Алмас Имаев

Алмас Имаев
Алмас Имаев
	Файл:.jpg
Туган телдә исем	Алмас Зәйнетдин улы Имаев
Туган	28 март 1947 (77 яшь); ТАССР, Сарман районы, Чукмарлы
Яшәгән урын	Гаврилов урамы, Казан
Милләт	татар
Ватандашлыгы	ССРБ→; РФ
Әлма-матер	Лениногорск музыка-сәнгать педагогика көллияте һәм Татар дәүләт гуманитар-педагогика университеты
Һөнәре	баянчы, педагог
Җефет	Лилия Имаева
Балалар	ике кызы

Алмас Имаев, Алмас (Алмаз) Зәйнетдин улы Имаев (1947 елның 28 марты, ТАССР, Сарман районы, Чукмарлы) — баянчы, педагог, балалар музыка мәктәбе директоры, Татарстанның атказанган сәнгать эшлеклесе (1992).

Бу терминның башка аңлатмалары да бар, аларны карау өчен Имаев битенә күчегез.

Тәрҗемәи хәле

1947 елның 28 мартында ТАССР Сарман районы Чукмарлы авылында алты балалы хезмәткәр гаиләсендә туган. Әтисе Зәйнетдин дә (чыгышы белән Дүсем авылыннан), әнисе Маһикамал да (чыгышы белән Иске Минзәләбаштан) тальян гармунда уйныйлар. Ләшәү Тамак җидееллык мәктәбен, Лениногорск педагогия укуханәсен (1964), Казан дәүләт педагогия институтының музыка факультетын (1971) тәмамлаган. 1961-1964 елларда Лениногорск шәһәре мәдәният йортында баянчы, 1964-1966 елларда Иске Минзәләбаш урта мәктәбендә җыр укытучысы булып эшли. КДПИ тәмамлагач, 1971-1985 елларда Казан педагогия укуханәсендә баян классында укыта, 1985—1993 елларда Казан шәһәренең 14нче санлы балалар музыка мәктәбе директоры. 1993-1995 елларда Казан шәһәре мәдәният идарәсе башлыгы урынбасары. 1995 елдан Казанның 17нче санлы балалар музыка мәктәбе (2012 елдан Салих Сәйдәшев исемендәге мәктәп) директоры^[2]. Казан шәһәренең музыка һәм сәнгать мәктәпләре директорлары шурасы рәисе. Татар халык музыка уен кораллары (баян, гармун, курай) өчен пьесалар^[3], Мөдәррис Әгъләмов, Флера Гыйззәтуллина, Роберт Миңнуллин, Фирая Зыятдинова, Хәсән Туфан, Илсөяр Иксанова сүзләренә язылган («Исәнме, мәктәп», «Кошлар кайткач», «Соңлама» һ.б.) җырлар авторы.

Гаиләсе

Хатыны Лилия Имаева, ТР мәдәният министры урынбасары. Балалары: ике кызы.

Бүләкләре, мактаулы исемнәре

1992 Татарстанның атказанган сәнгать эшлеклесе

Искәрмәләр

Чыганаклар

Сарман районы энциклопедиясе (төзүче Дамир Гарифуллин). 1нче китап. Чаллы: «Идел-йорт», 2000.
Татар энциклопедиясенең шәхесләр исемлеге. К.: Татар энциклопедиясе институты. 1997.
Сарман (төзүче Т. Исмәгыйлов). К.: «АБАК» нәшрияты, 1998.
Татар баянчылары (төзүчеләре Кирам Сатиев, Нияз Акмалов). К.: Мәгариф, 1996. ISBN 5-7761-0446-7

Сылтамалар

Юбилейный концерт Детской музыкальной школы № 17 им. С. Сайдашева

Моны да карагыз

[_3bb2b68826ad2660-1] ttps://zhytely.info/kazan

[2] Детская музыкальная школа № 17 имени Салиха Сайдашева(үле сылтама)

[3] Пьесы для курая, гармони и баяна

[1]

[2]

[3]