Вероника Тушнова

Вероника Тушнова
Вероника Тушнова
Туган телдә исем	Вероника Михаил кызы Тушнова
Туган	27 март 1911; Казан
Үлгән	7 июль 1965 (54 яшь); Мәскәү
Үлем сәбәбе	яман шеш
Күмү урыны	Ваганьков зираты[d]
Милләт	рус
Ватандашлыгы	Русия империясе→; РСФСР→; ССРБ
Әлма-матер	Казан (Идел буе) федераль университеты һәм Эксперименталь медицина институты[d]
Һөнәре	шагыйрә
Балалар	кызы Наталья Розинская
Ата-ана	М.П. Тушнов (1879-1935), профессор (әти); А.Г. Постникова (әни);

Вероника Тушнова (Вероника Михаил кызы Тушнова, рус. Вероника Михайловна Тушнова) – рус совет шагыйрәсе, тәрҗемәче. ССРБ язучылар берлеге әгъзасы (1946).

Бу терминның башка аңлатмалары да бар, аларны карау өчен Тушнов битенә күчегез.

Тәрҗемәи хәле

В. Тушнова китабы

Кызы Наталья белән. 1953

1911 елның 14 (27) мартында Казанда ветеринария институты профессоры Михаил Павел улы Тушнов гаиләсендә туган. Казанның чит телләр тирәнтен өйрәнелүче А. Радищев исемендәге 14- санлы мәктәбендә (хәзер П. Чайковский исемендәге 1-санлы музыка мәктәбе) (1928 елда тәмамлаган), әтисенең теләге буенча Казан медицина институтында (1928-1931 елларда) табиблыкка укый. Әтисенең хезмәт урынына бәйле рәвештә күченгәч, башта Ленинградта медицина институтында, аннары Мәскәү эксперименталь медицина институтында аспирантурада укый. 1941 елда Мәскәү әдәбият институтына укырга керә.

Бөек Ватан сугышы елларында

1941-1943 елларда Казанда эвакуациядә була. Кызыл гаскәрнең яралы хәрбиләрен дәвалаучы ГИДУВның нейрохирургия клиникасында пулат табибы булып эшли.

1943 елда Мәскәүгә кайткач, шулай ук табиб-ординатор эшен дәвам итә, диссертация яза.

Иҗаты

Мәхәббәт темасына язылган шигырьләре белән таныла. 1938 елда беренче шигырьләре басыла. Шулай ук сәяхәтләре тәэсирендә язылган шигырьләре дә игътибарга лаек.

Габдулла Тукай, Робиндранат Тагор шигырьләрен русчага тәрҗемә итә.

Басылган китаплары

Беренче басылган китабы – «Беренче китап» (Первая книга) (1945, «Молодая гвардия» нәшрияты).

1954 «Юллар-юллар» (Пути-дороги).
1956 «Клухорга юл» (Дорога на Клухор).
1958 «Йөрәк хәтере» (Память сердца).
1961 «Икенче сулыш» (Второе дыхание).
1963 «Лирика»
1965 «100 сәгать бәхет» (Сто часов счастья) – соңгы мәхәббәте шагыйрь Алексадр Яшинга багышлап, хастаханәдә язылган шигырьләр.
1969 «Лирика».

Җырлары

В. Тушнова сүзләренә язылган җырларны Россиянең эстрада җырчылары башкара:

Алла Пугачева — «Беләсеңме, бар да булачак» (А знаешь всё ещё будет)
София Ротару — «Йокысызлык» (Бессонница)
Тамара Гвердцители — «100 сәгать бәхет» (Сто часов счастья)
Ирина Аллегрова — «Онытма мине» (Вспоминай меня)
Кристина Орбакайте — «Беләсеңме, бар да булачак» (А знаешь всё ещё будет)
Дима Билан — «Яраткач, баш тартмыйлар» (Не отрекаются любя)

Хәтер

Казанның Идел буе районында (Салмачы бистәсе) яңа урамга исеме бирелгән.
Казанның Максим Горький музее каршында Вероника Тушнова иҗатын сөючеләр клубы эшләгән.
Казанда Вероника Тушнова исемендәге «Мәхәббәт асманы» (Галактика любви) фестивале уза (җитәкчесе Наилә Ахунова).

Чыганаклар

Светлана Брайловская. Беләсеңме, бар да булачак! «Российская газета», 05.03.2015.(рус.)