Мәхмүт Газизов

Мәхмүт Минәхмәт улы Газизов — татар шагыйре, мөгаллим, Татарстан Язучылар берлеге әгъзасы (1978 елдан).

Җенес	ир-ат
Ватандашлык	СССР
Туу датасы	8 февраль 1940(1940-02-08)
Туу урыны	Туктар Урдалысы, Лениногорск районы, Татарстан АССР, РСФСР, СССР
Үлем датасы	14 сентябрь 2013(2013-09-14) (73 яшь)
Үлем урыны	Чаллы, Татарстан, Россия
Һөнәр төре	укытучы, шагыйрь
Әлма-матер	Татар дәүләт гуманитар-педагогика университеты
Активлык урыны	Лениногорск районы һәм Чаллы
Әгъзалык	Татарстан язучылар берлеге

Ул 1940 елның 8 февралендә Татарстанның Шөгер (хәзерге Лениногорск) районы Туктар Урдаласы авылында колхозчы гаиләсендә дөньяга килә. Иске Шөгер урта мәктәбен тәмамлый, 1958—1963 елларда Казан педагогия институтында тарих-филология белгечлеге буенча укый.

1963—1969 елларда Лениногорск районы мәктәпләрендә тарих, җәмгыять белемен укыта, мәктәптә укыту бүлеге мөдире, мөдир булып эшли. 1970 елдан Чаллы шәһәрендә яши, анда тулай торакта тәрбияче, төзелештә геодезист, мастер, тимерчелек заводында эшче булып эшли.

Беренче шигырьләрләрен әле урта мәктәптә укыганда район һәм өлкә газеталарында бастыра. 1969 елда аның «Миләш сиртмә» исемле шигырьләр җыентыгы чыга. 1972 елда аның балалар өчен язылган «Бер, ике, өч» шигырьләр җыентыгы, ә 1976 елда «Тәгәри китте йомгагым...» җыентыгы дөнья күрә. Мәхмүт Газизов — җиде китап авторы.

Мәхмүт Газизовның кайбер шигырьләре «Новый мир», «Волга» журналларында һәм күмәк җыентыкларда рус теленә тәрҗемә ителеп чыкты.

Шагыйрь 2013 елның 14 сентябрь көнендә вафат булды.

Сылтамалар

• Татар язучылары(үле сылтама)
• Татар язучылары порталы(үле сылтама)