Онегин Хаҗикасыймов

Онегин Хаҗикасыймов, Онегин Йосыф улы Хаҗикасыймов (әзери. Onegin Yusif oğlu Hacıqasımov; 1937 елның 4 июне, ССРБ, Азәрбайҗан ССР, Баку — 2002 елның 30 июне, РФ, Мәскәү өлкәсе, Домодедово) — азәрбайҗан совет шагыйре, тәрҗемәче, 1960—1980 елларда совет эстрадасының популяр җырлары (шлягерлар) авторы. 1985 елда православие диненә күчә, монах тормышы белән яши.

Онегин Хаҗикасыймов әзери. Onegin Hacıqasımov
Тугач бирелгән исеме:	Онегин Йосыф улы Хаҗикасыймов
Туу датасы:	4 июнь 1937(1937-06-04)
Туу урыны:	ССРБ, Азәрбайҗан ССР, Бакы
Үлем датасы:	30 июнь 2002(2002-06-30) (65 яшь)
Үлем урыны:	РФ, Мәскәү өлкәсе, Домодедово
Ватандашлык:	ССРБ ССРБ→ РФ
Эшчәнлек төре:	шагыйрь, тәрҗемәче, монах
Иҗат итү еллары:	1960—1985
Юнәлеш:	эстрада
Жанр:	шигырь, җыр
Иҗат итү теле:	рус теле

Тәрҗемәи хәле

1937 елның 4 июнендә Бакуда зыялы гаиләдә туган. Әтисе Йосыф Хаҗикасыймов (1892—1960) Мәскәү дәүләт университетының юридик факультетын тәмамлаган, 1940 елга кадәр НКВДның икътисадый җинаятьләр бүлегендә эшләгән, соңрак Баку дәүләт университетында латин телен укыткан. Әнисе Мәһтәбан Хаҗикасыймова (1905—1980), XIX гасыр рус әдәбияты белгече, Баку педагогия институты укытучысы, балалар психологиясе буенча кандидатлык диссертациясе яклаган беренче азәрбайҗан хатыны. 1937 елда бөек рус шагыйре Александр Пушкинның вафатына 100 ел тулу уңаеннан, шул елда туган өлкән улына Пушкинның иң танылган әсәрләреннән берсе Евгений Онегин хөрмәтенә Онегин дип исем биргән. 1942 елда туган кече улына (1942—2003) Низами Гәнҗәвинең 800 еллыгы уңаеннан Низами дигән исем биргән.

Онегин (өйдә, мәктәптә Гена) Бакуның 6нчы санлы мәктәбендә укыган. Мәктәпне тәмамлагач, 4 ел Хәрби-диңгез флотында хезмәт итеп кайта. 1964 елда Мәскәүдә Әдәбият институтын тәмамлаган. Студент елларында ук чит ил авторларының популяр җырлары сүзләрен тәрҗемә иткән. Җыр тексты сорап, аңа ССРБ заманында бик популяр булган җырчылар (Мөслим Магомаев, Валерий Ободзинский, Рәшит Бейбутов, Иосиф Кобзон, Юрий Антонов, Алла Пугачева, Людмила Сенчина, Евгений Мартынов һ. б.) һәм коллективлар («Веселые ребята», «Поющие сердца», «Поющие гитары» һ. б.) мөрәҗәгать итә. Эстрада мэтрларының күбесе нәкъ менә «Азәрбайҗан Онегины» шигырьләрендә бөтен Советлар Берлегенә билгеле булалар. Онегин Хаҗикасыймов сүзләренә иҗат ителгән «Алешкина любовь» җыры «Веселые ребята» ВИАсының визит карточкасына әйләнә. 1970 елда әлеге исемдәге пластинка Советлар Союзының барлык рекордларын уздыра: бер тәүлек эчендә кибетләрдә әлеге пластинка 15 млн. данә сатылган.

20 ел дәвамында, 1980-елларга кадәр, Онегин Хаҗикасыймов ССРБда иң популяр шагыйрь — җыр иҗат итүче була. Аның белән барлык популяр композиторлар һәм башкаручылар эшли. Берьюлы ике иҗат берлеге: ССРБ Язучылар һәм Композиторлар берлекләре әгъзасы була. Партиягә керә. Ул вакыт өчен зур акчалар эшли. Дүрт тапкыр өйләнгән. Флоттан кайткач та өйләнгән беренче хатыны Валерия; генерал кызы белән икенче никахы дәвамлы булмый; өченче хатыны — «Маяк» радиосы дирижеры Борис Карамышевның кызы Татьяна; 14 ел бергә яшәгән дүртенче хатыны Татьяна. Беренче һәм икенче никахыннан туган улларына үзенең вафатына кадәр ярдәм итеп килә.

Аның җырлары радио һәм телевидение эфирында еш яңгырый. Онегин Хаҗикасыймов Бөтенсоюз радиосының заявкалар буенча концертлар бүлеге белән җитәкчелек итә. Ул телесериаллар өчен сценарийлар да яза. Чит илгә күчеп китәргә омтылыш ясый, әмма читтә рус телле мохиттән башка яши алмаячагын аңлап, документларын кире ала.

Православие кабул итүе

1985 елда кинәт язудан туктый, иҗат берлекләреннән һәм партиядән чыга, православие динен кабул итә һәм Олег исемен ала, диндә аскетизм юлын сайлый.

1989 елда Козельскидан (Калуга өлкәсе) ерак түгел Введенская Оптина пустынь монастырена килә. Беркем дә танымасын өчен, фамилиясен үзгәртеп, шунда хезмәт итә башлый. 1989 елда ул монастырь коменданты була һәм Афанасий исеме ала. 1991 елда Силуан исеме алып, монахлык кабул итә. 1995 елда Симон исеме белән Бөек схима кабул итә. Симон атакай 2002 елның 30 июнендә вафат була. Мәскәү өлкәсендә авыл зиратында җирләнгән.

Җырлары

Җырлары

Онегин Хаҗикасыймов сүзләренә җырлар (җәяләр эчендә — музыка авторы): Girl — (Джон Леннон) — Валерий Ободзинский Ах, любовь, любовь — (А. Бояджиев) Нина Пантелеева Алёшкина любовь — (Сергей Дьячков) «Весёлые ребята» (ВИА) Анжелина — (Луи Прима) «Весёлые ребята» Арба — (А. Двоскин) Алла Иошпе һәм Стахан Рәһимов Балалайка — (Айвонн Колл) Эмиль Горовец Ещё вчера — (Юрий Антонов) Юрий Антонов Бэмби — (Владимир Шаинский) Ирма Сохадзе Вдохновение — (Алексей Мажуков) «Музыка» ВИА Верю в тебя — (Александр Зацепин) Алла Пугачёва Веточка вишни — (Х. Огава) Эмиль Горовец Влюбился я — (Полад Бүлбүл оглы) Алибәк Днишев Восточная песня — (Давид Тухманов) Валерий Ободзинский, Юлий Слободкин («Весёлые ребята» (ВИА)) Всё начинается с тебя — (А. Мажуков) Нина Бродская Всё прошло — (Полад Бүлбүл оглы) Полад Бүлбүл оглы Взявшись за руки вдвоём — (Михай Долган) «Весёлые ребята» (ВИА) Говорят, я некрасивый — (Евгений Птичкин) Владимир Нечаев Горсть земли — (Р. Гаджиев) Рәшит һәм Рәшидә Бәйбутовлар Дельфины — (А. Двоскин) Эмиль Горовец Дождь — (И. Гранов) Роксана Бабаян — Дрезден фестивалендә җиңүче (1976) Дождись меня — (Полад Бүлбүл оглы) Полад Бүлбүл оглы Дождичек — (Зиновий Бинкин) Ирина Бржевская Дождь и я — (Р. Майоров) Валерий Ободзинский, Евгений Головин, Эмиль Горовец, Олег Ухналёв, Евгений Осин Дорожная — (А. Зацепин) Аида Ведищева, Алексей Секацкий Жених — (Г. Малгони Рус) Виктор Беседин Здравствуй, новый день — (А. Рыбинский — русча текст О. Хаҗикасыймов) «Ариэль» (ВИА) Загляни в мой сон — (Полад Бүлбүл оглы) Полад Бүлбүл оглы Записка — (Сергей Дьячков) «Весёлые ребята» (ВИА), «Синяя птица» (ВИА) Запоздалое письмо — (Э. Салихов) Вадим Мулерман Золотое танго — (А. Бабаджанян) Ара Бабаджанян, Иосиф Кобзон, Георгий Минасян, Карен Мовсесян, Гаянэ Оганесян Иволга — (А. Мажуков) Валентина Толкунова Карнавал — (Карел Свобода) Ренат Ибраһимов Колдунья — (Р. Майоров) Аида Ведищева Край любимый — (Полад Бүлбүл оглы) Полад Бүлбүл оглы Круги-Колечки — (Зоя Харабадзе, Инна Мясникова) «Аккорд» (вокаль квартет) Delilah (Лайла) — (Лес Рид (ингл.), Б. Мейзон) Мөслим Магомаев Ледоход — (Ю. Милютин) Ирина Бржевская Лунная серенада — (А. Зацепин) Мөслим Магомаев Магнит — (В. Пильщиков) Тамара Миансарова Мир без тебя — (Р. Гаджиев) Рәшид һәм Рәшидә Бәйбутовлар На качелях — (Евгений Мартынов) Евгений Мартынов Наташа и я — (Богуслав Крынчик тексты) Юрий Петерсон («Весёлые ребята») Наш город (русча варианты) — (Раймонд Паулс) Ренат Ибраһимов Наше танго — (В. Хорощанский) «Оризонт» ВИА На чём стоит любовь — (Олег Иванов) «Весёлые ребята» Не гадайте, девочки — (Р. Майоров) Алла Савенко Не грусти, пожалуйста — (Ю. Антонов) Юрий Антонов Не надо — (Сергей Дьячков) — «Цветы» (төркем) (солист — Александр Лосев) Не ревнуй — (Полад Бүлбүл оглы) Геннадий Каменный Не родись красивой — (Р. Майоров) Аида Ведищева Не спорь со мной — (В. Шаинский) Алла Пугачёва Ну, кому какое дело — (Р. Майоров) Нина Бродская Обида — (Владимир Хвойницкий) Валерий Ободзинский Олеандр — (С. Владианос) Валерий Ободзинский Память — (Якоб Гаде) Валентин Будилин Первая весна — (А. Зацепин) Аида Ведищева Первая любовь — (С. Дьячков) «Весёлые ребята» Первое танго — (С. Мелик) Мария Кодряну Песня о Душанбе — (А. Зацепин) Аида Ведищева Песня о Свердловске — (Б. Карамышев) Владимир Трошин Песня-чайка — (В. Хвойницкий) Валерий Ободзинский Подожди — (С. Мелик) Валерий Ободзинский Прости, любимая — (Г. Месколи) Эмиль Горовец Птицы летят на юг — (А. Заберски) Нина Пантелеева Почтальон — (Вячеслав Добрынин, А. Пузырёв) «Голубые гитары» ВИА Пусть будет, что будет — (Сальваторе Адамо) Эмиль Горовец Разговор птиц — (Полад Бүлбүл оглы) Лариса Мондрус, Мөслим Магомаев һәм Полад Бүлбүл оглы Разговор птиц — (Полад Бүлбүл оглы) Людмила Сенчина, Сергей Захаров һәм Полад Бүлбүл оглы Речка вспять не побежит — (Р. Майоров) Вероника Круглова Руки прочь от Вьетнама — (Б. Карамышев) Наталья Бродягина Сердцу верится (Будем счастливы) — (А. Бабаджанян) Ара Бабаджанян Скачет ковбой — (Павел Слободкин) «Весёлые ребята» Слова — (С. Дьячков) «Весёлые ребята» Солнце не спит — (Э. Шварц) Валерий Ободзинский Сон (Портрет) — (А. Шпильман) «Весёлые ребята» Сон в дороге — (Б. Савельев) Владимир Макаров Спасибо тебе, море — (Б. Терентьев) Валерий Ободзинский Старая мельница — (В. Купревич) Мөслим Магомаев Страдание (Имя твоё нежное) — (Д. Тухманов) «Весёлые ребята» Старые часы — (Б. Савельев) Аида Ведищева Счастье с нами рядом — (Полад Бүлбүл оглы) Полад Бүлбүл оглы Тебе всё равно — (О. Иванов) «Весёлые ребята» Ты и я — (Э. Шварц) Лариса Мондрус Фиалки — (Полад Бүлбүл оглы) Геннадий Каменный, Мөслим Магомаев, Валерий Ободзинский Хитрый — (Зоя Харабадзе) «Аккорд» (вокаль квартет) Чарльстон — (Владимир Рубашевский) Ирина Бржевская Әминә — (төрек халык җыры) Стахан Рәһимов Я буду ждать тебя — (А. Зацепин) Аида Ведищева

Фильмография

• 1965 — 26 Бакы комиссары (әзери. İyirmialtılar) — җыр текстлары (рус телендә) авторы
• 1971 — Йолдызлар сүнми (әзери. Ulduzlar sönmür) — җыр текстлары (рус телендә) авторы
• 1979 — Җыр уйлап чыгарам (әзери. Mən mahnı qoşuram) — җыр текстлары (рус телендә) авторы
• 1983 — Музыка укытучысы (әзери. Musiqi müəllimi) — җыр текстлары (рус телендә) авторы

Сылтамалар

• Из кумира миллионов в монахи: удивительная судьба азербайджанского Онегина. zen.yandex.ru(рус.)
• Храм для Онегина. После славы (YouTube видео, 43:44)(рус.)
• «Ты грустишь, не зная даже, что грустят с тобою вместе - двое в этот вечер, дождь и я...» liveinternet.ru(рус.)