Хәмит Колмәмәт

Хәмит Колмәмәт
Хәмит Колмәмәт
Туган телдә исем	Хәмит Мөхәммәд улы Колмәмәт
Туган	1895; Казан
Үлгән	1942; Коми АССР
Ватандашлыгы	Россия империясе; СССР
Һөнәре	артист
Эш бирүче	Галиәсгар Камал исемендәге Татар театры
Җефет	Гөлсем Болгарская
Балалар	Фирдәвес Болгарская
Ата-ана	Мөхәммәт Әҗимев (әти); Рабига Мостафа кызы Утәмишева (әни);
	Хәмит Колмәмәт Викиҗыентыкта

Габделхәмит Мөхәммәт улы Әҗимов-Колмәмәт (Азимов) — татар театры артисты.

Тәрҗемәи хәле

Ул 1895 елда Казанда туа. Иҗат эшчәнлеген беренче татар профессионал драма труппасы «Сәйяр»дә ук башлап җибәргәннәрнең берсе. “Татар театрының остасы” Габдулла Кариевтан беренче иҗат күнекмәләре алган актер гражданнар сугышы чорында төрле фронт бригадалары труппаларында, егерменче елларда Кызыл Октябрь исемендәге һәм башка театр коллективларында, ә утызынчы елларда күбрәк Татар дәүләт академия театры сәхнәсендә уйный. 1939 елдан алып гомеренең соңгы көннәренә кадәр ул Республика күчмә театры артисты.

1918 елда Гөлсем Болгарскаяга өйләнә.

Актер 1942 елда вафат була.

Иҗаты

Иҗат гомере бик иртә өзелүгә карамастан, Х. Колмәмәт шактый бай мирас калдыра. Ул башкарган рольләр арасында татар, рус, дөнья классикасы әсәрләрендә уйналганнары аеруча уңышлылардан санала. Арадан бигрәк тә Хәбибрахман (Галиәсгар Камал, «Беренче театр»), Исмәгыйль (Мирхәйдәр Фәйзи, «Галиябану»), Кара фикер (Гафур Коләхмәтов, «Кызыл һәм Кара»), Земляника (Николай Гоголь, «Ревизор»), Яго, Клавдий (Уильям Шекспир, «Отелло», «Гамлет») кебекләре кабатланмас төсмер үзенчәлекләре, катлаулы характерлары белән аерылып торалар.

Колмәмәт һәм Гөлсем Болгарская
өйләнешү көнендә (1918)

Чыганаклар

«Татар энциклопедия сүзлеге» Казан, Татар энциклопедия институты АН РТ, 2002
«Татарская энциклопедия» Казан, Татар энциклопедия институты АН РТ, 2002-15
Театральная энциклопедия. «Кульмамет Хамид» Том 1/Глав. ред. С. С. Мокульский — М.: Советская энциклопедия, 1961.
Д.Гыймранова «Гөлсем Болгарская», Казан, Татарстан китап нәшрияты, 1981
«Милләттәшләр» сайтында «Габделхәмит Мөхәммәт улы Әҗимев» (рус.)
«Татарский энциклопедический словарь» Казан, Институт Татарской энциклопедии АН РТ, б.307, 1999
«Татарская энциклопедия» Казан, Институт Татарской энциклопедии АН РТ, т.3, б.509, 2002-14