Төп менюны ачу

Васил Гайфуллин

Васил Гайфуллин, Васил (Васыйл) Габдулла улы Гайфуллин (1937 елның 23 марты, ТАССР, Мөслим районы, Югары Табын) — Татарстанның дәүләт һәм җәмәгать эшлеклесе, галим. 19901997 елларда ТАССР мәгариф министры (1991 елдан Татарстан мәгариф министры). Педагогика фәннәре докторы (Ленинград, 1990). Профессор (1992). Татарстанның атказанган фән эшлеклесе (2003). РФ (2004) һәм ТАССР (1987) атказанган укытучысы. Каюм Насыйри исемендәге премия лауреаты (2005). РФ атказанган югары уку йорты хезмәткәре (2007). Бөтендөнья татар конгрессы башкарма комитеты әгъзасы (1990-1997).

Васил Гайфуллин
В.Г.Гайфуллин.jpg
Туган телдә исем Васил Габдулла улы Гайфуллин
Туган 23 март 1937(1937-03-23) (82 яшь)
ТАССР Мөслим районы, Югары Табын авылы
Яшәгән урын Чехов урамы, Казан[1]
Фатыйх Әмирхан проспекты, Казан[1]
Милләт татар
Ватандашлыгы ССРБFlag of the Soviet Union.svg ССРБ
Русия байрагы РФ
Әлма-матер Татар дәүләт һуманитар-педагогика университеты
Һөнәре педагог, галим, министр
Җефет Тихния (Миргалимова), укытучы
Балалар кызы Лилия, табиб,
улы Айрат, юрист
Бүләк һәм мөкәфәтләре Каюм Насыйри премиясе (2005)
Гыйльми дәрәҗә: педагогика фәннәре докторы[d]

Тәрҗемәи хәлеҮзгәртү

1937 елның 23 мартында ТАССР Мөслим районы Югары Табын авылында туган. Югары Табын башлангыч, Түбән Табын җидееллык мәктәбен, Минзәлә дәүләт педагогика укуханәсен (1955, кызыл дипломга) тәмамлаган. Ташлыяр җидееллык мәктәбендә бер ел укыткан. «Физика һәм җитештерү нигезләре укытучысы» белгечлеге буенча Казан дәүләт педагогия институтының физика-математика факультетын (1961) тәмамлагач, 1961 елның 15 августыннан Мөслим районы (1962-1964 елларда Сарман районы) Мөслим урта мәктәбендә физика фәненнән укыта. 1965 елның мартыннан Мөслим районы халык мәгарифе бүлеге мөдире итеп билгеләнә. 1971 елда А.И. Һерцен исемендәге Ленинград дәүләт педагогия институтының (ru) физика укыту методикасы кафедрасына (фәнни җитәкчесе профессор Е.В. Савелова) аспирантурага укырга керә. Аспирантурадан соң, Казан дәүләт педагогия институтының (КДПИ) физика-математика факультетының физика кафедрасында ассистент булып эшли башлый. 1980-1986 елларда Казан дәүләт педагогия институтының мәктәп җитәкчеләренең белемен күтәрү факультеты (рус. ФПКК ОНО) деканы. 1986 елдан КДПИның физика-математика факультеты деканы. 1974 елда «Физиканы проблемалы укытуның методик нигезләре» темасына кандидатлык, 1990 елда «Физика дәресендә укучыга һөнәри юнәлеш бирү» темасына педагогика фәннәре докторлыгына диссертация яклый. 19901997 елларда ТАССР (1991 елдан Татарстан) мәгариф министры. Бер үк вакытта, 1993-1998 елларда КДПИның гомуми физика кафедрасы (соңыннан физика укыту кафедрасы) мөдире. ТР мәгариф министры булып эшләгәндә, Татарстанда һәм, бигрәк тә, Казанда милли мәгарифне торгызуда зур хезмәт куя. 1997-2005 елларда Татар дәүләт гуманитар институты (1996 елга кадәр көллият, 2005 елда ТДГПУга кушыла) ректоры[2]. 2006-2011 елларда ТДГПУның физика факультеты деканы. 2011-2012 елларда КФУның Физика институты фәнни-педагогика үзәге мөдире, 2012 елдан физика һәм информатика укытуның теориясе һәм методикасы кафедрасы профессоры.

Гыйльми эзләнүләр өлкәсеҮзгәртү

Гомуми белем бирү һәм югары һөнәри мәктәпләрендә физика укыту методикасы, милли мәгариф методологиясе.

КитапларыҮзгәртү

Мәкаләләре һәм әңгәмәләреҮзгәртү

Бүләкләре, мактаулы исемнәреҮзгәртү

ГаиләсеҮзгәртү

Хатыны Тихния Миргалим кызы, ТР атказанган укытучысы.

кызы Лилия, табиб, фән кандидаты.
улы Айрат, юрист, фән кандидаты.

оныклары Алисә, Алсу.

ЧыганакларҮзгәртү

  1. Татарский энциклопедический словарь. Казань: Институт татарской энциклопедии АН РТ, 1999. ISBN 0-9530650-3-0

ӘдәбиятҮзгәртү

  1. Ф.Н. Баһаутдинов. Без Мөслим балалары. К.: Идел-Пресс, 2006. ISBN 5-85247-005-4
  2. Ә.Ә. Әхмәтгалиев. Мөслим төбәге. Тарихи сәхифәләр. Яр Чаллы: Яр Чаллы типографиясе ДУП, 2003.

СылтамаларҮзгәртү

ИскәрмәләрҮзгәртү