Тәртип радиосы

(Тәртип FM битеннән юнәлтелде)

«Тәртип радиосы»[1]Татарстан Республикасының Казан шәһәрендә 2008 елдан (берничә еллык тәнәфес белән) эшләүче татар телле радиостанция. Казанда 93.1 FM, Яр Чаллы 90.2 FM ешлыкларында чыга, интернетта сайттан һәм смартфон кушымтасыннан тыңлап була.

«Тәртип радиосы»
Шәһәр

Татарстан

Ил

ТатарстанFlag of Tatarstan.svg Татарстан

Шигарь

Тәртипле халык югалмый!
Татар тәртипсез була алмый!

Ешлык

93,1 FM (Казан), 90,2 FM (Яр Чаллы)

Тапшыру зонасы

ТатарстанFlag of Tatarstan.svg Татарстан

Тапшыру башлау вакыты

2008

Сайт

tartip.tatar

Онлайн-тапшыру

tunein.com

ЛоготибыҮзгәртү

«Тәртип» радиосы логотибын 2020 елда Мәскәүдә яшәп иҗат итүче Алия Сабитова булдыра.[2] Логотип «Тәртип» радиосы язуы, кош сурәте һәм лалә чәчәге бизәгеннән гыйбарәт. Язуда «Тәртип» сүзе алга чыга, «радиосы» сүзе кечерәк хәрефләр белән бирелгән. Бу «Тәртип» сүзенең төп бренд атамасы, «радиосы» — эшчәнлекнең төрен билгеләү белән аңлатылаа.[3] «Тәртип» сүзенең шрифты минимализм стилендә. Логотипның символы — кош (сандугач) — җыр, моң билгесе, канатланган сайрар кош дөнҗяга җыр таралуын аңлата.[3] Шул ук вакытта, кош — тынычлык, милләтләр дуслыгы, хәбәр, элемтә алышу символы. Сурәттә кош алга карый. Бу — үткәннән киләчәккә бару символы. Кошның канаты итеп ясалган татар халкына хас милли бизәк — лалә чәчәге — яңарыш билгесе. Ул тереклек, гомер, кеше иминлеге символы. «Тәртип» радиосының барлык логотибларында да яшел төс бар. Яшел төс атар милләте, Ислам дине, яз төсе, үсеш һәм тотрыклылык билгесе буларак сурәтләнә.[3]

ТарихыҮзгәртү

Тәртип радиосы 2008 елда Татарстанның башкаласы Казан шәһәрендә 87.8 FM диапазонында эшли башлаган. Радионың директоры булып бер үк вакытта «Европа плюс» радиосының да директоры булган Марат Ибләминов торган. Музыкаль редакторы — Камил Бикмөхәммәтев була. Офислы Казан шәһәренең Ленская урамы, 10 йорт адресында урнашкан була. Радио Казанда һәм чиктәш районнарда башта 87.8 FM, соңрак 93.5 FM ешлыгында тәүлек буе эшләп тора. Яңа радио моңлы җырларны гына әйләндерә. Марат Ибләминов радиода уйнатылган 7 меңләп җырдан торган архивны 10 ел җыйган. Тик радио ике ай гына эшләп ала.[4]

2014 елның 16 апрелендә «Тәртип FM» исеме астында радио 93.5 ешлыгында яңадан эфирга чыга башлый, тике ел узгач, FM ешлыксыз кала.[4]

2016 елның азагында Марат Ибләминов һәм Зөфар Ганеевның бу проекттан чыгулары, ешлыкны Казанга Business FM радиосын китерергә теләгән «РуМедиа» ширкәтенә сатулары билгеле була. FM-радио Башкортстанның Туймазы шәһәренә күчә, интернетта исә тапшырулар дәвам итә.[5][6][7]

2017 елның февраль ае башында «Тәртип FM» контенты «Болгар радиосы»на тапшырыла.[8][9] Радио «Болгар радиосы» эфиры кысаларында чыга башлый.[4]

«Тәртип» радиосы Татарстан Президенты Рөстәм Миңнеханов ярдәме белән 2020 елның август аеннан гына кабаттан эфир киңлекләренә әйләнеп кайта.[10] Бүген «Тәртип» радиосын Казанда 93.1 FM һәм Яр Чаллыда 902 FM ешлыкларында тыңларга мөмкин. Башка төбәкләрдә яшәүчеләр өчен «Тәртип» халык радиосын телефоннар өчен ясалган махсус кушымтадан яки сайттан тыңлау мөмкинлеге бар. «Кушымтаны Android, яисә IOS өчен Play Market һәм App Store’дан табарга була.[11]

Яңа радионың баш мөхәрире булып Ризәлә Исмәгыйлева, башкарма продюсеры булып Айваз Садыйров тора.[3]

СылтамаларҮзгәртү

ИскәрмәләрҮзгәртү

  1. Тәртип радиосы сайты. Баш бит.
  2. «Тәртип» радиосының яңа логотибын Мәскәүдә яшәүче татар кызы ясаган.
  3. 3,0 3,1 3,2 3,3 Үткәннән көткәнгә күпер салучылар — «Тәртип» радиосы яңа ребрендингын тәкъдим итте.
  4. 4,0 4,1 4,2 [ http://shahrikazan.ru/news/%D2%97%D3%99mgyiyat/trtip-radiosy-kzne-yomyp-tylyy-torgan-gimnly-buldy «Тәртип» радиосы күзне йомып тыңлый торган гимнлы булды!]
  5. Бизнес-Онлайн. Марат Ибляминов: «Судьба «Тартиба» станет лакмусовой бумажкой для татарского общества»(рус.)
  6. Азатлык радиосы. "Тәртип FM" Башкортстанга да эшчәнлеген җәелдерә.
  7. Idel.Реалии. В Башкортостане начнет вещание татарская FM-станция.(рус.)
  8. «БИЗНЕС Online»: Контент радиостанции «Тартиб» будет передан радио «Болгар»(рус.)
  9. «БИЗНЕС Online»: «После переформатирования «Болгар радиосы» неплохо было бы заняться и каналом «ТНВ»(рус.)
  10. Тәртип радиосы сайты. Радио турында.
  11. «Тәртип» радиосының мобиль кушымтасы булдырылды.
Татар радиолары
Азатлык радиосы | Болгар радиосы | Курай радиосы | Күңел радиосы | Татар радиосы | «Татарстан» радиосы | Тәртип FM | «Китап»