Гамир Яруллин

Гамир Яруллин
Гамир Яруллин
Туган телдә исем	Гамир Рәшит улы Яруллин
Туган	1926; СССР, РСФСР, ТАССР, Бөгелмә
Милләт	татар
Ватандашлыгы	СССР ; РФ
Һөнәре	табиб, галим
Җефет	Роза
Балалар	Фәридә, Наилә, Рәшит
Ата-ана	Рәшит Ярулла улы (әти); Зәйнәп Габделфәттах кызы (әни);

Гамир Яруллин, Гамир Рәшит улы Яруллин (1926 елда Бөгелмәдә туган) ― табиб-паразитолог, медицина фәннәре докторы (1966), профессор (1968). Волгоград (1964-1991) һәм Махачкала (1960-1964) медицина институтларының кафедра мөдире.

Википедиядә Яруллин фамилияле башка кешеләр турында мәкаләләр дә бар.

Төрки телләр белгече, профессор Әхмәт Тимернең (Төркиядә: Ahmet Temir, Әхмәт Рәшит улы Яруллин, 1912–2003) бертуган энесе.

Тәрҗемәи хәле

1926 елда Бөгелмәдә туган. Әтисе Рәшит Ярулла улы (1880―1938), Самар губернасы Ставрополь өязе Яңа Майна волосте (хәзерге Сембер өлкәсенең Мәләкәс районы) Мөси авылында туган, Әлмәт авылының икенче мәхәлләсе мәчете имамы, Бөгелмә өязенең икенче мөхтәсибәте имам-мөхтәсибе була, 1938 елда «Атласов» эше буенча гаепләнеп, атып үтерелгән. Әнисе Зәйнәп Габделфәттах кызы (1888-1978, Әстерхан), Бөгелмә өязе Түбән Чыршылы (Шәлчәле) авылында мәдрәсә мөгаллиме гаиләсендә туган, үзе дә Бөгелмә татар кызлары мәктәбендә укыткан. ^[1]

Бертуганнары Мөхәммәт (1908―1943), Әхмәт (1912―2003), Бәшир (1915―1955), Һава (1919―), Сәгыйт (1923―).

Бертуган абыйсы Әхмәт (1912―2003)

Хезмәт юлы

1951 елдан ― Дагстан медицина институтында (Махачкала шәһәре), 1960-1964 елларда доцент, зоология кафедрасы мөдире. ^[2]

1964-1991 елларда ― Волгоград медицина институтының биология кафедрасы мөдире. ^[3].

Фәнни кызыксынулар өлкәсе

Паразитология, гельминтология, иммунопаразитология һәм эпидемиология мәсьәләләре. Гомуми һәм шәхси паразитология, гельминтология, эхинококкоз эпидемиологиясе һәм иммунологиясе буенча гыйльми хезмәтләр авторы.^[4]

Гаиләсе

Хатыны Роза, кызлары Фәридә, Наилә, улы Рәшит.

Искәрмәләр

Әдәбият

Ахмет Тимер: Возвращение / авт.-сост. Р. Абзалова-Сальманова. – Казань: Яз, 2012, стр.40. ISBN 978-5-904-449-14-8

Сылтамалар

Яруллин Гамир Рашидович. Милләттәшләр

[1] Азат Ахунов. Железный № I. Tatarica(рус.)

[2] Кафедра зооологии и физиологии Дагестанского медицинского института(рус.)

[3] Кафедра биологии Волгоградского госмедуниверситета(рус.)

[4] История кафедры биологии Волгоградского медицинского института

[1]

[2]

[3]

[4]