Тәслимә Фәйзуллина
Тәслимә Фәйзуллина, Тәслимә Хәләф кызы Фәйзуллина (кыз фамилиясе Мөхетдинова, 1953 елның 17 июле, ССРБ, РСФСР, БАССР, Бишбүләк районы, Дүсән — 2018 елның 13 октябре, РФ, ТР, Казан) — драма актрисасы, педагог, Татарстанның халык артисты (2008), Салават драма (1972-1977 елларда), Республика күчмә (1977-1988 елларда), Кәрим Тинчурин исемендәге (1988-2018 елларда) театрларда уйнаган актриса, Казан дәүләт мәдәният һәм сәнгать институты һәм Казан театр училищесы укытучысы.
| Тәслимә Фәйзуллина | |
 Т. Фәйзуллина — Флюра И. Грекова «Тол хатыннар көймәсе» | |
| Туганда бирелгән исеме: |
Тәслимә Хәләф кызы Мөхетдинова |
|---|---|
| Туу датасы: | |
| Туу җире: | |
| Үлем датасы: |
13 октябрь 2018 (65 яшь) |
| Үлем җире: | |
| Һөнәре: |
драма актрисасы, педагог |
| Гражданлыгы: | |
| Активлык еллары: |
1972 — 2018 |
| Амплуа: |
психологик рольләр |
| Бүләк һәм премияләр: |
|
Тәрҗемәи хәле
үзгәртү1953 елның 17 июлендә Башкортстан АССР Бишбүләк районы Дүсән авылында туган. Туган авылында сигезьеллык мәктәпне, Уфа сәнгать училищесын (1972), Казан дәүләт мәдәният һәм сәнгать университетын (хәзер институт, 1997) тәмамлаган. 1972 елда Салават драма театрына кабул ителә, анда 5 ел эшли. 1975 елда Кришна Чандра әсәре буенча куелган «Бер кыз һәм мең гашыйк» спектаклендә башкарган роле «республикада иң яхшы хатын-кыз роле» дип табыла, актриса Алманиягә бушлай путевка белән бүләкләнә [1]. 1977 елда Казанга күчеп килә һәм 2018 елга кадәр Кәрим Тинчурин исемендәге Татар дәүләт драма һәм комедия театрында (1988 елга кадәр Республика күчмә театры) хезмәт итә. Театрда эшләве белән беррәттән, Казан дәүләт мәдәният һәм сәнгать институтында (Рәшит Заһидуллин белән берлектә), Казан театр училищесындә (Илдар Хәйруллин белән бергә) татар драма курсы студентларын актерлык осталыгы фәненнән укыта[2][3].
Иҗаты
үзгәртүТеатрда 46 елдан артык иҗат итү дәверендә уйнаган 70 тән артык ролен зур осталык белән тамашачыга җиткерә белде. Аның уенына табигыйлек, тормышчанлык, образны нечкә тоемлау хас иде.
Репертуары
үзгәртүТинчурин театрында
үзгәртү- Бернарда Альба — Ф. Г. Лорка «Бернарда Альба йорты»
- Галиябану — Туфан Миңнуллин «Саташу»
- Флюра — И. Грекова «Тол хатыннар көймәсе»
- Бикә — Наил Гаетбай «Әстәгьфирулла»
- Убыр — Нәбирә Гыйматдинова «Сихерче»
- Рабига — Нәбирә Гыйматдинова «Бер тамчы ярату»
- Тәслимә — Сәет Шәкүров «Сөяркә»
- Фәридә — Назыйм Хикмәт «Урланган мәхәббәт»
- Ләлә — Илдар Юзеев «Гашыйклар тавы»
- Гөлсем — Шәриф Хөсәенов «Әниемнең ак күлмәге»
- Гөлчирә — Таҗи Гыйззәт «Ташкыннар»
- Сәрби — Фәтхи Бурнаш «Яшь йөрәкләр»
- Рәхилә — Хәй Вахит «Беренче мәхәббәт» һ. б
Әдәби иҗат
үзгәртүАртистлык хезмәтеннән тыш, әдәби иҗат белән дә шөгыльләнә: җырларга сүзләр яза, пьесалар тәрҗемә итә — «Канлы туй» (рус. Кровавая свадьба), «Тормышка ашмаган хыяллар» (рус. Дом Бернарды Альбы, Ф. Г. Лорка)[4], «Гильдерландта күренеш» (рус. Вид в Гильдерланде) Ю. Волков, романнарның инсценировкаларын яза — «Сихерче», «Бер тамчы ярату», «Күбәләк» (Нәбирә Гыйматдинова).
Бүләкләре, мактаулы исемнәре
үзгәртү- 1975 — «Республикада иң яхшы хатын-кыз роле» — Салават драма театрының «Бер кыз һәм мең гашыйк» спектаклендә башкарган роле өчен
- 1991 — ТАССР атказанган артисты
- 2004 — «Яңа татар пьесасы» конкурсында «Иң яхшы инсценировка» номинациясендә беренче премия
- 2008 — Татарстанның халык артисты
2018 елның 13 октябрендә 66 нчы яшендә Казанда вафат. Казанның Самосырово бистәсендәге Мәрҗани мәчете карамагындагы мөселман зиратына җирләнә[5]. 2020 елның 17 июлендә каберенә таш куелды [6].
Гаилә хәле
үзгәртүИре (? елга кадәр) — шагыйрь Рөстәм Фәйзуллин (Рөстәм Акъегет, 1951—2020). Уллары Булат, компьютер белгече, программист[7].
Искәрмәләр
үзгәртү- ↑ Яркие женщины – яркие судьбы. Из истории родного края
- ↑ Ильтани Илялова. Фәйзуллина Тәслимә Хәләф кызы. 2017 елның 14 август көнендә архивланган. Казан театр музее сайты (рус.)
- ↑ Мастерская Таслимы Файзуллиной. vk.com
- ↑ «Несбывшиеся мечты». garcia-lorca.ru
- ↑ Татарстанның халык артисты Тәслимә Фәйзуллина вафат.(үле сылтама) «Татар-информ» МА, 14.10.2018
- ↑ Татарстанның халык артисткасы Тәслимә Фәйзуллина каберенә таш куелды «Татар-информ» 18.07.2020
- ↑ Зилә Мөбәрәкшина. Римзил Вәлиев:«Түрәләрне өнәп бетерми иде ул». Татар-информ, 20.07.2020.
Сылтамалар
үзгәртү- Тәслимә Фәйзуллина. Тинчурин театры сайты
- Тирән кайгы. Камал театры сайты