Габдулла Гарифуллин
Габдулла Гарифуллин, Габдулла Гарифулла улы Гарифуллин, рус. Гарифуллин Габдулла Гарифуллович (1925 елның 3 гыйнвары, Татарстан АССР, Арча кантоны, Янгул — 2002 елның 1 августы, шунда ук) — Бөек Ватан сугышында катнашкан Советлар Берлеге Каһарманы (1946), тупчы, сержант. Берлинны алганда каһарманлык күрсәткән.
| Габдулла Гарифуллин | |
|---|---|
 | |
| Туу датасы | 3 гыйнвар 1925 |
| Туу урыны | ТАССР Арча кантоны, Янгул авылы |
| Үлем датасы | 1 август 2002 (77 яшь) |
| Үлем урыны | Балтач районы |
| Иялек |  РСФСР→ ССРБ→ Россия |
| Гаскәр төре |  артиллерия |
| Дәрәҗә | Калып:ССРБ, сержант |
| Җитәкчелек иткән | орудие расчеты |
| Бүләкләр һәм премияләр |    
 |
| Истигъфада | 1947 |
Тәрҗемәи хәле
үзгәртү
1925 елның 3 гыйнварында Татарстан АССР Арча кантоны (хәзерге Балтач районы) Янгул авылында крестьян гаиләсендә туган. Балачагыннан ятим кала. Янгулда тулы булмаган урта мәктәпне, Сталино (хәзерге Донецк) шәһәрендә фабрика-завод өйрәнчекләре мәктәбен (1940) бетергән. 1941-1942 елларда Чиләбедә трактор заводында, «Яңа тормыш» күмәк хуҗалыгында (Балтач районы) эшләгән. 1942 елның августыннан Кызыл гаскәрдә хезмәт итә.
1942 елның ноябреннән Бөек Ватан сугышы фронтларында: Волхов фронтында туп коручы булып хезмәт итә. 1нче Белоруссия фронты 5нче удар армия, 6нчы артиллерия корпусы, 2нче артиллерия дивизиясе, 20нче җиңел артиллерия бригадасы, 54нче җиңел артиллерия полкы орудие командиры. Сержант. 1943 елның мартында Ленинград камалышын өзү өчен барган сугышта күрсәткән батырлыгы өчен Кызыл Йолдыз ордены белән бүләкләнә. 3нче Балтик флоты һәм 1нче Белоруссия фронты составында Эстонияне, Латвияне, Литваны, Көнчыгыш Пруссияне, Польшаны азат итү сугышларында, Берлинны алу өчен барган сугышларда катнаша.
Берлинны алу
үзгәртү- Төп мәкалә: Берлин өчен сугыш
1945 елның 23 апрелендә Берлин биналарының берсенең түбәсенә кызыл әләм беркеткән. Бер тәүлек эчендә аның җитәкчелегендәге расчет дошманның 9 станоклы пулеметын, 1 тубын, 8 фаустнигын, берничә дистә автоматчысын юк итә. 1946 елның 15 маенда Советлар Берлеге Каһарманы исеме бирелә.
Сугыштан соң
үзгәртү- 1947 елда хәрби хезмәттән азат ителә.
- Өч еллык авыл хуҗалыгы мәктәбен тәмамлаган (Казан, 1952).
- 1947-1948 елларда Янгул авыл шурасы рәисе.
- 1953-1955 елларда «Большевик» күмәк хуҗалыгы (Балтач районы) рәисе.
- 1956-1990 елларда (пенсиягә чыкканчы) Балтач «Сельхозтехника» берләшмәсендә слесарь һәм нормировкалаучы булып эшли.
2002 елның 1 августында Янгулда вафат.
Бүләкләре, мактаулы исемнәре
үзгәртү- Советлар Берлеге Каһарманы
- Ленин ордены
- 1нче дәрәҗә Ватан сугышы ордены(11.03.1985)
- Кызыл Йолдыз ордены (21.12.1943)
- 2нче дәрәҗә Дан ордены (16.04.1945)
- 3нче дәрәҗә Дан ордены
- Медальләр
Музей хезмәткәрләре булып кыланган җинаятьчеләр, аның орденнарын муляжга алмаштырып, үзләштерәләр, ләкин тотылалар [1]
Хәтер
үзгәртү- Янгулда урамга исеме бирелгән.
- Янгул мәктәбе диварына истәлек тактаташ беркетелгән.
Чыганаклар
үзгәртү- Татарский энциклопедический словарь. Казань: Институт татарской энциклопедии АН РТ, 1999. ISBN 0-9530650-3-0
- Татарская энциклопедия. В 6 т. Т.2 (Г-Й). Казань, 2005.
Әдәбият
үзгәртү- Советлар Союзы Геройлары – якташларыбыз. Казан, 1990.
- Батырлар китабы. Казан: ТКН, 2000. ISBN 5-298-01001-6
- Балтач энциклопедиясе. 2 китап. Казан, 2010.