Сөләйман Гафиятуллин
Сөләйман Гафиятуллин, Сөләйман Хәлил улы Гафиятуллин, рус. Гафиатуллин Сулейман Халилович (01.01.1905-01.05.1983) — сәясәтче, ТАССР халык комиссарлары шурасы (ХКШ) рәисе (1940-1943). Казакъ ССР игенчелек һәм терлекчелек шура хуҗалыклары (совхозлар) халык комиссары (1945-1946). ВКП (б) әгъзасы (1930 елдан).
| Сөләйман Гафиятуллин | |
|---|---|
| Файл:Сөләйман Гафиятуллин.jpg | |
| Туган телдә исем | Сөләйман Хәлил улы Гафиятуллин |
| Туган | 1 гыйнвар 1905 Казан губернасы Чистай |
| Үлгән | 1 май 1983 (78 яшь) Алматы |
| Күмү урыны | Центральное кладбище (Алма-Ата)[d] |
| Милләт | татар |
| Ватандашлыгы |  Русия империясе→ РСФСР→ ССРБ |
| Әлма-матер | СБКФ ҮК каршындагы Югары фирка мәктәбе[d] |
| Һөнәре | сәясәтче, хуҗалык җитәкчесе |
| Сәяси фирка | Советлар Берлеге коммунистик фиркасе |
| Бүләк һәм премияләре |   |
| Сөләйман Гафиятуллин | |
|---|---|
.svg){kind=small} 9 нчы ТАССР ХКШ рәисе | |
| Вазыйфада 1940 ел – 1943 ел | |
| Аңа кадәр | Әмин Тынчеров |
| Дәвамчысы | Сәет Шәрәфиев |
| Туган | 1 гыйнвар 1905 Чистай, Казан губернасы, Россия империясе |
| Үлгән | 1 май 1983 (78 яшь) Алматы, Казакъ Cовет Социалистик Республикаcы, СССР |
| Белем | СБКФ ҮК каршындагы Югары фирка мәктәбе[d] |
Тәрҗемәи хәле
үзгәртү1905 елның 1 гыйнварында Казан губернасы Чистай өяз шәһәрендә туган. Екатеринбург (вариант: Чистай педагогия техникумын[1]) (1922), ВКП (б) ҮК каршындагы фирка оештыручылары югары мәктәбен (1945) тәмамлаган.
Хезмәт юлы
үзгәртү- 1922-1927 ТАССР Чистай шәһәре янгын сүндерү такымы янгын сүндерүчесе.
- 1927-1938 ТАССР Арча кантоны янгын буенча күрсәтмә бирүчесе (инструктор), Казан шәһәренең янгыннан саклану идарәсе өлкән инспекторы. 124 нче заводның янгыннан саклану башлыгы.
- 1938-1939 ВКП (б) Ленин райкомы (Казан) сәркатибе.
- 1939-1940 ВКП (б) өлкә комитетының кадрлар буенча сәркатибе.
- 1940-1943 ТАССР халык комиссарлары шурасы рәисе. Бөек Ватан сугышы елларында эвакуацияләнгән предприятиеләрне Казанда каршылау һәм урнаштыру белән җитәкчелек итә[1].
- 1945-1946 Казакъ ССР игенчелек һәм терлекчелек шура хуҗалыклары (совхозлар) халык комиссары — министры.
- 1946-1948 Казакъ ССР Үскәмән өлкәсенең башкарма комитет рәисе[2].
- 1948-1952 Казакъ ССР Урал өлкәсенең башкарма комитет рәисе.
- 1952-1953 Казакъ ССР министрлар шурасы каршындагы авыл һәм күмәк хуҗалыклар төзелеше (Главсельстрой) баш идарәсе башлыгы.
- 1953-1954 Казакъ ССР игенчелек һәм терлекчелек шура хуҗалыклары министрлыгының матди-техник тәэмин итү баш идарәсе башлыгы.
- 1954-1958 Казакъ ССР Акмола өлкәсе Маметова исемендәге бөртек үстерү шура хуҗалыгы (рус. зерносовхоз) директоры.
- 1959-1961 Казакъ ССР шура хуҗалыклары министрлыгының шура хуҗалыклары һәм машина-трактор станцияләре төзелеше баш идарәсе башлыгы урынбасары.
- 1961 елдан пенсиядә[3].