Илсур Һадиуллин
Илсур Гәрәй улы Һадиуллин (рус. Ильсур Хадиуллин яки рус. Хадиуллин Ильсур Гараевич, 1964 елның 18 октябре, Татарстан АССР, Балык Бистәсе районы, Таулар) — Татарстанның мәгариф эшлеклесе, педагогика фәннәре кандидаты, доцент. РФ гомуми белеменең мактаулы хезмәткәре (2002), Татарстанның атказанган укытучысы (2010). 2017 елның декабренә кадәр Казан шәһәре башкарма комитетынының мәгариф идарәсе башлыгы[1], 2020 елның 19 сентябреннән Татарстан мәгариф һәм фән министры (2018—2020 елларда министрның беренче урынбасары). Педагогика һәм социаль фәннәр академиясенең хакыйкый әгъзасы.
| Илсур Һадиуллин | |
|---|---|
 | |
| Туган телдә исем | Илсур Гәрәй улы Һадиуллин |
| Туган | 18 октябрь 1964 (60 яшь) СССР, РСФСР, ТАССР, Балык Бистәсе районы, Таулар |
| Милләт | татар |
| Ватандашлыгы |   РФ |
| Әлма-матер | Татар дәүләт гуманитар-педагогика университеты |
| Һөнәре | укытучы, мәгариф эшлеклесе |
| Эш бирүче | Татарстан Республикасы Мәгариф һәм фән министрлыгы |
| Җефет | Нәсимә, укытучы |
| Балалар | улы Рушан. кызы Камилә |
| Бүләк һәм премияләре |    |
| Гыйльми дәрәҗә: | педагогия фәннәре нәмзәте[d] |
Тәрҗемәи хәле
үзгәртү1964 елның 18 октябрендә Татарстан АССР Балык Бистәсе районы Таулар авылында туган. Әтисе — зоотехник, әнисе — башлангыч сыйныфлар укытучысы. Урта мәктәпне тәмамлаганнан соң, ике генә имтихан тапшырып, пединститутның химия-биология факультетына укырга керә. Бер курсны тәмамлауга, хәрби хезмәткә алына. «Биология һәм химия укытучысы» белгечлеге буенча Казан дәүләт педагогия институтын тәмамлаган (1989), педагогика фәннәре кандидатлыгына диссертация яклаган.
Хезмәт юлы
үзгәртү- 1989 елдан Мамадыш районында укытучы, директор урынбасары, мәктәп директоры.
- 1991 елдан Казанда: 13нче татар гимназиясе директорының уку-укыту эшләре буенча урынбасары.
- 1993-1994 елларда Казаннның 71нче мәктәбе директоры.
- 1994-1997 елларда Казаннның 155нче гимназия директоры.
- 1997-2002 елларда Татарстан мәгариф министры урынбасары, беренче урынбасары.
- 2002-2004 елларда Бөтендөнья татар конгрессы башкарма комитеты рәисенең беренче урынбасары.
- 2004-2007 елларда ТР мәгарифне үстерү институты (элекке ТУБКИ) ректоры.
- 2007-2017 елларда Казан шәһәре башкарма комитетынының мәгариф идарәсе башлыгы.
- 2018-2020 елларда Татарстан мәгариф һәм фән министрының беренче урынбасары.
- 2020 елның 19 сентябреннән Татарстан мәгариф һәм фән министры[2].
Бүләкләре, мактаулы исемнәре
үзгәртү- 2002 «РФ гомуми белеменең мактаулы хезмәткәре» күкрәк билгесе
- 2006 «Мәгариф өлкәсендәге хезмәтләре өчен» күкрәк билгесе
- 2010 Татарстанның атказанган укытучысы
- 2014 «Фидакарь хезмәт өчен» медале (ТР) – «күпьеллык уңышлы эшчәнлеге һәм республика мәгариф системасына керткән зур хезмәте өчен»[3]
- 2024 ― РФ Хөкүмәтенең Рәхмәт хаты ― мәгариф өлкәсендә дәүләт сәясәтен нәтиҗәле гамәлгә ашырган өчен[4]
Шәхси тормышы
үзгәртүӨйләнгән. Хатыны Нәсимә, укытучы. Улы Рушан ― икътисадчы, икътисад фәннәре кандидаты, кызы Камилә – телләр буенча белгеч, инглиз, француз телләреннән укыта[5].
Искәрмәләр
үзгәртү- ↑ Казан мэриясенең рәсми порталы, archived from the original on 2017-12-22, retrieved 2018-01-09
- ↑ Министерство образования и науки Татарстана возглавил Ильсур Хадиуллин. news.rambler.ru, 19.09.2020(рус.)
- ↑ БТК сайты, 29.10.2014
- ↑ Официальный telegram-канал Министерства образования и науки Республики Татарстан
- ↑ Энҗе Габдуллина. Һадиуллин балалары турында: Шәһәрдә туып, рус бакчасына йөрсәләр дә, татарча сөйләшәләр. Татар-информ, 29.03.2024
Әдәбият
үзгәртү- Азат Ахунов. Илсур Һадиуллин - кризис чоры менеджеры 2018 елның 1 гыйнвар көнендә архивланган.. «Идел», 2007 ел, № 8.
- Илсур Һадиуллинга тапкырлау таблицасын өйрәнмәгән өчен әнисе икеле куйган. «Шәһри Казан», 19.02.2015
Сылтамалар
үзгәртү- ТР мәгариф һәм фән министрлыгының «Рәсми Татарстан» порталындагы сәхифәсе 2018 елның 13 гыйнвар көнендә архивланган.
- Илсур Һадиуллин ТР мәгариф һәм фән министрының беренче урынбасары вазыйфасына билгеләнде 2018 елның 9 гыйнвар көнендә архивланган.. «Татар-информ» МА, 08.01.2018
- Дарья Коновалова. Ильсур Хадиуллин вновь стал первым замминистра образования Татартана. «Комсомольская правда», 09.01.2018
- Хадиуллин Ильсур Гараевич 2018 елның 23 февраль көнендә архивланган.. Деловой интернет-портал TatCenter, 09.01.2018
- Это человек, вышедший из национального образования. Бурганов нашел себе первого зама. «Бизнес-Онлайн», 27.12.2017