Әлмира Әдиатуллина
Әлмира Лотфулла кызы Әдиатуллина[2] , псевдонимы Әлмира Сарьяз[3] (1938 елның 8 июле, СССР, РСФСР, БАССР, Илеш районы, Сәеткол — 2021 елның 27 июле, РФ, ТР, Казан) ― журналист, ТАССРның атказанган мәдәният хезмәткәре (1989), дин эшлеклесе.
| Әлмира Әдиатуллина | |
|---|---|
| Туган телдә исем | Әлмира Лотфулла кызы Әдиатуллина |
| Туган | 8 июль 1938 СССР, РСФСР, БАССР, Илеш районы , Сәеткол |
| Үлгән | 27 июль 2021 (83 яшь) РФ, ТР, Казан |
| Яшәгән урын | Горсовет урамы[d][1] |
| Милләт | татар |
| Ватандашлыгы |  СССР→ РФ |
| Әлма-матер | Казан (Идел буе) федераль университеты |
| Һөнәре | журналист, җәмәгать эшлеклесе |
| Бүләк һәм премияләре | ТАССРның атказанган мәдәният хезмәткәре (1989) |
Белеме
үзгәртү1938 елның 8 июлендә Башкортстан АССРның Илеш районы Сәеткол авылында туа. 1965 елда Казан дәүләт университетын тәмамлый.
Эшчәнлеге
үзгәртү"Совет мәктәбе" (1962), "Азат хатын" (1964-1993; 1991 елдан "Сөембикә"; 1990-1993 елларда җаваплы сәркатип вазифасында) журналларында, "Бәйсезлек" газетасында журналист булып эшли. Татарстан Республикасы Диния нәзарәтендә матбугат эшләре җитәкчесе (1994-1998). Бер үк вакытта Татар иҗтимагый үзәге каршындагы Солдат ата-аналарын яклау комитеты рәисе. 1997 елдан "Мөслимә" газетасы мөхәррире. Шул ук вакытта Татарстан Республикасы мөселманнары Диния нәзарәте карамагындагы Мөселман хатын-кызлар ассоциациясе рәисе.
Мәкаләләре "Ялкын", "Сөембикә" журналларында, "Ватаным Татарстан", "Татарстан яшьләре", "Шәһри Казан" газеталарында басыла. Күпчелек мәкаләләре яшь буынга әхлакый тәрбия бирү, татар халкының рухи хәзинәләрен яңадан тергезү мәсьәләләренә багышлана.
2021 елның 27 июлендә Казанда вафат[4]. Казанның мөселман зиратында җирләнгән [5].
Хәтер
үзгәртү- 2022 ― дини тормыш турында актив язучы журналистларга Әлмира Әдиатуллина исемендәге премия (10 ар мең сум) булдырылган. Мөслимә Шәфыйк (1937―2023 [6]), Вәсилә Рәхимова һәм Рәшит Минһаҗ ― беренче премия алучылар. Премияләрне Бөтендөнья татар конгрессының Казан бүлеге җитәкчесе, хәйрияче Фәрит Мифтахов «Ярдәм» мәчетендә Әлмира Әдиатуллинаны искә алу чарасында тапшырган[7].
- 2022 ― Вәсилә Рәхимованың журналист, җәмәгать эшлеклесе Әлмира Әдиатуллинага багышланган «Фидакарь мөслимә» китабы нәшер ителгән[2].
- 2024 ― «Ярдәм-Помощь» гомуммилли хәйрия фонды Әлмира Әдиатуллина исемендәге журналистлар премиясен (рус. Журналистская премия имени Альмиры Адиатуллиной) гамәлгә кертә. Премия биш юнәлештә тапшырыла: телевизион программа, телевизион яңалык, репортаж, вакытлы матбугатта мәкалә һәм интернетта чыккан материал. Конкурска материаллар 2024 елның мартыннан октябренә кадәр кабул ителә. Нәтиҗәләр декабрьдә ясала. Эшләр татар һәм рус телләрендә кабул ителә. Диненә, милләтенә, яшенә карамастан, Һәркем конкурста катнаша ала, шулай ук блогерлардан эшләр кабул ителә[8].
Искәрмәләр
үзгәртү- ↑ бирелмәләр нигезе
- ↑ 2,0 2,1 Рифат Каюмов. Әлмира Әдиатуллинаны искә алу чарасында «Фидакарь мөслимә» китабы тәкъдим ителде. Татар-информ, 8.08.2022
- ↑ УЛ БИТ ӘЛМИРА АПА!, archived from the original on 2019-02-22, retrieved 2019-03-09 zero width space character in
|title=at position 1 (help) - ↑ Татар журналисты, җәмәгать эшлеклесе Әлмирә Әдиятуллина вафат. Азатлык радиосы, 27.07.2021
- ↑ Әлмирә Әдиятуллина узган юл: Милләт, хокук, мәгърифәт. Азатлык радиосы, 28 июль 2021
- ↑ Көмеш тавышлы Мөслимә Шәфыйк вафат. ОБФ «ЯРДАМ - ПОМОЩЬ», 4.05.2023
- ↑ Рифат Каюмов. Өч журналистка Әлмира Әдиятуллина исемендәге беренче премия тапшырылды. Татар-информ, 8.08.2022
- ↑ Зиля Мубаракшина. Фонд «Ярдэм» учредил журналистскую премию имени Альмиры Адиатуллиной. Татар-информ, 10.01.2024
Әдәбият
үзгәртү- Әмирханов М. Яктының җаны җәннәт // «Сөембикә». 1998. № 7.
Чыганаклар
үзгәртү- Татар энциклопедиясе: [6 томда] / баш мөхәр. М. Х. Хәсәнов (3 томнан Ә. М. Мазһаров) ; [җав. мөхәр. Г. С. Сабирҗанов] .— Казан: Татар энциклопедиясе институты, 2008 - 1 т. А-В. - Б. 276
Сылтамалар
үзгәртүМоны да карагыз
үзгәртү
 |
Бу мәкаләнең сыйфатын арттырыр өчен түбәндәгеләрне эшләргә кирәк?:
|