар	2,0%	1,1%

Икътисад

Нефть эшкәртү, нефтехимия, химия сәнәгатенең ширкәтләре; турбиналар төзү заводы, «Сызраньсельмаш» заводы.

мебель фабрикасы. "Волна" тегү берләшмәсе. Азык концентратлары заводы, һ.б.

Югары уку йортлары

• Самар дәүләт икътисади университиетының филиалы
• Сызаран хәрби авиация очучылар училищесы
• Самар дәүләт техника университиетының филиалы

Танылган шәхесләр

• Виктор Горбунов (1924-?), БЛКЯБ Татарстан өлкә комитеты беренче сәркәтибе (1957-1958).

Галерея

• 
• 
  Сызран кирмәненең Спас манарасы
• 
  Медицина колледжы бинасы
• 
• 
• 
• 
  Вокзал
• 

Шулай ук карагыз

• Сызран кирмәне

Тышкы сылтамалар

• Сызран «Минем шәһәр» энциклопедиясендә