Минзәлә туган якны өйрәнү музее

Минзәлә туган якны өйрәнү музее (рус. Мензелинский краеведческий музей) — Татарстанның Минзәлә шәһәрендә урнашкан муниципаль мәдәният оешмасы (музей). Борынгы заманнардан алып, Минзәлә төбәге тарихы, 1584 елдан алып шәһәр тарихы белән таныштыра.

Минзәлә туган якны өйрәнү музее
Дәүләт	Россия
Административ-территориаль берәмлек	Минзәлә районы
Урын	Минзәлә шәһәре
Рәсми веб-сайт	menz-museum.ru​(рус.)

Минзәлә туган якны өйрәнү музее
Нигезләү датасы	1991
Урын	423700 ТР, Минзәлә, К. Маркс ур.,46.
Директор	Лариса Александр кызы Карамова
Сайт	Музей сайты

Тышкы рәсемнәр
	Музейдан фотосурәтләр.

Тышкы рәсемнәр
	Музейның иске бинасыннан фотосурәтләр.

Филиалы

• Муса Җәлил мемориаль музее (Минзәлә)

Тарих

Музейның беренче бинасы

1991 елда шәһәр администрациясе музей төзү турында карар кабул итә. Музей сәүдәгәр Перминов йортында ачыла. 1992 елның 1 гыйнварыннан — ТР Берләштерелгән Дәүләт музее филиалы. 1994 елның июненнән — муниципаль мәдәният оешмасы.

2010 елда Минзәлә балалар иҗат йортының яңа бинасының (Рөстәм Тарико төзеткән бина) икенче каты музейга бирелә.

Экспонатлар

Мәйданы 598,5 кв. м. Музей фондлары 13 673 саклау берәмлеге тәшкил итә (10 616 - төп фонд һәм 3 057 - фәнни-ярдәмче фонд). Экспонатлар арасында көнкүреш кирәк яраклары һәм этнография әйберләре, археология, нумизматика, сынлы сәнгать, техника тарихы, кораллар, документлар һәм сирәк китаплар, табигый-фәнни коллекция бар. Музейда «Табигать һәм археология залы», «Минзәлә ярминкәсе залы», «Этнография залы», «Сәүдәгәрләр яшәеше залы», «XX гасыр башы шәһәр тарихы», «Коткарылган дөнья онытмый» заллары бар.

Экскурсияләр

• Мәңге онытылмас хәтер. Бөек Ватан сугышы еллары: Мәскәү өчен сугыш, концлагерьлар, Сталинград сугышы, Ленинград блокадасы, сугыш елларында балалар хезмәте.
• Иске сандык серләре. Балалар өчен йорт кирәк-яраклары (самавыр, фарфор савыт-саба, сәгать, көзге, сандык, үтүк, язу карасы һ. б.) тарихы.
• Акча аша тарихны өйрәнү. Дөньяның әйдәп баручы илләрендә сәүдә итү ысуллары һәм икътисады, мәдәнияте, тарихы.
• Өяз шәһәре серләре. Шәһәрнең борынгы өлешендә XIX—XX гасырлар архитектура һәйкәлләре, биналары, аларның хуҗалары белән танышу.
• Минзәлә ярминкәсе яңгырашы.

Әдәбият

1. Минзәлә төбәге: тарихы һәм бүгенгесе (төзүчеләре Ю. Ю. Йосыпов, М. Н. Сафиуллин). Казан: «Интер-Графика», 2006.

Сылтамалар

• Мензелинский краеведческий музей. Музеи России(рус.)
• Мензелинский краеведческий музей. tatfrontu.ru(рус.)