Төп менюны ачу

Хәмит Ярми (Хәмит Хөснетдин улы Ярмөхәммәтов) – фольклор белгече, әдәбият галиме, филология фәннәре докторы, Тукай бүләге иясе (1989).

Хәмит Ярми
Туган телдә исем Хәмит Хөснетдин улы Ярмөхәммәтов
Туган 5 май 1904(1904-05-05)
Казар, Төмән өязе, Тубыл губернасы, Русия империясе
Үлгән 30 октябрь 1981(1981-10-30) (77 яшь)
Казан, Татарстан АССР
Милләт татар
Ватандашлыгы Русия империясеРСФСРССРБ
Һөнәре әдәбият галиме, профессор
Җефет Халидә Хәнәфи кызы Гатина - Ярми
Бүләк һәм мөкәфәтләре Габдулла Тукай исемендәге дәүләт премиясе (1989)

Эчтәлек

Тәрҗемәи хәлеҮзгәртү

1904 елның 5 маенда Тубыл губернасы Төмән өязе (хәзерге Төмән өлкәсе Төмән шәһәренең Үзәк округына керүче) Кырынкүл (Казарово) авылында туган. 1981 елда вафат.

1920 елга кадәр туган авылында яши. Олуг Манчел авылында яңа ысуллы мәдрәсәдә белем ала.

Төмән педагогия техникумын, Казан дәүләт педагогия институтын, аспирантураны тәмамлый.

1930 елдан Кызыл Татарстан гәҗитендә, Татарстан китап нәшриятында, Татарстан язучылар берлегендә җаваплы сәркатип булып эшли.

Гыйльми эшчәнлегеҮзгәртү

19391972 елларда ССРБ фәннәр академиясенең Г.Ибраһимов исемендәге Тел, әдәбият һәм сәнгать институтында эшли.

19421944 елларда институтның директоры.

19441947 елларда халык иҗаты бүлекчәсе мөдире.

Утыздан артык халык авыз иҗатын җыю буенча фәнни-гамәли сәяхәттә катнаша. Татар халкының, шул исәптән себер татар халкының, шигъри авыз иҗатын өйрәнә. 50 дән артык фәнни хезмәте шул темага багышланган. Төп фәнни хезмәте – «Татар халкының шигъри авыз иҗаты» (урысча «Татарское народно-поэтическое творчество»). Шуның буенча филология фәннәре докторы диссертациясен яклый.

Казан дәүләт университетының татар теле һәм әдәбияты бүлегендә татар фольклоры буенча лекцияләр укый. Татар халык иҗаты буенча дәреслекләр авторы.

Мактаулы исемнәре, бүләкләреҮзгәртү

Татарстанның Габдулла Тукай исемендәге дәүләт премиясе (1989) - 12 томлык “Татар халык иҗаты” фәнни җыелмасы өчен (иҗат төркеме эчендә, вафатыннан соң).

ХәтерҮзгәртү

  • Төмән шәһәренең бер урамына Хәмит Ярми исеме бирелгән[1].
  • Төмән өлкәсенең туган якны өйрәнү музеенда кабинет - музее ачылган.

ӘдәбиятҮзгәртү

Тышкы сылтамаларҮзгәртү

ИскәрмәләрҮзгәртү

  1. Распоряжение администрации города Тюмени от 26 июля 2002 г. N2490