Төп менюны ачу

Ильяс Камал (Ильяс Фәйзрахман улы Камалов) — композитор, музыкант (виолончель), дирижер, Габдулла Тукай исемендәге Татар дәүләт филармониясе солисты (2014)[1], ТР һәм РФ композиторлар берлекләре әгъзасы (2017).

Ильяс Камал
Төп мәгълүмат
Тулы исеме

Ильяс Фәйзрахман улы Камалов

Туу көне

29 июль 1992(1992-07-29) (27 яшь)

Туу урыны

РФ, Санкт-Петербург

Эшчәнлек еллары

2014 - х. в.

Дәүләт

Русия байрагы РФ, ТатарстанFlag of Tatarstan.svg Татарстан

Һөнәрләр

композитор, музыкант, виолончельчы

Кораллар

виолончель

Коллективлар

Татар дәүләт филармониясе

Бүләкләр

Халыкара конкурслар лауреаты

https://vk.com/ilyaskamal

Тәрҗемәи хәлеҮзгәртү

Ильяс Камалов 1992 елда Санкт-Петербург шәһәрендә, татар гаиләсендә туа. Әтисе - рәссам, дизайнер Фәйзрахман Камалов, әнисе - педагог һәм журналист Гөлзадә Камалова. Бала чактан ук музыкага мәхәббәт гаиләдән килә: әнисе татар халык җырларын бик яратып башкара иде, Санкт-Петербург татарлары җәмгыятендәге үзешчән хорда җырлый иде, әтисе - башкорт кураенда үзешчән башкаручы.[2]

2007 елда татар халкына һәм музыкасына мәхәббәт Ильясны Татарстанның башкаласына - И. В. Әүхәдиев исемендәге Казан музыка көллиятенә алып килә. Монда ул атаклы виолончельчы, Татарстан Республикасының халык артисты Лариса Маслова классында белем ала. Көллияттә укыган вакытта ук Ильяс Камал музыка иҗат итә башлый, төрле ансамбльләр өчен эшкәртмәләр ясый, Казан Дәүләт консерваториясенең профессоры, атаклы композитор Борис Трубиннан дәресләр ала.

2011 елда Казан музыка көллиятен тәмамлап, укуны Казан дәүләт Консерваториясендә дәвам итә. Монда ул берьюлы ике факультетта (оркестр факультеты һәм музыка теориясе һәм композиция факультеты) белем ала. Остазлары арасында - Татарстанның халык артисты, Русия Федерациясенең атказанган артисты, профессор, Альберт Әсәдуллин, Русия Федерациясенең атказанган сәнгать эшлеклесе Борис Трубин, Татарстанның атказанган сәнгать эшлеклесе Виталий Харисов.

2014 елдан башлап Ильяс Камал - Татар Дәүләт филармониясенең, Филармониянең әдәби-музыкаль лекториеның солисты. Филармониянең лекторие составында Татарстанның һәм Русия Федерациясенең күп шәһәрләрендә концертлар бирә.

2017 елдан башлап Ильяс Камал Русия Федерациясенең һәм Татарстан Республикасының композиторлар берлеге составына керде.[3]

2019 елда Казан дәүләт Консерваториясенең ассистентура-стажировкасын тәмамлый, иҗади җитәкчесе - Татарстанның атказанган сәнгать эшлеклесе Виталий Харисов, шулай ук опера-симфоник дирижерлык буенча Айдар Яруллин классында укып чыга.

ИҗатыҮзгәртү

Ильяс Камалның иҗатының иң зур өлешен - камера инструменталь һәм оркестр өчен әсәрләр тәшкил итә. Үз иҗатыннан тыш Ильяс Камал аранжировкачы буларак танылган. Татарстанның атаклы коллективлары өчен оркестровкалар һәм әшкәртмәләр авторы, шул исәптән: "La Primavera" Казан камера оркестры[4], "Яңа музыка" оркестры, "Sforzando" оркестры[5], Татарстан Дәүләт фольклор музыкасы ансамле, "Alqanat" рок төркеме, һәм башка коллективлар өчен йөзләгән эшкәртмәләр эшләп башкарган.

Төп әсәрләр:Үзгәртү

  • "Минем Такташ" камера операсы, Рүзәл Мөхәммәтшин либреттосы[6][7][8][9]
  • Илһам Шакировка багышланган симфоник поэма
  • Виолончель һәм симфоник оркестр өчен концерт[10]
  • Альт-саксофон белән симфоник оркестр өчен поэма
  • Симфоник оркестр өчен "Бәйрәм рондосы"
  • "Сак-Сок канатларының сере" исемле балалар өчен мюзикл[11]
  • Фортепиано өчен соната
  • Альт һәм фортепиано өчен соната
  • Труба һәм Фортепиано өчен "Идел-Урал" исемле сюитасы (Татар һәм Башкорт фольклорыннан илһам алып)
  • Виолончель һәм фортепиано өчен 5 эскиз
  • 8 виолончель өчен "Сихри сәфәр"[12]
  • Кыллы квартет ("Кыллы квартет өчен 3 пьеса")
  • Кыллы оркестр өчен "Кыпчак увертюрасы"
  • Төрле ансамбльләр өчен әсәрләр, җырлар, романслар.

ИскәрмәләрҮзгәртү