Илшат Әминов
Илшат Әминов, Илшат Юныс улы Әминов (1963 елның 27 июле, СССР, РСФСР, ТАССР, Казан) — журналист, «Яңа гасыр» телерадиокомпаниясе» ААҖ генераль директоры. Татарстан Республикасының Атказанган мәдәният хезмәткәре. ТР Журналистлар берлеге һәм Телетапшырулар алып баручыларның милли ассоциациясе әгъзасы. Татарстан Республикасы Дәүләт Советының III—VI чакырылышлары депутаты. Татарстан Республикасы Президенты каршындагы татар телен саклау һәм үстерү мәсьәләләре комиссиясе әгъзасы (2020 елның 6 июленнән). ТР Журналистлар берлеге рәисе (2019 елның 24 гыйнварыннан)[2][3]. Россия телевидение академиясе академигы (2010). КФУ багучылар шурасы әгъзасы.
| Илшат Әминов | |
|---|---|
 | |
| Туган телдә исем | Илшат Юныс улы Әминов |
| Туган | 27 июль 1963 (61 яшь) ССРБ, РСФСР, ТАССР, Казан |
| Яшәгән урын | Театр урамы[1] |
| Милләт | татар |
| Ватандашлыгы |  СССР → РФ |
| Әлма-матер | Казан (Идел буе) федераль университеты |
| Һөнәре | журналист |
| Эш бирүче | Татарстан — Яңа Гасыр |
| Балалар | кызы |
| Ата-ана |
|
| Бүләк һәм премияләре |      |
Тәрҗемәи хәле
үзгәртү1963 елның 27 июлендә Казанда язучы Юныс Әминов гаиләсендә туган. 1969 елдан гаилә Әлмәттә яшәгән. Телевидениедә беренче тапкыр ун яшендә күренә — «Пионерстан» программасын алып бара, «Семь окон» (Җиде тәрәзә) телевизион спектаклендә уйный, башка проектларда катнаша. В. И. Ульянов-Ленин исемендәге Казан дәүләт университетын «Журналистика» белгечлеге буенча тәмамлаган (1985). Татарстан АССР телевидение һәм радиотапшырулар буенча дәүләт комитетының Казан телевидение студиясенә иҗтимагый-сәяси тапшырулар редакциясе корреспонденты итеп кабул ителә, аннары телевидение студиясенең социаль проблемалар редакциясе мөхәррире итеп билгеләнә. Татар, рус, француз телләрен белә.
Хезмәт юлы
үзгәртү1985—1987 елларда — ТАССР телевидение һәм радиотапшырулар буенча дәүләт комитетының телевидение студиясе корреспонденты, мөхәррире.
1991—1996 елларда — М. В. Ломоносов исемендәге Мәскәү дәүләт университетының журналистика факультетының көндезге максатчан аспирантурасын тәмамлаганнан соң, КДУ журналистика факультетының теория һәм практика кафедрасы ассистенты, өлкән укытучысы. Аның шәкертләре яңа «Эфир» телеканалының нигезен тәшкил итә. АКШта стажировка үткән: 1994 елда – «Бизнес һәм журналистика», 1996 елда – «ММЧда менеджмент», 2002 елда – «Бизнеста идарә итү системасы» программалары буенча.
1996—1998 елларда — Казан шәһәре «Эфир» телекомпаниясенең Яңалыклар хезмәте директоры, «Город» (Шәһәр) программасының алып баручысы була, криминаль хроникада эшли[4].
1998—2001 елларда — «Татарстан» ДТРК рәисе.
2001 елдан — «Яңа гасыр» (ТНВ) телерадиокомпаниясенең генераль директоры. Атна саен үткәрелә торган «7 дней» (Җиде көн) аналитик программасының авторы һәм алып баручысы. 1998 елдан башлап ул җитәкләгән «Яңа гасыр» (ТНВ) холдингы Россия һәм БДБ телевизион журналистика бәйгеләрендә һәм фестивальләрендә ике йөздән артык бүләк яулаган.
2019 елның 24 гыйнварыннан — ТР Журналистлар берлеге рәисе[5].
2015 елдан — Казан федераль университетының Журналистика һәм медиакоммуникацияләр югары мәктәбендәге остаханә-иҗат лабораториясе җитәкчесе[6].
Җәмәгать эшчәнлеге
үзгәртүТатарстан Республикасы Дәүләт Советының III (2004–2009 еллар), IV (2009–2014 еллар), V (2014–2019 еллар), VI (2019–2024 еллар) чакырылышлары депутаты. Бөтенроссия «Бердәм Россия» сәяси партиясенең Татарстан региональ бүлегенең Бердәм сайлау округыннан сайланган. Татарстан Республикасы Дәүләт Советында «Бердәм Россия» фракциясе һәм Мәгариф, мәдәният, фән һәм милли мәсьәләләр комитеты, Татарстан Республикасы законнарының татар һәм рус телләрендәге текстлары тәңгәллеген билгеләү буенча Татарстан Республикасы Дәүләт Советы комиссиясе әгъзасы.
Татарстан Республикасы Президенты каршындагы татар телен саклау һәм үстерү мәсьәләләре комиссиясенең ММЧ, мәдәният оешмалары, иҗат берләшмәләре, иҗтимагый оешмалар, социаль челтәрләр буенча эшче төркеме әгъзасы.
Татарстан журналистларының «Бәллүр каләм» (Хрустальное перо) бәйгесенең жюри рәисе.
Бүләкләре, мактаулы исемнәре
үзгәртү- Татарстан Республикасының Атказанган мәдәният хезмәткәре
- 2005 — «Казанның 1000 еллыгы истәлегенә» медале
- 2012 — «ТЭФИ-регион» милли премиясе — төбәк телевидениесен үстерүгә зур өлеш керткән өчен[7]
- 2013 — «Россиянең иң яхшы медиаменеджеры» («Телевидение» категориясендә «Электрон ММЧ» номинациясендә)[8]
- «Фидакарь хезмәт өчен» медале
- «Казан шәһәрендәге 2013 елгы XXVII Бөтендөнья җәйге Универсиадасы» истәлекле медале
- «Сочи шәһәрендәге 2014 елгы XXII Кышкы Олимпия уеннары һәм XI кышкы Паралимпия уеннары» истәлекле медале
- 2023 ― «Дуслык» ордены (Татарстан) ― массакүләм мәгълүмат чараларын үстерүгә керткән зур өлеше, күпьеллык нәтиҗәле эше һәм актив иҗтимагый эшчәнлеге өчен[9]
Гаилә хәле
үзгәртүӨйләнгән, кызы бар.
Искәрмәләр
үзгәртү- ↑ бирелмәләр нигезе
- ↑ Аминов Ильшат Юнусович. Союз Журналистов Республики Татарстан
- ↑ Аминов Ильшат Юнусович. Деловой центр РТ - интернет-портал TatCenter.ru
- ↑ Ильшат Аминов: «Сегодня новости — это скорее технологии, нежели творчество». tatcenter.ru, 25.05.2007(рус.)
- ↑ Гендиректора ТНВ избрали председателем Союза журналистов РТ. tatcenter.ru, 24.01.2019(рус.)
- ↑ Ильшат Аминов: «Интернет не заменит телевидение». 2021 елның 6 август көнендә архивланган. realnoevremya.ru, 15.04.2015(рус.)
- ↑ Аминов Ильшат Юнусович. 2021 елның 9 февраль көнендә архивланган. Сообщество выпускников КФУ(рус.)
- ↑ Ильшат Аминов стал лауреатом Национальной Премии в области медиабизнеса «Медиа-Менеджер России-2013». 2021 елның 15 февраль көнендә архивланган. Казанские ведомости, 4.07.2013
- ↑ Татарстан Республикасы Рәисе Указы № 513 27.07.2023(үле сылтама)
Сылтамалар
үзгәртү- Әминов Илшат Юныс улы. 2021 елның 15 февраль көнендә архивланган. Татарстан Республикасы Дәүләт Советы сайты
- Аминов Ильшат Юнусович. Деловой центр РТ - интернет-портал TatCenter.ru(рус.)
- Внутренний цензор страшнее пистолета. dailytalking.ru, 12.08.2010(рус.)