Шәйхи Маннур исемендәге премия

Шәйхи Маннур исемендәге премия - күренекле татар язучысы Шәйхи Маннур (Шәйхелислам Фәрхулла улы Маннуров) исемендәге әдәби премия. 1981 елда нигезләнгән.

Шәйхи Маннур исемендәге премия
Ил	Татарстан
Төр	премия
Статусы	{{{статусы}}}
статистика
Булдыру датасы	{{{булдыру датасы}}}
Юкка чыгару датасы	гамәлдә

Шәйхи Маннур

Максаты

Балалар әдәбияты буенча елның иң яхшы әсәренә, яшь авторның теләсә кайсы жанрдагы күренекле әсәренә бирелә. Шулай ук бу бүләкне ел дәвамында иң югары күрсәткечләргә ирешкән колхозчыларга да тапшыру кирәк дип табылган.

Статут

• Диплом белән раслана.
• Акчалата бүләк бирелә.

Тарих

Шәйхи ага үзе исән чакта ук үз теләгендә әдәби бүләк бирүне оештыру мөмкинлеген белдергән. Шәйхи Маннурның вафатыннан соң Мамадыш районының «Чулпан» колхозы, Олыяз авыл Советы һәм Татарстан Язучылар берлеге аның исемендәге премия булдыру турында карар чыгардылар.

Шәйхи Маннур исемендәге премия лауреатлары

• 1982 ел:

- әдәби казанышлары өчен - шагыйрь Зөлфәт һәм язучы Ринат Мөхәммәдиев;

- тырыш хезмәт өчен - китапханәче Васыйга Зәйнетдинова, колхоз рәисе Галимҗан Җиһаншин, савымчы Хаҗирә Мавлина һәм комбайнчы Шаһинур Хөсәинов.

• 1983 ел:

- әдәби казанышлары өчен - шагыйрь-рәссам Гакыйль Сәгыйров һәм язучы Марсель Галиев;

- тырыш хезмәт өчен - савымчы Рәисә Зарипова, укытучы Зәкия Зиннурова, механизатор Зиннәт Галимуллин һәм механизатор Әхәт Зиннуров.

• 1985 ел:

- әдәби казанышлары өчен - прозаик Нәбирә Гыйматдинова һәм тенкыйтьче Мөдәррис Вәлиев (Салих Мәннанов);

- тырыш хезмәт өчен - җирле үзидарә рәисе Ривал Гыйззәтуллин, савымчы Сәвия Кәримова һәм клуб мөдире Рәзимә Әхмәдиева.

• 1991 ел:

- әдәби казанышлары өчен - шагыйрь Рафаил Газизов һәм прозаик Зиннур Хөснияр тәнкыйтьче Мөдәррис Вәлиев (Салих Мәннанов);

- тырыш хезмәт өчен - механизатор Габделхак Вильданов, укытучы Азат Һадиев һәм механик Рифкать Габдуллин.

• 1992 ел:

- әдәби казанышлары өчен - шагыйрь Газинур Моратов, язучы Рашат Низамиев һәм тәрҗемәче Светлана Гыйлметдинова;

- тырыш хезмәт өчен - мәдәният йорты мөдире Юрис Мөхлисов, савымчы Нурия Идрисова, терлекче Әлфинур Зиннәтова, терлекче Нәсимә Зиннәтова, шофер Зөлфәт Мөбәрәкшин һәм механизатор Хатим Кәримов.

• 1993 ел:

- әдәби казанышлары өчен - прозаик Нәзифә Кәримова, шагыйрь Рафис Корбан һәм шагыйрь Рөстәм Сүлти;

- тырыш хезмәт өчен - механизатор Вакыйф Шәрипов, шофер Фарыл Хисмәтов һәм савымчы Нурия Ханова.

• 1994 ел:

- әдәби казанышлары өчен - шагыйрь Ләбиб Лерон, шагыйрь Рәниф Шәрипов һәм язучы Вәкил Ахунҗанов;

- тырыш хезмәт өчен - терлекче Суфия Миңнеханова, терлекче Нәзимә Җиһаншина, механизатор Рәшит Шәрәфиев, механизатор Миңнехаҗи Даутов һәм механизатор Зиннур Мансуров.

• 1995 ел:

- әдәби казанышлары өчен - язучы Марат Закир, шагыйрь Зиннур Мансуров һәм шагыйрь Шаһинур Мостафин;

- тырыш хезмәт өчен - Ш.Маннур музеен төзүгә зур көч куючы Дания Баһаутдинова, бригадир Рәсим Миңнегалиев, хисапчы Раиф Ганиев, баянчы Эльбрус Салихов, комбайнчы Хәмит Хисмәтов, савымчы Заримә Сәлахова һәм механизатор Сәгыйт Мифтахов.

• Лилия Мөхәммәтҗанова

---

2023 ел

• Фәнил Гыйләҗев, шагыйрь ― «Кирмән нигезе» китабы өчен
• Гыйлемхан Дәүләтшин, язучы ― «Җиремнең чәчәкләре» романы өчен

2024 ел

• Дания Нәгыйм, шагыйрә ― «Бөртекләп җыелган гомер» китабы өчен
• Мамадыш балалар китапханәсе ― матур әдәбиятны пропагандалау һәм яшь буынны милли мәдәни җирлектә тәрбияләү юнәлешендәге күпьеллык эшчәнлеге өчен
• Гөлия Сөнгатуллина, Мамадыш шәһәре 5нче «Бәләкәч» балалар бакчасы татар теле тәрбиячесе ― әдәби иҗаты һәм «Балачак ТВ» проекты белән яшь буынны тәрбияләүгә керткән өлеше өчен
• Алия Мөбарәкшина, Казандагы күппрофильле 186нчы мәктәпнең татар теле һәм әдәбияты укытучысы, яшь галимә ― әдәби иҗаты һәм яшь буынны тәрбияләүгә керткән өлеше өчен

Чыганаклар

1. «Мәйдан» журналы. №12 (декабрь), 2014.