Олег Фазылҗанов

Олег Фазылҗанов, Олег Фарук (Фаррух) улы Фазылҗанов (1968 елның 10 марты, СССР, РСФСР, ТАССР, Балык Бистәсе районы, Казак Чаллысы) — Әлмәт драма (1987 елда), Түбән Кама драма (2003 елда), Камал (2004 елдан) театрлары актеры, Татарстанның атказанган (2010) һәм халык (2023) артисты.

Олег Фазылҗанов
Олег Фазылҗанов. Фото: intertat.tatar
Туганда бирелгән исеме:	Олег Фарук улы Фазылҗанов
Туу датасы:	10 март 1968(1968-03-10) (56 яшь)
Туу җире:	СССР, РСФСР, ТАССР, Балык Бистәсе районы, Казак Чаллысы
Һөнәре:	драма актеры
Гражданлыгы:	СССР РФ
Активлык еллары:	1987 — х. в.
Бүләк һәм премияләр:

Тәрҗемәи хәле

1968 елның 10 мартында Татарстан АССР Балык Бистәсе районы Казак Чаллысы авылында туган. Сигезьеллык мәктәпне, Казан театр укуханәсен тәмамлаган (1987). Казан дәүләт мәдәният институтында укый.

1987 елда Әлмәт татар театрында эшли башлый. 1987-1990 елларда хәрби хезмәттә була. 1990 елдан Түбән Кама «Нефтехим» берләшмәсе каршындагы театр студиясендә, 1996 елдан Түбән Кама халык иҗат йортында артист-вокалист булып эшли.

2003 елда Түбән Кама драма театрында эшләп ала.

2004 елның августыннан Г. Камал исемендәге Татар академия театрында хезмәт итә.

Иҗаты

«Телсез күке» спектакле.
Р. Төхфәтуллин (с), О. Фазылҗанов (у)

Зөлфәт Хәкимнең «Телсез күке» спектаклендәге Күке Зарифы образы — актерның иң күренекле рольләренең берсе.

Уйнаган рольләренең кайберләре

Камал театры

• Мирсәет — «Талак, талак» Хәй Вахит
• Күке Зарифы — «Телсез күке» Зөлфәт Хәким
• Тикшерүче — «Дәрсе гыйбрәттер театр» Рүзәл Мөхәммәтшин
• Әбүзәр Шактыев — «Бармы ришвәттән дәва» Зөлфәт Хәким
• Вәзир — «Хуҗа Насретдин» Нәкый Исәнбәт, Саадалла Ваннус
• 1нче доверенный — «Банкрот» Галиәсгар Камал
• Карт Убырлы — «Кечтүкле уен» Илгиз Зәйниев
• Әмир — «Мулла» Туфан Миңнуллин
• Әбелкарип — «Кыю кызлар» Таҗи Гыйззәт
• 3нче кенәз — «Ханума» Авксентий Цагарели
• Лорд-Лондон мэры — «Ричард III» Уильям Шекспир
• Заркай — «Миркәй белән Айсылу» Нәкый Исәнбәт
• Амур — «Диләфрүз-Remake» Туфан Миңнуллин
• Акми — «Гөлҗамал» Нәкый Исәнбәт
• 3нче кода — «Казан сөлгесе» Кәрим Тинчурин
• Сәйфулла — «Яшь йөрәкләр» Фәтхи Бурнаш
• Карт мулла — «Тормышмы бу?» Гаяз Исхакый һ. б.

Фильмография

Олег Фазылҗанов.
Фото: kamalteatr.ru

• Галләметдин — «Өч аяклы ат» (режиссёр Нурания Җамали, «Легенда» кинокомпаниясе, 2008).

Бүләкләре, мактаулы исемнәре

• 2010 — Татарстанның атказанган артисты
• 2023 — Татарстанның халык артисты

Гаилә хәле

Сеңлесе (бер ата балалары) Энҗе Камалиева, Кариев театры актрисасы.
Беренче хатыныннан кызы Лилия.
Икенче хатыны Алсу. Уллары ?, ?, Әскәр.

Әдәбият

1. Лилия Йосыпова. «Бик шук малай идем». «Ирек мәйданы», 2018 ел, 18 октябрь.

Сылтамалар

• Фазылҗанов Олег Фарук улы. Камал театры сайты
• Фазылзянов Олег Фарукович. Известные татары Татобзор.ру
• Салават Камалетдинов. Олег Фазылҗанов: Камал театрның алтын тавышы, керәшеннәрнең халык артисты, татарларның күке Зарифы. Интертат.ру, 25.10.2018
• Олег Фазылҗановның юбилей кичәсе. Youtube (видео, 2:36:19)