Татарстан халыкларының Дуслык йорты
Татарстан халыкларының Дуслык йорты (рус. Дом Дружбы народов Татарстана) — Татарстан халыклары Ассамблеясенә берләшкән милли-мәдәни җәмгыятьләргә дәүләт ярдәмен күрсәтүче, 1999 елдан эшләп килүче, 
Татарстан Республикасы бюджетыннан финансланучы муниципаль, иҗтимагый оешма.
| Татарстан халыкларының Дуслык йорты | |
| Дом Дружбы народов Татарстана ДДНТ | |
 Дуслык йорты | |
| Баш-фатир: |
|
|---|---|
| Оешма төре: |
иҗтимагый оешма, |
| Рәсми теле: | |
| Җитәкчеләр | |
| Дуслык йорты директоры | |
| Нигезләү | |
| http://addnt.ru/tt/house/ | |
_(2004).png){kind=small}
Тарих
үзгәртү
- 1992 елда Татарстан халыкларының беренче корылтае уза, анда милли-мәдәни җәмгыятьләр берлеге (ассоциациясе) булдыру турында резолюция кабул ителә.
- 1997 елда берлек ТР бюджетыннан финанслана башлый.
- 1999 елның 26 маенда Татарстан халыкларының Дуслык йорты ачыла. Ул дәүләт тарафыннан финанслана.
- Озак вакыт Дуслык йорты «Казан» милли-мәдәни үзәгенең бер бүлекчәсе буларак эшләп килә.
- Соңыннан муниципаль учреждение статусы ала.
- 2005 елдан ТР президенты Минтимер Шәймиев указы белән Дуслык йорты мөстәкыйль оешмага әйләнә.
- 2012 елның 29 августында, Ассамблеянең 20 еллыгы көннәрендә, Татарстан халыклары Дуслык йортының төзәтелгән яңа бинасы (элекке «Вакууммаш» ФТИ бинасы) ачыла.[1]
Бина
үзгәртүБеренче йорт Островский урамындагы борынгы бинада урнашкан була.
Яңа бина Павлюхин урамы, 57 йортта урнашкан.
4 мең кв. м мәйданны биләгән 5 катлы бинада барлык милли җәмгыять оешмалары, Ассамблея башкарма комитеты хезмәткәрләре эш бүлмәләре, тантаналар, очрашулар, конференцияләр заллары, 300 тамашачы сыешлы концертлар залы, «Безнең йорт – Татарстан» журналы редакциясе, Дуслык йорты хезмәткәрләре кабинетлары, мәгълүмат үзәге, костюмнар бүлмәсе, артистлар өчен грим бүлмәләре, бию залы, күпмилләтле якшәмбе мәктәпләре, «Дуслык» музее, техник хезмәт күрсәтү бүлмәләре урнашкан.
Дуслык йортында физик мөмкинлекләре чикләнгән кешеләр өчен аерым шартлар тудырылган. Пандуслар, лифт, янгын куркынычсызлыгы таләпләренә җавап бирә торган бүлмәләр, начар күрүчеләр өчен махсус «сукмаклар» булдырылган.
Максаты
үзгәртүАссамблеягә кергән милли-мәдәни җәмгыятьләргә, милли оешмаларга дәүләт ярдәмен күрсәтү, Татарстан халыкларының мәдәниятын торгызу, аны саклау һәм үстерү — Дуслык йортын булдыруның төп максаты.
Бүгенге көндә Дуслык йорты - Татарстан халыклары Ассамблеясе һәм республикадагы этник мәдәни хәрәкәтнең үзәк мәйданы.
Эшчәнлеге
үзгәртүТатарстан халыклары Ассамблеясе составына 35 милләт исеменнән эш алып баручы 85 милли җәмәгать оешмасы керә. Республикада 132 милли-мәдәни үзәк эшли.
Методик эш
үзгәртү- Татарстан халыклары Ассамблеясының милли-мәдәни берләшмәләре эшчәнлеген планлаштыру һәм эшләнгән эшләргә йомгак ясау.
- «Татарстан Республикасы милли сәясәтен гамәлгә ашыру», «Татарстан Республикасы дәүләт телләрен, башка телләрне саклау һәм үстерү» турындагы Дәүләт программаларында катнашу.
- Фольклор фестивальләре: татар («Сабантуй»), рус («Каравон»), мари («Семык»), удмурт («Гырон быдтон»), мордва («Балтай»), керәшен («Питрау»), украин («Иван Купала») бәйрәмнәре, концертлар, иҗади очрашулар оештыру.
- Милли мәдәниятны һәм сәнгатьне пропагандалаучы иҗат коллективлары, яшь артистлар белән хезмәттәшлек итү.
Күргәзмәләр
үзгәртүСәнгать күргәзмәләре дүрт залда уза. Даими рәвештә республика халыкларының бизәү-гамәли сәнгате экспозицияләре эшли.
Мәгълүмат хезмәте
үзгәртүМәгълүмат үзәгендәге (җитәкче Резидә Мөбәрәкова) китапханәдә төрле телләрдә китаплар фонды булдырылган. Дөньяның төрле илләреннән трансляцияләнүче 600 канал күрсәтүгә көйләнгән иярченле телевидение эшли.
Экскурсияләр
үзгәртүРусиянең һәм дөньяның төрле илләреннән эшлекле делегацияләр, туристлар Дуслык Йортының даими кунаклары. Порталда Дуслык Йортына виртуаль сәяхәт ясау мөмкинлеге дә бар.
Директорлар
үзгәртү- 2012―2023[2] ― Ирек Шәрипов, Удмуртиянең атказанган журналисты, ТР атказанган мәдәният хезмәткәре.
- 2023 елның 29 августыннан ― Тимур Рәфкать улы Кадыйров (1988 елда Мәргыланда (Үзбәкстан) туган, Казан дәүләт медицина академиясен тәмамлаган), 2013 елдан Татарстан халыклары Яшьләр ассамблеясенә нигез салучы һәм җитәкчесе[3][4].
Бүлекләре
үзгәртү- Директор урынбасары — Наталья Мясникова.
- Этномәдәни эшчәнлек бүлеге (җитәкче Гөлүс Гаянов).
- Чаралар уздыру бүлеге (җитәкче Гөлназ Хәлимова).
- Халык иҗаты бүлеге (җитәкче Рөстәм Рәхмәтуллин).
- Яшьләр һәм балалар белән эш бүлеге (методист Русалина Гайзәтуллина).
- Күргәзмәләр бүлеге (җитәкче Рәсим Мәһдиев).
- Матбугат үзәге (җитәкче Резидә Мөбәрәкова).
- Идарә-хуҗалык бүлеге (директор урынбасары Айдар Хөсәенов).
- Исәп-хисап бүлеге (баш бухгалтер Елена Захарова).[5]
Искәрмәләр
үзгәртү- ↑ Татарстан халыклары ассамблеясе сайтында, archived from the original on 2015-04-05, retrieved 2015-04-15
- ↑ Ирек Шәрипов Татарстан Халыклар дуслыгы йорты директоры вазифасыннан китү сәбәбен әйтте. Татар-информ, 2.08.2023
- ↑ Кадыров Тимур Рафкатович, archived from the original on 2022-08-18, retrieved 2023-08-29
- ↑ Тимур Кадыйров Татарстан Халыклар дуслыгы йорты директоры итеп билгеләнде. Татар-информ, 29.08.2023
- ↑ ТР халыклары ассамблеясе сайтында