Фәридә Салитова
Фәридә Салитова (Фәридә Шәриф кызы Салитова) — сәнгать (музыка) белгече, педагогика фәнннәре докторы, сәнгать фәннәре кандидаты, РФ һәм ТР композиторлар берлекләре әгъзасы (1992). ТР атказанган сәнгать эшлеклесе (1996). РФ югары мәктәбе атказанган хезмәткәре. РФ югары һөнәр мәгарифе мактаулы хезмәткәре.
| Фәридә Салитова | |
|---|---|
 | |
| Туган телдә исем | Фәридә Шәриф кызы Салитова |
| Туган | 12 июнь 1948 (76 яшь) Австрия Вена |
| Милләт | татар |
| Ватандашлыгы |  ССРБ→ Россия |
| Әлма-матер | Казан дәүләт консерваториясе |
| Һөнәре | сәнгать белгече, мөгаллим |
| Ата-ана |
|
| Гыйльми дәрәҗә: | педагогика фәннәре докторы[d] |
Тәрҗемәи хәле
үзгәртү1948 елның 12 июнендә Венада (Австрия) туган. Әтисе – Шәриф Сәлим улы Салитов (1913, Дәвеш-2004, Казан), тарихчы, икътисадчы. Әнисе – Сафия Измаил кызы Мозаффарова (1919, Казан – 2000, Казан), юрист.
Казан музыка укуханәсен (1966), «фортепиано» белгечлеге буенча Н. Җиһанов исемендәге Казан дәүләт консерваториясен (И.Ә. Гобәйдуллина курсы, 1971), «музыка сәнгате» белгечлеге буенча ТР ФА Г. Ибраһимов исемендәге Тел, әдәбият һәм сәнгать институтында аспирантура (1982) тәмамлаган. Ташкәнттә, Хәмзә Хәкимзадә исемендәге Сәнгать белеме институтында Салих Сәйдәшев иҗатына багышланган темага сәнгать фәннәре кандидатлыгына (җитәкчесе Мәхмүт Нигъмәтҗанов) (1985), «Татар халкының музыка-педагогика мәдәнияте үсеше (чыганаклардан алып тотрыклы күренешкә әверелгәнче)» темасына педагогика фәннәре докторлыгына[1] (җитәкчесе проф. Җ.Г. Нигъмәтов) диссертацияләр яклаган.
Хезмәт юлы
үзгәртү- 1971-1982 Югары уку йортын тәмамлагач, Казан дәләт мәдәният институтында эшли.
- 1983-1985 ТР ФА Г. Ибраһимов исемендәге Тел, әдәбият һәм сәнгать институтында фәнни хезмәткәр. Аннан педагогика уку йортына күчә.
- 1985-2013 Казан дәүләт педагогика университетының (хәзер Казан (Идел буе) федераль университетына кушылган) музыка факультеты деканы (2000-2010), музыка теориясе, тарихы һәм музыка белеме бирү методикасы кафедрасы мөдире (2001-2009), ТР ФА Татар энциклопедиясе институтының өлкән фәнни хезмәткәре (1985-1996) (ТР музыка мәдәнияте бүлеге кураторы), профессор.
- 2013 елдан Россия яңа университетында (Мәскәү өлкәсе, Клин филиалы) этика , педагогика, культурология фәннәреннән укыта.
- 2014 елдан Россия дәүләт туризм һәм сервис университетында (Мәскәү) да эшли[2].
Фәнни юнәлешләре
үзгәртүВатан мәдәнияте, сәнгате, педагогикасы, мәгарифенең теориясе, тарихы һәм практикасы.
Хезмәтләре
үзгәртү250 (шул исәптән, 83 фәнни һәм 50 фәнни-популяр һәм публицистик) хезмәте басылган.
Аеруча Салих Сәйдәшевның иҗатын өйрәнү, музыкаль мирасын барлау һәм халыкка кайтару, музеен оештыру өлкәсендә керткән хезмәте зур[3].
- Музыкальные драмы Салиха Сайдашева. Монография. Казан: ТКН, 1988.
- Татарский академический театр оперы и балета им. М. Джалиля. Монография (автордаш). Казан: КДК, 1994.
- Очерки по истории татарской музыкальной культуры. Уку әсбабы. Казан: КДПУ, 1997.
- Сплав двух талантов. «Научный Татарстан», 1999, 2- сан (Кәрим Тинчурин һәм Салих Сәйдәшев турында)
- Формирование традиционной музыкально – педагогической культуры татарского народа (VI — XVI вв.). Монография. Казан: КДПУ, 2001.
- Развитие музыкально – педагогической культуры Казанского края (середина XVI – начало XX). Монография. Казан: КДУ, 2002.
- Развитие музыкально – педагогической культуры татарского народа (от истоков до начала ХХ вв.). Монография. Казан: КДУ, 2002.
- Салих Сайдашев. Жизненный и творческий путь. Казан, 2011.
Бүләкләре, мактаулы исемнәре
үзгәртү- ТР атказанган сәнгать эшлеклесе (1996).
- РФ югары һөнәр мәгарифе мактаулы хезмәткәре.
- РФ югары мәктәбе атказанган хезмәткәре.
Тукай бүләгенә намзәт — 2012
үзгәртү«2012 ел»да «Салих Сәйдәшевның музыкаль драмалары: татар һөнәри музыкасын булдыруда жанрның әһәмияте» (1988) һәм «Салих Сәйдәшев. Тормыш һәм иҗат юлы» (2011) китаплары өчен Тукай премиясенә намзәт итеп тәкъдим ителә[4][5].
Искәрмәләр
үзгәртү- ↑ Докторлык диссертациясе турында тулырак мәгълүмат
- ↑ Университет сайтында, archived from the original on 2016-05-02, retrieved 2015-07-18
- ↑ Рабит Батулла. Салих Сәйдәшев эзләреннән
- ↑ Габдулла Тукайга багышланган интернет-порталда
- ↑ 2012 елда Тукай премиясе Кол Шәриф мәчетен коручы мигъмарларга бирелгән
Сылтамалар
үзгәртү- Ф.Ш. Салитова «Билгеле галимнәр» сайтында(рус.)
- Ф.Ш. Салитова Ayaris сайтында 2016 елның 5 март көнендә архивланган.(рус.)