Дмитрий Бәдретдинов бюсты (Чаллы)

Дмитрий Бәдретдиновка һәйкәл — Татарстанның Яр Чаллы шәһәрендә Батырлык ордены кавалеры Дмитрий Бәдретдинов истәлеген мәңгеләштерү өчен урнаштырылган мемориаль бюст.

Һәйкәл
Дмитрий Бәдретдиновка һәйкәл
46нчы урта мәктәп территориясендә Дмитрий Бәдретдиновкә һәйкәл
Урын	Чаллы, Чулман проспекты, 56
Төзелеш датасы	2019 ел
Материал	бронза

Максаты

Бюст

2000 елның 1 мартында Аргун тарлавыгында Чечня территориясендә контртеррористик операция үткәргәндә 76 һава-десант дивизиясе 104нче гвардия парашют-десант полкының 6нчы парашют-десант ротасы террорчыларның күп тапкыр көчлерәк булган каты һөҗүмен кабул итә. Десантчылар селкенми, чигенми, ахырга кадәр үзләренең хәрби бурычларын үтиләр, кыюлык һәм батырлык күрсәтеп, үз тормышлары бәрабәренә дошманның юлын киртәлиләр. РФ Президенты РФ субъектларының дәүләт хакимияте органнарына 104нче гвардия парашют-десант полкының 6нчы парашют-десант ротасы хәрбиләренең истәлеген мәңгеләштерү буенча чараларны тормышка ашырырга тәкъдим итә. Россиядә алтынчы рота сугышчыларына барлыгы 75 һәйкәл куелачак. Десантчыларның Аргун тарлавыгында батырлыгына егерме ел тулу уңаеннан Дмитрий Бәдретдиновка Чаллыда мемориаль бюст ачыла.

Урыны

Бюст Дмитрий Бәдретдинов укыган 46нчы урта мәктәп территориясендә (423831, Татарстан Республикасы, Яр Чаллы шәһәре, Чулман проспекты, 56 йорт) ачылган.

Катнашучылар

Тантаналы чарада Яр Чаллы мэры Наил Мәһдиев, ТР Баш федераль инспекторы Ренат Тимерҗанов, ТР хәрби комиссары Сергей Погодин, «армиягә, авиациягә һәм флотка ярдәм итү буенча ирекле җәмгыять» (ДОСААФ) төбәк иҗтимагый-дәүләт берләшмәсе идарәсе рәисе эчке хезмәт генерал-майоры Дамир Динниулов катнаша. Һәлак булган солдатларның әниләре дә чакырылган иде. Чарада шулай ук Дмитрий Бәдретдиновның кызы Диана (Березина) да катнаша.

Чыганаклар

• В Набережных Челнах установили бюст в честь погибшего десантника. nabchelny.ru, 3.12.2019
• Виртуальный музей Героев Чеченской войны. Сайт
• В Татарстане открыли памятник «Псковскому десантнику» Дмитрию Бадретдинову.(үле сылтама) Интернет-портал Минобороны России

Сылтамалар

• Отдали честь павшему смертью храбрых (YouTube видео, 1:37)

Моны да карагыз

Яр Чаллының истәлекле урыннары
Чаллы туграсы