Никита Токарликов
Никита Токарликов (Никита Евдоким улы Токарликов) — Советлар Берлеге Каһарманы, орудие командиры, сержант.
| Никита Токарликов | |
|---|---|
 | |
| Туу датасы | 1918 ел |
| Туу урыны | Уфа губернасы Минзәлә өязе, Кәләй авылы |
| Үлем датасы | 18 август 1944 |
| Үлем урыны | Литва ССР |
| Гаскәр төре | артиллерия |
| Дәрәҗә |  |
| Җитәкчелек иткән | орудие башлыгы |
| Бүләкләр һәм премияләр |   |
Тәрҗемәи хәле
үзгәртү
1918 елда Уфа губернасы Минзәлә өязе (хәзерге Әлмәт районы) Кәләй авылында туган. Татар. Җидееллык мәктәпне тәмамлагач, Сарманда хисапчылар хәзерләү курсларында укый. 1939 елга кадәр күмәк хуҗалыкта хисапчы булып эшли. 1939 елда Эшче-крестьян Кызыл Гаскәре сафына алына, Ерак Көнчыгышта хезмәт итә.
Кәләй авылыннан 283 кеше фронтка китә. 100 е исән-сау әйләнеп кайта, 183 е яуда ятып кала, шулар эчендә Н.Е. Токарликов.[1] 1944 елның июнь аеннан фронтта. I Балтик буе фронтының 1971- артиллерия полкында (45- артиллерия бригадасы, 51- армия) орудие командиры була. Тарту шәһәре юнәлешендә һөҗүм итүдә катнаша.
Батырлыгы
үзгәртү1944 елның 18 августында Литва ССР Шяуляй шәһәре тирәсендә орудие уты белән дошманның 6 хәрби техникасын һәм күп санда фашистларны юк итә. Үзе дә шушы сугышта һәлак була.[2]
Бүләкләре, мактаулы исемнәре
үзгәртү- Ленин ордены.
- Советлар Берлеге Каһарманы (һәлак булганнан соң, 1945 елның 24 мартында)
Хәтер
үзгәртүЧыганаклар
үзгәртү- Сарман районы энциклопедиясе. 2- китап (төзүче Дамир Гарифуллин). Чаллы, 2006.
- Батырлар китабы - Книга Героев. Казан, 2000.
- Советлар Союзы Геройлары – якташларыбыз: Әдәби-документаль очерклар hәм язмалар. Казан, 1990.
- Татарская энциклопедия. В 6 т. Т.5 (Р-Т). Казан, 2010.(рус.)
Сылтамалар
үзгәртү- Кәләйдә Н. Токарликовның мемориаль комплексы ачылу 2016 елның 7 март көнендә архивланган.
- Кәләй рәсми сайты 2016 елның 29 гыйнвар көнендә архивланган.
- ТР Бөек Ватан сугышы виртуаль музее
Искәрмәләр
үзгәртү- ↑ Кәләй авыл җирлеге рәсми сайтында, archived from the original on 2016-01-29, retrieved 2015-04-19
- ↑ Татар белешмәлеге институты сайтында
- ↑ ТАССР Югары шурасы президиумы указы, 17.06.1985