Төп менюны ачу

Алабуга мәдәният һәм сәнгать көллияте

Алабуга мәдәният һәм сәнгать көллияте, рус. Елабужский колледж культуры и искусств1936 елдан Татарстан АССР (1991 елдан Татарстан) Алабуга шәһәрендә эшләп килүче, Татарстан фән һәм мәгариф министрлыгы карамагындагы урта махсус һөнәри белем бирүче дәүләт мохтариятле белем бирү оешмасы.
Көллият директоры (2005 елдан) — Әлфирә Гыйльмулла кызы Әкбәрова, филология фәннәре кандидаты.

Алабуга мәдәният һәм сәнгать көллияте
Элеккеге исемнәр Алабуга китапханә техникумы (1936-1960)
Татарстан республика мәдәни-агарту укуханәсе (1960-1990)
Татарстан республика мәдәният укуханәсе (1990-1993)
Алабуга мәдәният укуханәсе (1993-2007)
Алабуга мәдәният һәм сәнгать укуханәсе (2007-2013')
Нигезләү елы 1936
Урын Русия байрагыТатарстан байрагы Алабуга
Адрес 423600, Татарстан, Алабуга шәһәре, Яр буе ур., 7.
Сайт https://edu.tatar.ru/elabuga/page892.htm/page968103.htm
Көллият бинасы

ТарихҮзгәртү

  • 1936 елда Алабуга педагогия укуханәсенең китапханә бүлеге нигезендә Алабуга китапханә техникумы оештырыла.
  • 1949 елда Алабуга сәяси агарту техникумы ачыла.
  • 1960 елда әлеге уку йортлары китапханә һәм клуб бүлекчәләре булган Татарстан республика мәдәни-агарту укуханәсенә берләштерелә.
  • 1990 елдан Татарстан республика мәдәният укуханәсе.
  • 1993 елдан Алабуга мәдәният укуханәсе.
  • 2007 елдан Алабуга мәдәният һәм сәнгать укуханәсе.
  • 2013 елдан Алабуга мәдәниият һәм сәнгать көллияте.

ДиректорларҮзгәртү

И.Н.Кучеров, Г.О. Колчерин, С.Я. Әхмәтов, Н.С. Каверзин, И.Т. Кобров, Г.Г. Насыйбуллин, М.И. Машанов, Г.Х. хөсәенов, И.Г. Нургалимов, Р.А. Рәхмәтуллин, И.З. Шәймәрданов.

БелгечлекләрҮзгәртү

  • Китапханә эше
  • Хореография иҗаты
  • Театр иҗаты
  • Халык хоры иҗаты
  • Халык уен кораллары иҗаты
  • Декоратив-гамәли иҗат
  • Театральләштерелгән тамашалар куелышы
  • Дизайн (2011 елдан)
  • Актер осталыгы (2012 елдан)
  • Эстрада музыка сәнгате (2012 елдан)


Уку йортын тәмамлаучыларҮзгәртү

80 ел эчендә Татарстан һәм күрше өлкәләрнең мәдәният оешмалары, гомуми белем бирү мәктәпләре һәм сәнгать мәктәпләре өчен махсус урта белемле 15 мең хезмәткәр әзерләнә.

  • Мансур Хәсәнов, Татарстан ФА президенты.
  • Равил Низамов, Татарстан мәгариф министры.
  • Н. Максютин, профессор.
  • Татьяна Дунаева, профессор.
  • Фоат Галимуллин, КФУ профессоры.
  • Илгизәр Миргалимов, дирижер, КДМИ профессоры.
  • Әнәс Галиуллин, Татарстанның халык артисты (2008).
  • Г. Вафина, Татарстанның халык артисты.
  • Александр Богатырев, Татарстанның халык артисты.
  • Әнвәр Шәрәфиев, композитор.
  • Илфат Дәүләтшин, композитор.
  • Валерий Әхмәтшин, композитор.
  • Владимир Мироваев, үзешчән композитор, ТР атказанган мәдәният хезмәткәре.
  • Веня Фомин, чуаш композиторы.
  • Гөлзадә Әхтәмова, шагыйрә.
  • Халидә Уразаева, мәдәният эшлеклесе, җырчы, ТАССР, РСФСР атказанган мәдәният хезмәткәре.

БинаҮзгәртү

Уку йортының Яр буе һәм Спас урамнарында урнашкан биналары — XIX гасыр уртасы архитектура истәлеге, Алабуга тарих-архитектура һәм сәнгать музей-тыюлыгына керүче биналар.
1848-1856 елларда Вятка губернасы архитекторы А.С. Миртов проекты буенча төзелгән. Әүвәл Спас соборының бер өлеше булган әрхәрәй йорты булып хезмәт иткән[1].

ЧыганакларҮзгәртү

  1. Татар энциклопедиясе. Казан, 2008.

СылтамаларҮзгәртү

ИскәрмәләрҮзгәртү