Марсель Вәгыйзов
Марсель Вәгыйзов, Марсель Васыйл улы Вәгыйзов (1983 елның 14 феврале, СССР, РСФСР, ТАССР, Саба районы, Айдар) — җырчы, мөнәҗәтләр башкаручы, халыкара җыр конкурслары лауреаты, Татарстанның атказанган артисты (2014).
| Марсель Вәгыйзов | |
 | |
| Төп мәгълүмат | |
|---|---|
| Тулы исеме |
Марсель Васыйл улы Вәгыйзов |
| Туу көне |
14 февраль 1983 (41 яшь) |
| Туу урыны | |
| Эшчәнлек еллары |
2005 ― х. в. |
| Дәүләт | |
| Һөнәрләр | |
| Кораллар |
баян |
| Жанрлар |
эстрада җырлары, татар халык җырлары, мөнәҗәтләр |
| Коллективлар |
Сәйдәшев исемендәге Дәүләт Зур концерт залы |
| Бүләкләр |
|
| Марсель Вагизов | |
Тәрҗемәи хәле
үзгәртү1983 елның 14 февралендә Татарстан АССР Саба (1991 елдан Теләче[1]) районы Айдар авылында туган. Әтисе Васыйл (1958 елгы) шофер, әнисе Илһамия (1962 елгы) почтальон булып эшләгәннәр. Бертуган ике сеңлесе бар.
Баян уйнауга сәләте нәселдән килә. Биш яшеннән гармунда уйный, җырлый башлаган. «Әти, әни һәм мин – музыкаль гаилә» конкурсларында катнашып килгән. 5 чакрымдагы күрше Олы Нырсы авылы мәктәбенә йөреп укыган. 8 класста укыганда нинди юнәлештән китәсен белгән. Казан дәүләт мәдәният һәм сәнгать университетында Венера Ганиева классында белем алган, 2005 елда музыка сәнгате факультетының ялгыз җырлау кафедрасын «халык җырларын башкаручы һәм укытучы» белгечлеге буенча тәмамлаган[2][3].
Хәзерге вакытта ― Сәйдәшев исемендәге Дәүләт Зур концерт залы[d] солисты. Эстрадада чыгыш ясый, өч сольный альбом чыгарган (2005 елда, «Килерсеңме иркә»; 2008 елда, «Жырларымда дәштем»; 2013 елда, 12 ел дәвамында башкарган иң яхшы җырлар һәм яңа композицияләр). Төрле хөкүмәт чараларында, Универсиада-2013 мәдәни программасында, Төркиядә, Казакъстанда, Мәскәүдә һәм Россия шәһәрләрендә Татарстан Республикасы Мәдәнияте көннәрендә, Мәскәүдә Кремль сараенда Илһам Шакировның юбилей концертында (2015), Төмәндә, Әстерханда, Нефтеюганскида, Австралиядә Сабан туе бәйрәмендә һәм башкаларда катнашкан. «Үзгәреш җиле» татар җыры фестивале сезоннарында даими катнашып килә[4]. Көйләр дә иҗат итә («Яшисе килә», «Җырларымда уйларым», «Җырларымда дәштем» һ.б.).
Тамашачыларга барыннан да элек эстрада җырчысы буларак билгеле, әмма соңгы елларда күбрәк дини җырлар башкаруда махсуслаша. Репертуарында ― татар халык җырлары, классик композиторлар әсәрләре, ретро җырларны да заманга яраклаштырып башкара (мәсәлән, «Зәңгәр күлмәк», «Әйт, дускаем, әйт», «Эрбет»[5]), мөнәҗәтләр, нәшидләр[d]. Дингә килгәч, элекке җырларын җырламый[6].
Җиде ел диндә. Читтән торып, Казанда мәдрәсәдә укый. Рамазан аенда Марат Галимов белән мөнәҗәтләр башкара. Алып баручы Марсель Әхмәдуллин белән «Рухи моң» иҗат берләшмәсе оештырганнар. 2019 елдан башлап, мәчетләрдә яңгырый торган азанның сыйфатын күтәрү, татар мәкамен популярлаштыру максатында, «Татар азаны» дигән бәйге уздыралар. Бәйге балалар арасында да уздырыла башлаган. «Татар азаны мәктәбе» проекты белән районнарга чыгалар.
Соңгы вакытта «Татар азаны» бәйгесенең Гран-при иясе (2023) Рөстәм Хөсәенов белән бергә җырлый. Никахларда, хәләл туйларда эшли. Күп кенә җырларын а капелла башкара.
Бүләкләре, мактаулы исемнәре
үзгәртү- 2003 ― Илһам Шакиров исемендәге Халыкара татар җырын башкаручылар конкурсы лауреаты
- 2004 ― Салих Сәйдәшев исемендәге вокалчылар конкурсы лауреаты
- 2007 ― Рәшит Ваһапов исемендәге халыкара татар җыры фестивале лауреаты[7].
- 2010 ― Яшь башкаручыларның «Татар моңы – 2010» халыкара телевизион конкурсы лауреаты
- 2013 ― «Туган тел» халыкара татар һәм башкорт җыры фестиваль-конкурсы лауреаты
- 2014 ― «Болгар радиосы» милли премиясе иясе
- 2014 ― Татарстанның атказанган артисты
Шәхси тормышы
үзгәртүӨйләнгән. Хатыны Гүзәл, улы Шамил, кызы Динә.
Искәрмәләр
үзгәртү- ↑ Айдарово (Айдар). Институт Татарской Энциклопедии
- ↑ Марсель Вагизов Вконтакте
- ↑ Марсель Вагизов: «Татар жыры» – это бизнес, это не татарская песня». Бизнес-Онлайн, 17.05.2015(рус.)
- ↑ Марсель Вәгыйзов. Үзгәреш җиле
- ↑ Җырчы Марсель Вагыйзов: Зәвыклы тамашачы аз. Интертат, 20.11.2019
- ↑ Альфред Мухаметрахимов. Марсель Вагизов: «В харамных мероприятиях практически не участвую, только если сильно припрет». Бизнес-Онлайн, 21.04.2023(рус.)
- ↑ Рифат Фаттахов: «Состояние татарской эстрады – вопрос политической выживаемости нации», archived from the original on 2017-04-01, retrieved 2017-07-16
Әдәбият
үзгәртү- Мәкаләләр
- Румия Сафиуллина. Марсель Вәгыйзов: «Әгәр шул чакта сынау килмәгән булса». «Акчарлак», № 27 (1136), 10.07.2024, 2-3нче бит.
- Зөһрә Садыйкова. Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың». «Шәһри Казан», 08.02.2018
- Альфред Мухаметрахимов. Марсель Вагизов: «В харамных мероприятиях практически не участвую, только если сильно припрет». Бизнес-Онлайн, 21.04.2023(рус.).
Сылтамалар
үзгәртү
Марсель Вәгыйзов «Дөнья» студиясендә. YouTube видео, 17:42
