Төп менюны ачу

Николай Столбов, Николай Гурий улы Столбов (рус. Столбов Николай Гурьевич, 1910 елның 8 декабре, Казан1942 елның 14 августы, Төньяк фронт) — хәрби диңгезче, Советлар Берлеге Каһарманы, 3нче ранг капитаны, «Щ-402» су асты көймәсе командиры.

Николай Столбов
Н.Г.Столбов.jpg
Туу датасы 8 декабрь 1910(1910-12-08)
Туу урыны Русия империясеFlag of Russia.svg Русия империясе, Казан
Үлем датасы 14 сентябрь 1942(1942-09-14) (31 яшь)
Үлем урыны ССРБ, Төньяк фронт
Иялек Русия империясеFlag of Russia.svg Русия империясе
РСФСРFlag of the Russian Soviet Federative Socialist Republic.svg РСФСР
ССРБFlag of the Soviet Union.svg ССРБ
Гаскәр төре Хәрби-Диңгез көчләре Хәрби-Диңгез көчләре
Дәрәҗә 3нче ранг капитаны 3нче ранг капитаны
Җитәкчелек иткән «Щ-402» су асты көймәсе[1]
Бүләкләр һәм премияләр Совет Берлеге Каһарманы
Ленин орденыКызыл Байрак орденыКызыл Байрак ордены

Тәрҗемәи хәлеҮзгәртү

 
«Щ-402» су асты көймәсе командиры Н.Г. Столбов һәм су асты көймәләренең 3нче дивизионы командиры Н.И. Морозов (с). 1941

1910 елның 8 декабрендә Казанда туган. Мәктәпне тәмамлагач, 1930 елда автомобиль йөртүчеләр курсларында укый. Кызыл Гаскәргә чакырылганчы, Казанда шофёр булып эшли.

Хәрби хезмәткә алынгач, Балтика флотына эләгә, анда хәрби диңгезчедән су асты көймәсе командиры дәрәҗәсенә кадәр юл үтә. ССРБ Хәрби-Диңгез көчләренең команда составын тизләтелгән әзерләү курсларын (рус. КУПКС, Кронштадт, 1935), С.М. Киров исемендәге Кызыл Байраклы су астында йөзәргә өйрәтү отрядын (Ленинград, 1938) тәмамлый. 1933-1935 елларда «М-72», 1938-1939 елларда «М-87», 1940-1942 елларда «Щ -402» су асты көймәләрендә хезмәт итә[2].

Ак финнәр белән сугыш башлангач, Төньяк флоты сугыш хәрәкәтләрендә катнаша.

Бөек Ватан сугышын да төньякта каршылый. Төньяк флотның су асты көймәләре бригадасы 3нче дивизионына кертелгән, командиры Н. Столбов булган «Щ-402» (ru) су асты көймәсе 1941 елның 14 июлендә Порсангерфиордка үтеп керә һәм, совет су асты көймәләреннән беренче булып дошманга һөҗүм итеп, Хоннингсвог портында якорьда торган 3 мең т сусыешлы «Ханау» пароходын шартлата. «Щ-402» су асты көймәсе экипажы, үзенең һәлакәтенә кадәр дошманның 11 транспортын һәм су асты көймәсен юкка чыгара. Су асты көймәсенә «гвардия» исеме бирелә, ул Кызыл Байрак ордены белән, ә көймә командиры Н.Г. Столбов икенче Кызыл Байрак ордены бүләкләнә, аңа чираттан тыш 3нче ранг капитаны дәрәҗәсе бирелә.

1942 елның 14 августында сугышчан бирем үтәп кайтып килгәндә, аккумулятор батареяларын корганда су тудыргыч шартлап, көймә экипажыннан 19 кеше (командирны да кертеп) һәлак була[3]. «Щ-402» су асты көймәсе (командиры А.М. Каутский) 1944 елның 21 сентябрендә торпеда йөртүче «Бостон» совет хәрби очкычы тарафыннан, ялгышлык белән, торпеда һөҗүменә дучар була һәм барлык экипажы белән су төбенә китә.

Бүләкләре, мактаулы исемнәреҮзгәртү

ХәтерҮзгәртү

ӘдәбиятҮзгәртү

  1. Бережной С.С. Корабли и суда ВМФ СССР. 1928 – 1945 (Справочник). М.: Воениздат, 1988.

СылтамаларҮзгәртү

ИскәрмәләрҮзгәртү