Виктор Аршинов
Виктор Аршинов, Виктор Пётр улы Аршинов (рус. Виктор Петрович Аршинов) – рәссам. Татарстанның атказанган сәнгать эшлеклесе (1993). Татарстанның халык рәссамы (2005). Б. Урманче, Тукай (2008) премияләре лауреаты. ССРБ рәссамнар берлеге әгъзасы (1980).
| Виктор Аршинов | |
|---|---|
 | |
| Туган телдә исем | Виктор Пётр улы Аршинов |
| Туган | 22 октябрь 1945 (79 яшь) Азәрбайҗан, Бакы |
| Яшәгән урын | Татарстан урамы, Казан[1] |
| Милләт | рус |
| Ватандашлыгы |  ССРБ→ Россия |
| Һөнәре | рәссам |
| Бүләк һәм премияләре |  (2008) |
Тәрҗемәи хәле
үзгәртү
1945 елның 22 октябренда Бакыда (икенче версия буенча: Гданьск[2]) туган. Әстерханда драма театрында декоратор ярдәмчесе булып эшли. 1905 ел истәлегенә исемендәге Мәскәү өлкә сәнгать укуханәсен (1970) тәмамлаган. 1964-1967 елларда хәрби хезмәттә була. 1970 елдан Казанда яши.
- 1970-1976 Казан сәүдә рекламасы комбинатында рәссам-проектлаучы.
- 1974-1976 ТАССР сәнгать фондында эшли.
- 1976 елдан ТАССР рәссамнар берлеге идарәсе әгъзасы, 17 ел буена идарә сәркатибе, идарәнең графика бүлеген, 15 ел фирка комитетын җитәкли.[3]
- Россия рәссамнар берлеге Татарстан бүлеген җитәкли.[4]
1972 елдан шәһәр, республика, зона, бөтенрусия, бөтенсоюз, халыкара күргәзмәләрдә катнашып килә.
Шәхси күргәзмәләре
үзгәртүӘсәрләре саклана
үзгәртү- Третьяков галереясе
- ТР милли музее
- ТР дәүләт сынлы сәнгать музее
- Удмуртия дәүләт сынлы сәнгать музее
- Каракалпакстан дәүләт сынлы сәнгать музее
- Кораллы көчләр муззе (Мәскәү)
- Бакы картиналар галереясе
- Әстерхан картиналар галереясе
- Лорка шәһәре (Испания) музее
- Сакагами шәһәре (Япония) музее
- Шәхси тупланмалар
Иҗаты
үзгәртүСынлы сәнгатьтә, театр декорациясе сәнгатендә, станок графикасында, китап-журнал бизәүдә эшләүче үзенчәлекле иҗатчы. 1980 еллардан башлап шигъри әсәрләргә иллюстрация ясау белән дә мавыга. А. Данте, Т. Элиот, Марина Цветаева, Габдулла Тукай, Муса Җәлил, Белла Әхмәдуллина[6] әсәрләренә график рәсемнәр шәлкеме (1990-2013) ясый.
«Үлемсез җыр»
үзгәртүМуса Җәлилнең «Моабит дәфтәре» китабына кергән шигырьләренә ясалган график рәсемнәре аеруча игътибарга лаек. Муса Җәлил шигъриятенең экспрессияле, драматик, образлы телен тулы ачу өчен төсләр (кызыл белән кара) һәм тоннар контрастын берләштерү алымын куллана. Әтисе, Җәлил кебек үк, Ленинград фронтында сугышкан һәм әнисе фашист концлагере тоткыны булганлыктан, Җиңү яшьтәше булган рәссамның сугыш темасына алынуы табигый.[7]
Бүләкләре, мактаулы исемнәре
үзгәртү- Татарстанның атказанган сәнгать эшлеклесе (1993).
- Татарстанның халык рәссамы (2005).
- Бакый Урманче премиясе
- Тукай премиясе (2008) — Габдулла Тукай һәм Муса Җәлил иҗатына багышланган рәсемнәре өчен.
Искәрмәләр
үзгәртү- ↑ https://jitely.info/kazan?fio=%E0%F0%F8%E8%ED%EE%E2+%E2%E8%EA%F2%EE%F0&adress=&searchButton=+%CD%E0%E9%F2%E8+
- ↑ Артру.инфо сайтында, archived from the original on 2016-03-05, retrieved 2015-02-23
- ↑ В. Аршинов: Мин иске модалы кеше
- ↑ З. Гыймаев: ТР рәссамнар берлеген бетерәләр
- ↑ «Үлемсез җыр» күргәзмәсе ачылды
- ↑ Аршинов Белла Әхмәдуллина турында, archived from the original on 2016-03-04, retrieved 2015-02-23
- ↑ В. Аршиновның Җиңүнең 70 еллыгына багышланган күргәзмәсе ачылды