Габделхак Игебаев

Габделхак Игебаев
*Абдулхаҡ Игебаев*
Габделхак Игебаев; Абдулхаҡ Игебаев
Туган телдә исем	Габделхак Хаҗмөхәммәт улы Игебаев
Туган	2 июль 1930; Күсәй, Җылаер кантоны, БАССР
Үлгән	27 сентябрь 2016 (86 яшь); Уфа
Милләт	башкорт
Ватандашлыгы	РСФСР→ССРБ→РФ
Әлма-матер	Башкорт дәүләт университеты
Һөнәре	язучы
Балалар	кызы Фәния Игебаева, УДАУ доценты
Бүләк һәм премияләре	(1991); Г. Сәләм исемендәге премия (1968); (2005)

Габделхак Игебаев (тулы исеме Габделхак Хаҗмөхәммәт улы Игебаев, баш. Абдулхаҡ Хажмөхәммәт улы Игебаев) – язучы, БР халык шагыйре (2010), Салават Юлаев премиясе лауреаты (1991).

Тәрҗемәи хәле

1930 елның 2 июлендә БАССР Җылаер кантоны (хәзерге Башкортстанның Баймак районы) Күсәй авылында туган. Балалар йортында тәрбияләнә. Темәс педагогика укуханәсен (1946), Уфа педагогия институтын (1950), Мәскәүдә әдәбият институтын (1971) тәмамлый.

1950-1969 «Кызыл таң», «Совет Башкортстаны» газеталарында, «Пионер» журналында әдәби хезмәткәр,

1971-1990 «Агыйдел» журналында бүлек мөдире булып эшли.^[2]

2016 елның 27 сентябрендә Уфада вафат^[3].

Иҗаты

Шигырьләре 1948-1949 елларда республика газеталарында күренә башлый. Беренче китабы – «Яшьлек җыры» шигырьләр җыентыгы (1954).

А. Игебаев - лирик шагыйрь, шуңа күрә аның беренче шигырьләренә яшьлек дәрте белән сугарылган лиризм, юмор хас. Соңрак язылган әсәрләре югары гражданлык пафосы, хис-тойгылар тирәнлеге белән аерылып тора.^[4]

Билгеле поэмалары: «Корея кызы», «Гаилә шатлыгы», «Ирәндек бөркете», «Урал тавышы», «Оран сала Җир-ана» рус, украин, кыргыз, татар, казакъ, үзбәк, якут телләренә тәрҗемә ителгән.^[5]

Китаплары

Яшьлек җыры (1954)
Туган җир (1956)
Яңа чалымнар (1957, очерклар)
Минем сеңелем (1958)
Ирәндек бөркете (1959)
Акбүзат (1960)
Елмаегыз, йолдызлар (1964)
Алтын дулкыннар (1966)
Җиз кыңгырау (1968)
Урал тавышы (1969)
Сагына белә икән ташлар да (1972)
Кайда сайрый сандугачкай (1974; 2010)
Беләм җирем-суым кадерен (1976)
Кар өстендә учак кабыздым (1978, «Тәлгәшләр» җыентыгында)
Бәләкәч дусларыма (1979, балаларга)
Шигырьләр, поэмалар (1980)
Гөлләр сибәрдәй булам (1984)
Яшьлек илендә калам (Казан, 1997)
Сайланма әсәрләр.2 томда (2004-2005)

Бүләкләре, мактаулы исемнәре

Салават Юлаев премиясе (1991) – «Әйтелмәгән сүзләр» җыентыгы өчен
Г. Сәләм исемендәге премия (1968) – «Оран сала Җир-ана» патетик поэмасы өчен
Батыр Вәлит исемендәге премия
РСФСР (1991) һәм БАССР (1980) атказанган мәдәният хезмәткәре
Салават Юлаев ордены (2005)
БР халык шагыйре (2010)

Әдәбият

М. Кәрим. Каләмдәш иптәшләргә хатлар. – Абдулхак Игебаевка. китапта: Күтәрелгән кояшка карап. Уфа, 1960, 78-83 бб.(башк.)
Г. Рамазанов. Юл тынгысызларны ярата. Ағиҙел, 1975, № 12.(башк.)

Чыганаклар

Совет Башкортстаны язучылары (биобиблиографик белешмәлек). Уфа, 1988.(башк.)

Сылтамалар

Башкортостан Республикасының Әхмәтзәки Вәлиди исемендәге Милли китапханәсенең электрон бүлегендә

башкорт телендәге әсәрләре

башка чыганаклар

Искәрмәләр

[1] Баймак газетасы

[2] Уфа шәһәр сайты

[3] БР халык шагыйре Абдулхак Игебаев вафат. Азатлык Радиосы

[4] Башкорт энциклопедиясе(үле сылтама)

[5] Әдәбият картасы сайты

[1]

[2]

[3]

[4]

[5]