Айнур Биргалин
Айнур Биргалин, Айнур Азамат улы Биргалин (баш. Айнур Азамат улы Бирғәлин, 1989 елның 17 октябре, ССРБ, РСФСР, БАССР, Учалы районы, Баттал) — дин эшлеклесе, 2019 елның 29 апреленнән ― Башкортстан мөселманнары диния нәзарәте рәисе һәм республика мөфтие в. в. б.[1].
| Айнур Биргалин | |
|---|---|
 | |
| Туган телдә исем | Айнур Азамат улы Бирғәлин |
| Туган | 17 октябрь 1989 (35 яшь) СССР, РСФСР, БАССР, Учалы районы, Баттал |
| Милләт | башкорт |
| Ватандашлыгы |  СССР РФ |
| Әлма-матер | Әл-Әзһәр университеты һәм Башкорт дәүләт университеты |
| Һөнәре | мөфти |
2019 елның 16 октябрендә Башкортстан мөселманнары диния нәзарәтенең VIII җыенында күпчелек тавыш белән Башкортстан мөселманнары диния нәзарәте рәисе - республика мөфтие итеп сайлана[2].
Тәрҗемәи хәле
үзгәртү
1989 елның 17 октябрендә Башкортстан АССР Учалы районы Баттал авылында туган. Уфада Үзәк диния нәзарәте каршындагы Россия ислам университетының дүрт курсын (диплом алмаган), Каһирәдә (Мисыр) Әл-Әзһар халыкара ислам университетының Сәнәвия институтын, Уфада БДУның башкорт филологиясе һәм журналистика факультеты башкорт–гарәп бүлеген (2016) тәмамлаган.
2011 елдан Уфаның «Рамазан» мәчетендә имам, Уфаның 8 март бистәсендә үзе төзеткән «Фәтхислам» мәчетендә имам-хатип булып эшләгән. Эшмәкәрлек белән шөгыльләнгән, «Таймас-Престиж» компаниясенең директоры, РФ мөселман эшкуарлары берлегенең БР бүлекчәсе җитәкчесе булып торган. 2018 елдан 2019 елның 29 апреленә кадәр — БР мөселманннары диния нәзарәте рәисенең гомуми мәсьәләләр буенча урынбасары, 29 апрельдән — мөфти в. в. б., 16 октябрьдән — мөфти.
2024 елның 24 октябрендә Уфада узган Башкортстан мөселманнары Диния нәзарәтенең IX Корылтаенда киләсе биш елга рәис итеп сайланган. Бердәнбер намзәт итеп чыгарылган. Аның намзәтен Корылтайда катнашкан Башкортстан Башлыгы Радий Хәбиров та хуплаган[3].
Гаиләсе
үзгәртүӨйләнгән, биш баласы бар. Грэппинг, Бразилия джиу-джитсуы белән шөгыльләнә[4].
Цитаталар
үзгәртү
|
Һичшиксез, Татарстан мөселманнары белән араны якынайтачакбыз. Миңа аларның эшне оештыруга, кадрлар мәсьәләсенә җитди карашы нык охшый. Мәсәлән, ТР МДНдә 80 чамасы кеше эшли, «Хозур» нәшриятының да штаты бик зур. Бездәге белән чагыштыру уңайсыз хәтта. Мәчетләрнең Казанда — 80, Уфада ун тапкырга кимрәк булуын да танымау мөмкин түгел[5] Айнур Биргалин (2019)
|
|
|
|
Татарстанда җомга вәгазьләрен татарча алып баруны мәҗбүри керттеләр. Мин мондый адымга бармаячакмын. Казанда татарча вәгазь барганда башка милләт кешеләренең телефоннарына ябышып утырганнарын күрдем. Алар арасында татарча аңламаган чит ил студентлары күп...[6] Айнур Биргалин (2019)
|
|
Искәрмәләр
үзгәртү- ↑ В Духовном управлении мусульман Башкортостана сменился глава 2021 елның 27 октябрь көнендә архивланган.. «Реальное время», 29.04.2019(рус.)
- ↑ Башкортстан мөфтие итеп Айнур Биргалин сайланды. Азатлык радиосы, 16.10.2019
- ↑ Азат Гиззатуллин. Радий Хабиров поблагодарил ДУМ Башкирии за сохранение духовных ценностей. Башинформ, 24.10.2024
- ↑ Интервью с врио председателя ДУМ РБ Айнуром Биргалиным. 2019 елның 17 май көнендә архивланган. «Реальное время», 13.05.2019(рус.)
- ↑ Айнур Биргалин: «Изге гамәлләрдә бергә булыйк». «Диянәт», 2019 ел, № 1
- ↑ Аскарова Минзаля. И. о. главы ДУМ Башкирии Айнур Биргалин: «Говорят, я молодой и злой». mkset.ru, 13.05.2019(рус.)