Ярамир Низаметдинов
Ярамир Низаметдинов, Ярамир (Радамир)[1] Эдгар улы Низаметдинов (1987 елның 26 декабре, Курган өлкәсе, Шадрин районы, Йолдыз) — опера җырчысы (лирик-драматик тенор), Бөтенроссия вокал конкурсы (2012), халыкара яшь башкаручыларның телевизион «Татар моңы» (2012), Рәшит Ваһапов исемендәге халыкара «Татар җыры» (2017) һ. б. бәйгеләр лауреаты. «Санктъ-Петербургъ Опера» театры солисты.
| Ярамир Низаметдинов | |
 | |
| Төп мәгълүмат | |
|---|---|
| Тулы исеме |
Ярамир Эдгар улы Низаметдинов |
| Туу көне |
26 декабрь 1987 (36 яшь) |
| Туу урыны |
Курган өлкәсе, Шадрин районы, Йолдыз авылы |
| Эшчәнлек еллары |
2012 - х.в. |
| Дәүләт | |
| Һөнәрләр | |
| Моң |
тенор |
| Жанрлар |
эстрада, классика |
| Коллективлар |
ТДОһБТ |
| yaramir | |
Тәрҗемәи хәле
үзгәртү1987 елның 26 декабрендә Курган өлкәсе Шадрин районы Йолдыз (Юлдус, Эчкен) авылында туган. Әтисе (үги) шофер, әнисе башлангыч сыйныфлар укытучысы. Әти-әнисе балага исемне Чехословакиянең популяр хоккейчысы Яромирныкына (Jaromír Šindel) [2] охшатып куйганнар. Сеңлесе, энесе бар. Музыкага мәхәббәтне әнисе, үзе дә гитарада уйнап, җырлаучы Изольда Нәҗип кызы уяткан.
Йолдыз урта мәктәбен (2005), «физик тәрбия һәм тормыш иминлеге нигезләре укытучысы» белгечлеге буенча Шадринск дәүләт педагогия институтының физик тәрбия һәм спорт бүлеген (2011) тәмамлаган. Төньяк Кавказда (Кабарда-Балкария) хәрби хезмәтен үтәгән. 2012 елда Казан дәүләт мәдәният һәм сәнгать университетынының вокал бүлегенә (профессор Венера Ганиева классы) укырга керә. 2013 елның июлендә, әзерлек бүлеген тәмамлап, Нәҗип Җиһанов исемендәге Казан дәүләт консерваториясенең вокал бүлегенә (доцент Раида Игълам кызы Ермохина классы) кабул ителә һәм тәмамлый.
2013-2016 елларда остазы, Татарстанның халык артисты Ф.Г. Сәлахов белән «Бер аваз» вокал дуэты төзеп, ил буенча һәм чит илләрдә (Алмания һ.б.) гастрольләрдә була, хөкүмәт концертларында катнаша. 2014 елның 16 апрелендә Габдулла Тукай исемендәге Татар дәүләт филармониясенең концертлар залында (Павлюхин урамы) беренче сольный концерты уза. 2015 елның августында беренче видеоклибын төшерә (Шадрин районы Йолдыз авылында). 2017 елның 20 сентябрендә Муса Җәлил исемендәге Татар дәүләт опера һәм балет театрында беренче (дебют) чыгышы була (П.И. Чайковскийның «Пики дамасы» операсында Распорядитель ариясендә).
Режиссер, «Санктъ-Петербургъ Опера» театры җитәкчесе РФ халык артисты Ю. И. Александров чакыруы буенча Санкт-Петербургка күчә һәм «Санктъ-Петербургъ Опера» театрында эшли башлый. [3]
Репертуар
үзгәртү- «Уел» (халык көе)
- «Эскадрон» (халык көе)
- «Гөлҗамал» (халык көе)
- «Бардым урманга» (халык көе)
- «Идел суы ага торыр» (татар халык җыры)
- «Ахун авылы көе» (халык көе)
- «Оныта алмыйм» (Рөстәм Яхин романсы)
- Җәлил ариясе (Нәҗип Җиһанов музыкасы)
- Questa o quella (Д. Верди «Риголетто»)
- «Ах, ты, душечка красна девица» (рус халык җыры, С. Лемешев репертуарыннан)
- «Вот мчится тройка удалая» (Ф. Глинка сүзләре, рус халык көе)
- «Я люблю тебя до слез» (А. Серов)
- «Лилии» (А. Айвазов репертуарыннан)
- The show must go on ((ингл.)) Һ.б.
- 2018 елның 27 сентябрендә Татар академия дәүләт опера һәм балет театрында «Сөембикә» операсында Явыз Иван партиясен башкара.
ТДОһБТ
үзгәртүРаспорядитель (П. Чайковский «Пиковая дама»), Ближний боярин (М. Мусоргский «Борис Годунов»), Император Альтоума (Дж. Пуччини «Турандот») һ. б.
«Санктъ-Петербургъ Опера»
үзгәртүГастон («Травиата», Дж. Верди); Шүрәле, аучы, ябалак, бака («Красная шапочка», Ц.Кюи). Ленский («Евгений Онегин», П. И. Чайковский); Феб Шатопер («Эсмеральда», А. Даргомыжский); Герцог («Риголетто», Дж. Верди) һ. б.
Дискография
үзгәртүБүләкләре, мактаулы исемнәре
үзгәртү- 2012 ― «Урал сандугачы» ачык төбәкара фестивале (Екатеринбург) лауреаты ― III дәрәҗә.
- 2012 ― РФ ЭЭМ автор җырларын башкаручыларның Бөтенроссия конкурсы (Балашиха, Мәскәү өлкәсе) — җиңүче (үзе язган «Россия» җыры белән).
- 2012 ― «Татар моңы» халыкара яшь башкаручыларның телевизион бәйгесе (Казан) лауреаты («халык җыры» номинациясендә) ― III дәрәҗә.
- 2017 ― «Татар җыры» халыкара телевизион бәйгесе (Казан) лауреаты («академик вокал» номинациясендә) ― I дәрәҗә.
- 2017 ― Рәшит Ваһапов исемендәге халыкара классик музыка бәйгесе лауреаты (Казан) ― II дәрәҗә.
- 2017 ― Салих Сәйдәшев исемендәге Бөтенроссия академик җырчылар бәйгесе (Түбән Кама) лауреаты ― II дәрәҗә.
- 2019 ― 47нче Бөтенроссия музыкаль югары уку йортларын тәмамлаган вокалчылар смотр-конкурсы (Санкт-Петербург) лауреаты.
Гаилә хәле
үзгәртүӨйләнгән.
- Беренче хатыны Эльвира (Азнакайдан), биюче.
- Икенче хатыны (2019 елдан) Асия (Сираҗиева) [4], рәссам. Уллары Әмирхан. Санкт-Петербургта яшиләр[5].
Искәрмәләр
үзгәртү- ↑ Мулла кушкан исеме — Радамир
- ↑ 50-й Чемпионат мира по хоккею с шайбой 1985 года (Праһа)
- ↑ Гуландам Фатхуллина. Оперный певец Ярамир Низамутдинов: «У каждого народа есть свой моң». Татар-информ, 27.11.2022
- ↑ Асия Низамутдинова. ВКонтакте
- ↑ Ярамир Низаметдинов: «Гаилә кордым». «Ирек мәйданы», 2019 ел, 5 сентябрь, 32нче бит
Әдәбият
үзгәртү- Габдерәхим. Ярамир: «Кайвакыт кесәдә йөз тәңкә кала». «Акчарлак», 2017 ел, № 43.
- Лилия Юсупова. Ярамир, җырчы: «Эшлим дә, ял да итәм». «Ирек мәйданы», 2017 ел, август.
Сылтамалар
үзгәртү- Певец Ярамир Низамутдинов выпустил свой первый диск
- Ярамир побывал на малой родине. Шадринское TV
- Вконтактедагы рәсми төркеме
- Ярамирның вебсайты
- Ярамир Низамутдинов. 2022 елның 28 ноябрь көнендә архивланган. Театр Санктъ-Петербургъ Опера