Айгөл Хәйруллина
Айгөл Хәйруллина (сәхнә исеме Айгөл Хәйри, тулы исеме Айгөл Әнвәр кызы Хәйруллина (Табаева), 1984 елның 29 марты, СССР, РСФСР, ТАССР, Казан) — татар актрисасы һәм җырчысы, Казан дәүләт консерваториясенең опера студиясе солисты, Г. Камал исемендәге Татар дәүләт академия театрының актрисасы (элек чакырулы солист-вокалисты), «Моң» мәктәп-студиясе һәм продюсерлык үзәге җитәкчесе. Салих Сәйдәшев, Рәшит Ваһапов исемендәге бәйгеләр җиңүчесе (2008). Борис Покровский исемендәге премия лауреаты (2009). Татарстанның атказанган артисты (2021).
| Айгөл Хәйруллина Айгөл Хәйри | |
 | |
| Төп мәгълүмат | |
|---|---|
| Тугандагы исеме |
Айгөл Әнвәр кызы Хәйруллина |
| Туу көне | |
| Туу урыны | |
| Эшчәнлек еллары |
2003-2024 |
| Һөнәрләр | |
| Жанрлар |
классика, эстрада |
| Коллективлар | |
| Бүләкләр | |
| hairiaigul | |
Тәрҗемәи хәле
үзгәртү1984 елның 29 мартында Казанда галим Әнвәр Хәйри гаиләсендә туган. Музыка мәктәбен, И. Әүхәдиев исемендәге Казан музыка укуханәсенең хор дирижерлыгы бүлеген (2003), «академик вокал» белгечлеге буенча Н. Җиһанов исемендәге Казан дәүләт консерваториясен (2010), Казан консерваториясенең вокал кафедрасында аспирантура (2013) тәмамлый. Язмышын сәнгать белән бәйләргә уйлаган студентларны укыта. Казан дәүләт консерваториясенең опера студиясендә эшли. Камал театрында җырлы рольләр башкара, вокал буенча педагог булып эшли.
Иҗаты
үзгәртүБалалар бакчасына йөргәндә беренче тапкыр сәхнәгә аяк басып, алты яшендә республикакүләм бәйге-фестивальләрдә катнаша. «Туган ил», «Сагыну», «Янбикә», «Гөлҗамал», «Зөлхиҗҗә», «Зөбәрҗәт», «Тәфтиләү» һ.б. халык җырларын башкара. «Күк капусы ачылганда» фильмында (режиссер Фәрид Дәүләтшин) уйный. Финляндия, Төркия, Франция (Канн), Чехия (Праһа), Швеция, Алманиядә чыгыш ясый.
Репертуар
үзгәртүТатар халык җырларын һәм милли классик әсәрләрне, хәзерге заман татар композиторларының эстрада әсәрләрен башкара.
- Алтынчәч — «Алтынчәч» (Муса Җәлил — Нәҗип Җиһанов)
- Сәрвәр — «Башмагым» (Таҗи Гыйззәт — Җәүдәт Фәйзи)
- Мәйсәрә — «Зәңгәр шәл» (Кәрим Тинчурин — Салих Сәйдәшев)
- Гөлйөзем — «Наёмщик» (Таҗи Гыйззәт — Салих Сәйдәшев)
- Сусылу — «Түләк белән Сусылу» (Нәҗип Җиһанов — Нәкый Исәнбәт)
Кызыклы факт
үзгәртү- 2015 ел Су спорты төрләре буенча Европа чемпионатының ачылу тантанасында Филүс Каһиров белән «Туган як» (Г. Рәшитова — У. Рәшитов) җырын башкара.
- «Ак чәчәкләр» кинофильмында Гөлшаһидә ролендә төшә башлаган, «эчке бай дөньялы, сәләтле Резеда Сәлахова» белән[1] алыштырганнар.
Гаиләсе
үзгәртү- Әтисе Әнвәр Хәйри (1947-2014), тел галиме, тәрҗемәче, Аксубай районыннан.
- Әнисе Әлмира, Барда районыннан.
- Ире Салават Табаев, җырчы, композитор.
- кызлары Җәмилә
Бүләкләре, мактаулы исемнәре
үзгәртү- 2006 ― Салих Сәйдәшев исемендәге җырчылар бәйгесе (Казан) — диплом
- 2008 ― Салих Сәйдәшев исемендәге җырчылар бәйгесе (Казан) — лауреат.
- 2009 ― IV РФ һәм Франция яшьләр сәнгате фестивале (Канн, Франция) — стипендиат.
- 2008 ― Рәшит Ваһапов исемендәге халыкара фестиваль (Казан) — 1нче дәрәҗә лауреаты.
- 2010 ― «Сөембикә варислары» төрки-татар фестивале (Кырым) — лауреат.
- 2010 ― ССРБ халык артисты Борис Покровский исемендәге премия (Мәскәү).
- 2010 ― Татарстан хөкүмәте гранты.
- 2021 ― Татарстанның атказанган артисты ― театр сәнгатен үстерүгә керткән өлеше өчен[2]
Әдәбият
үзгәртү- Нәбирә Гыйматдинова. Тавыш – табигать бүләге. «Сәхнә», 2016 ел, № 6.
Сылтамалар
үзгәртүИскәрмәләр
үзгәртү- ↑ М.Л. Айтуганова: "Мин мондый хәл көтмәгән идем"(үле сылтама)
- ↑ Ирек Кашапов и Айгуль Хайруллина - заслуженные артисты! Камал театры сайты, 25.05.2021