Тимергали Зиннуров
Тимергали Зиннуров, Тимергали Зиннур улы Зиннуров (1949 елның 18 ноябре, Лаеш районы — 2017 елның 1 феврале, Казан) — драма актёры, Кәрим Тинчурин исемендәге Татар дәүләт драма һәм комедия театры артисты, Татарстанның халык артисты (1993).
| Тимергали Зиннуров | |
|---|---|
 | |
| Туган телдә исем | Тимергали Зиннур улы Зиннуров |
| Туган | 18 ноябрь 1949 Лаеш районы, Пәрәү |
| Үлгән | 1 февраль 2017 (67 яшь) Казан |
| Яшәгән урын | Җиңү проспекты, Казан[1] |
| Милләт | татар |
| Ватандашлыгы |  → |
| Һөнәре | драма актеры |
| Бүләк һәм премияләре | ТР халык артисты (1993) |
Тормыш юлы үзгәртү
Зиннуров Тимергали Зиннур улы 1949 елның 18 ноябрендә Лаеш районы Пәрәү авылында дөньяга килә. 1967 елда ул Казан дәүләт курчак театрына эшкә урнаша һәм шунда 1982 елга кадәр эшли. 1982 елда инде аны артист буларак К. Тинчурин исемендәге Татар дәүләт драма һәм комедия театрына эшкә чакыралар һәм анда аның хезмәте күп еллар дәвамында бара.
Башкарган рольләре үзгәртү
Тимергали Зиннур улы Зиннуров гомерен тулысынча театрга багышлый. Ул ялкынланып, илһамланып иҗат итте. Тинчурин театрында кырык елга якын иҗат итү чорында Тимергали Зиннуров бер-берсенә тиң булмаган, табигыйда, үзенчәлекле дә, тамашачылар күңеленә хуш килгән бик күп кенә тормышчан образлар өстендә эшли һәм аларны тамашачыга җиткерә. Тимергали Зиннуров башкарган төп рольләр:
- М. Фәйзинең «Ак калфагы»нда Мирза,
- Ш. Хөсәеновның «Әниемнең ак күлмәге»ндә Максуд,
- В. Шекспирның «Гаугалы мәхәббәт»ендә Франциск,
- Т. Миңнуллинның «Без бит авыл малае»нда Иршат,
- И. Юзеевның «Кыр казлары артыннан» спектаклендә Әкбәр,
- А. Гыйләҗевнең «Ефәк баулы былбыл кош»ында Мияссәр,
- Н. Фәттахның «Итил суы ака торур»ында Алмыш хан,
- И. Грекованың «Тол хатыннар көймәсе»ндә Васыйл,
- М. Гыйләҗевнең «Бала баласы балдан татлы»сында Урманчы бабай,
- М. Кәримнең «Айгөл иле»ндә Җәгфәр Моратшин,
- Ш. Фәрхетдинов һәм Р. Заһидуллинның «Алтын көз»ендә карт,
- Н.Хисамовның «Йосыф – Зөләйха»сында Мәлик Рәййан һ.б.
Бүләкләре, мактаулы исемнәре үзгәртү
- 1981 — ТАССРның атказанган артисты («театр өлкәсендәге казанышлары өчен»).
- 1993 — Татарстан Республикасының халык артисты.
2017 елның 1 февралендә Казанда вафат була.