Әнәс Камал

Әнәс Галиәсгар улы Камалетдинов — мәшһүр татар драматургы һәм театр эшлеклесе, Галиәсгар Камал улы.

Әнәс Камал
Туган телдә исем Әнәс Галиәсгар улы Камалетдинов
Туган 5 март 1908(1908-03-05)
РИ, Казан губернасы, Казан
Үлгән 18 март 1978(1978-03-18) (70 яшь)
ССРБ, РСФСР, ТАССР, Казан
Милләт татар
Ватандашлыгы Русия империясеFlag of Russia.svg Русия империясе
РСФСРFlag of the Russian Soviet Federative Socialist Republic (1954–1991).svg РСФСР
ССРБFlag of the Soviet Union.svg ССРБ
Һөнәре драматург
Ата-ана

БиографияҮзгәртү

 
Г. Камал тормыш иптәше Бибигайшә ханым һәм улы Әнәс белән. 1911 ел

Әнәс Камал 1908 елның 5 мартында (иске стиль буенча 20 февральдә) Казан шәһәрендә Галиәсгар Камал гаиләсендә туа.

1921-1926 елларда яшүсмер егетнең халык авыз иҗаты әсәрләренә ияреп язган беренче пьесалары ("Хуҗа Насретдин әфәнде", "Чегән егете белән качкан мулла кызы Хәмидә", "Җизнәкәй" һ.б.) Казанның бистә клублары сәхнәләрендә уйналып йөри, ә 1927 елда иҗат иткән "Биш меңле Гайнетдин" исемле ике пәрдәле комедиясе 1928 елда аерым китап булып басылып чыга. Шул ук елны Казан сәнгатьләр техникумына укырга керә. 1931-1935 елларда Беренче районара колхоз-совхоз театрының режиссеры, артисты, автор-язучысы, администраторы-директоры булып эшли[1]. 1935 елдан 1955 елга кадәр Казанның Матбугат йортында техник һәм әдәби хезмәткәр: "Совет әдәбияты" журналы редакциясендә - әдәби хезмәткәр, Татарстан китап нәшриятында - редактор һәм Татарстан Язучылар союзында әдәби консультант вазифаларын башкара.

Әнәс Камал 1978 елның 18 мартында Казанда вафат булды.

ИҗатыҮзгәртү

Әнәс Камалның "Туй" (1939), "Буран" (1943), "Сәлам хат" (1947), "Юллар" (1950), "Март бураннары" (1955) кебек күп пәрдәле һәм берәр пәрдәле дистәләгән драма һәм комедияләре бар.

Ул шулай ук Татар дәүләт курчак театры өчен Г.Тукайның мәшһүр поэмасы нигезендә "Кисекбаш" (1951) исемле комедия яза. Атаклы урыс балалар язучысы А.Гайдарның "Школа" ("Мәктәп") дигән повестен һәм башка язучыларның әсәрләрен татар теленә тәрҗемә итә.

Шулай ук карагызҮзгәртү

Тудыка — ике туган сеңел, ике туган эне (рус. двоюродная сестра, двоюродный брат)[2]

ИскәрмәләрҮзгәртү

  1. Әнәс Камал. Март бураннары. К.: ТКН, 1988
  2. Татарча-русча сүзлек. М.: «Советская энциклопедия», 1966, 552нче биттә.