Төп менюны ачу

Айдар Хәбетдинов, Айдар Юрий улы Хәбетдинов, рус. Хабутдинов Айдар Юрьевич — галим, язучы, тарих фәннәре докторы (2002), профессор (2010). «Pax Islamica» (Мәскәү) журналы баш мөхәррире (2007).

Айдар Хәбетдинов
А.Ю.Хәбетдинов.jpg
Туган телдә исем Айдар Юрий улы Хәбетдинов
Туган 30 апрель 1972(1972-04-30) (47 яшь)
Казан
Яшәгән урын Юшков йорты[1]
Милләт татар
Ватандашлыгы ССРБFlag of the Soviet Union.svg ССРБ
РусияFlag of Russia.svg Русия
Әлма-матер Казан (Идел буе) федераль университеты
Һөнәре тарихчы-галим
Җефет Миләүшә, вуз укытучысы
Балалар уллары Арслан, Кәрим
Ата-ана
  • Юрий Гайнетдин улы Хәбетдинов, КФУ доценты (әти)
  • Эльвира Геннадьевна Кудрецкая, журналист (әни)
Гыйльми дәрәҗә: тарих фәннәре докторы[d]

Тәрҗемәи хәлеҮзгәртү

1972 елның 30 апрелендә Казанда туган. Әтисе — Юрий Гайнетдин улы — КФУ география факультеты метеорология кафедрасы доценты, әнисе — Эльвира Геннадьевна Кудрецкая, журналист, РФ һәм ТР атказанган мәдәният хезмәткәре. Әбисе — Һади Такташның икенче хатыны Гөлчирә (Гөлчәһрә) Такташева-Мансурова ягыннан нәселендә мәгърифәтче Имаметдин Сәйфуллин, Юныс Вәлидов һәм Гасыйм Мансуров бар. Казанның 18 нче санлы инглиз теле тирәнтен өйрәнелүче мәктәпне (1989), Казан дәүләт университетының тарих факультетын (1994), шул ук факультетның хәзерге заман Ватан тарихы кафедрасында аспирантура (1994-1996, РФ президенты стипендиаты) тәмамлаган. «ХХ гасырның беренче чирегендә татар иҗтимагый-сәяси хәрәкәте» темасына кандидатлык диссертациясе (1996, фәнни җитәкчесе проф. И.Р. Таһиров), «Русия җәмгыяти берлегендә татар иҗтимагый-сәяси хәрәкәте (XVIII гасыр азагы-XX гасыр башы)» темасына докторлык диссертациясе (2002) яклаган.

Хезмәт юлыҮзгәртү

  • 1996 Русия ЭЭМ Казан юридик институтында өлкән укытучы.
  • 2003 Русия хокук саклау академиясе Казан филиалы укытучысы, профессоры (2010).
  • 2004 Нижгардагы «Мәдинә» нәшрият йорты белән хезмәттәшлек итә башлый. «Мәдинә» газетасы мөхәрририяте әгъзасы һәм «Хәзерге дөньяда ислам» (Ислам в современном мире) әлманахы җаваплы мөхәррире.

Гыйльми тикшеренүләреҮзгәртү

Русия мөселманнары тарихы, ислам дине буенча 330 дан артык фәнни хезмәте басылган[2].

Татарларда мөселман дине институтлары (оешмалары) үсеше мәсьәләләрен тикшерә. «Аурупа Көнчыгышында ислам» энциклопедия сүзлеге өчен 50 дән артык мәкалә яза. Tatarica атласында ХХ гасыр башы бүлеген яза. «Идел» журналында «Милләт юлбашчылары» (Лидеры нации) проекты алып бара.

КитапларыҮзгәртү

Кызыклы фактҮзгәртү

Татар тарихчысының 29 яшьтә докторлык диссертациясен яклавы Русия тарих фәнендә рекорд була[3].

Бүләкләре, мактаулы исемнәреҮзгәртү

  • 1994 РФ президенты стипедиясе.
  • 2005 Татарстан Республикасы президенты гранты.

Шулай ук карагызҮзгәртү

  • Имаметдин Сәйфуллин (карт картбабай)
  • СылтамаларҮзгәртү

    ИскәрмәләрҮзгәртү