Китап (радио)

милли, музыкаль мәдәни-агарту радиосы

«Китап»Татмедиа АҖ тарафыннан 2020 елда оештырылган (2019 елда лицензия алынган)[1] яңа милли, музыкаль мәдәни-агарту радиосы. «Китап» радиосы — мобиль кушымталар, Интернет сайт һәм Казанда 98,6 FM ешлыгына көйләнгән радиоалгычлар аша тәүлек әйләнәсе җырлап һәм сөйләп торучы милли радио. Баш мөхәррире һәм радио концепциясенең авторы — Алмаз Миргаязов.

«Китап»
Фото
Шәһәр

Казан, Татмедиа

Ил

ТатарстанFlag of Tatarstan.svg Татарстан

Ешлык

98,6 FM

Тапшыру зонасы

Казан, Татарстан

Тапшыру башлау вакыты

2020

Сайт

kitap.fm

Онлайн-тапшыру

смартфонга махсус кушымта аша

ТарихҮзгәртү

 
Китап радиосының логотибы

2020 елга Татмедиа химаясендә 9 радиостанция эшләп килә: «Радио Актаныш», «Арча», «Биектау FM», «Нократ дулкыннары», «Минзәлә дулкыннары», «Мөслим-МР», «Күңел», «ДЭНС — Динамит-Түбән Кама», «Саба дулкыннары». Әлеге станцияләр Татарстан районнарында гына кабул ителә. Соңгы тапкыр (2019 елга кадәр) Казанда татар телле радио 2011 елда лицензия алган булган: «Тәртип FM»[2].

ИдеясеҮзгәртү

Максаты — китап уку традициясенә игътибарны җәлеп итү. «Китап» радиосында эфирның яртысы җырлардан, яртысы әдәби әсәрләрдән торачак[3]. Радионың төп үзенчәлеге — татар халкы арасында бүген яратып укылган, шулай ук татар әдәбияты классикасына әверелгән матур әдәбиятны күренекле театр артистлары, дикторлар башкаруында тыңлаучыга җиткерү.

Потенциаль аудиториясеҮзгәртү

Зыялы, белемле, мәдәни дәрәҗәсе югары булган, милли моң, сыйфатлы төзек татарча сөйләм көтүче татарлар.

Эфирда планлаштырылган әсәрләрҮзгәртү

Күп гасырлар элек язылганнары да, классик әдәбият та, хәзерге заман язучылары әсәрләре дә, беренче чиратта, бүген актуаль булган, заман таләпләренә туры килгән әсәрләр. Мәсәлән, көндезге әдәби программаларда Зөлфәт Хәкимнең «Хирург» повестеннан өзекләр, Рәмзия Габделхакова хикәяләрен, Зифа Кадыйрованың «Синсез килгән язлар» романын укыячаклар[4].

Әдәби тапшырулар вакытыҮзгәртү

«Китап» радиосында көндезге әдәби программалар ял көннәрендә 9:00—11:00, 14:00—16:00, 19:00—21:00 сәгатьләрдә, төнге әдәби тапшырулар 22:00—6:00 аралыгында яңгырый.

Тыңлау мөмкинлегеҮзгәртү

«Китап» радиосы башлангыч чорында мобиль кушымталарда эшли, көзгә таба (сентябрь–октябрь) 98,6 МГц ешлыгында Казанның ФМ киңлегендә эшләячәк. «Китап» радиосын Android (Андроид) һәм iOS (Айос) операцион системаларында эшләүче смартфоннар аша тыңлап була. Радионы бушлай тыңлау өчен смартфонга махсус кушымта куярга кирәк: мобиль телефоннан Play Market (Плей Маркет) һәм AppleStore (Аппл Стор) хезмәтләренә кереп, «Милли радио Китап» кушымтасын урнаштырасы[5].

ИскәрмәләрҮзгәртү

СылтамаларҮзгәртү

Татар радиолары
Азатлык радиосы | Болгар радиосы | Курай радиосы | Күңел радиосы | Татар радиосы | «Татарстан» радиосы | Тәртип FM | «Китап»