Мөселман зираты (Казан)
Мөселман зираты — Казан шәһәренең Шәмсир (рус. Самосырово) торак пункты янында, Мамадыш тракты, 40-нче йорт адресы буенча урнашкан мөселман зираты. Зиратта җирләүләр 2007 елдан (? төгәл белмим) башланган. Гомуми мәйданы - 38,9 гектар. Зират капкасы янында Әминә исемен йөрткән кечкенә мәчет бар.
Зиратта имамнар аллеясы бар. Анда дингә хезмәт иткән имамнар, мәчет-мәдрәсәләр төзегән, аларны карап торырга ярдәм иткән кешеләр һәм аларның хатыннары күмелә. Бу кешеләрне күмү эшләре бушка башкарыла[1].
Мөселман зиратында күмелгән кешеләр
үзгәртү| Шәхесләр | Җирләү елы |
|---|---|
| Рина Зарипова | 2008 |
| Вәлиулла Ягъкуб | 2012 |
| Хәлил Мәхмүтов | 2012 |
| Рөстәм Мингалим | 2014 |
| Равил Фәхретдинов | 2014 |
| Илдус Әмирхан | 2014 |
| Наил Шәйхетдинов | 2016 |
| Әнәс Галиуллин | 2018 |
| Тәслимә Фәйзуллина | 2018 |
| Исламия Мәхмүтова | 2019 |
| Җәмил Зәйнуллин | 2020 |
| Рафаил Ильясов | 2020 |
| Әлмира Әдиятуллина | 2021 |
Шәхесләрнең тулырак исемлеген "Казанның мөселман зиратында җирләнгән шәхесләр" исемле төркемдә карап була.
Тарих
үзгәртү2012 елда Казан шәһәр төзелеше идарәсе башлыгы Альберт Салихов зиратта җирләнгән атасының кабере өстенә, зират кагыйдәләрен бозып, фотосурәтле таш куйдыра. Зиратның идәрәсе рәсем өстенә ак кагәзь бит ябыштырды. Шуннан соң Альберт Салихов “зиратта вандаллык хөкем сөрә”, дип прокуратурага мөрәҗәгать итә. Казанның Совет районы прокуратурасы җинаять составы булмау сәбәпле, вандаллык һәм башбаштаклык маддәләре буенча җинаять эше кузгатудан баш тарта. Ләкин соңыннан барыбер Вахитов районы прокуратурасына зиратның эшчәнлеген туктату турында документ тапшыра. Зиратны ябылудан яклап милли хәрәкәт һәм дин эшлекләре Казанда митинг уздыралар.[2]
Мөселман зираты кагыйдәләре
үзгәртү- Кабер ташына мәрхүмнең портретын ясау, башка төрле фотосурәтләр кую катгый тыела.
- Каберләргә чардуган урнаштыру һәм агач утырту тыела.
- Зиратта тәмәке атарту, исерткеч эчемлекләр китереп эчү һәм исерек килеш керү тыела.
Шулай ук карагыз
үзгәртүСылтамалар
үзгәртү- Татарстан мөселманнары Диния нәзарәте Самосырово янындагы зиратны киңәйтүне сорый. Татар-Информ. 14 Август 2017
- Казанның мөселман зиратын 2016 елда зиярәт итүем.
- Җәһәннәм биюе… Искәндәр СИРАҖИ(үле сылтама) Безнең гәҗит. 2012, №7 (22 февраль)
Искәрмәләр
үзгәртү- ↑ Казанда мәетне җирләү ничә сумга төшә?
- ↑ [1] Казанда мөселман зираты ябылуга каршы митинг үтте
| Казанның истәлекле урыннары | ||
_(2004).png) |
||