Александр Җамалиев

Александр Җамалиев, Александр Фазыл улы Җамалиев, рус. Замалеев Александр Фазлаевич (13.11.1943) — фәлсәфә фәннәре докторы (1988), Санкт-Петербург дәүләт университетының фәлсәфә институты профессоры (1989), рус фәлсәфәсе кафедрасы мөдире (1991). «Вече» журналын нәшер итүче (1994).

Александр Җамалиев
Туган телдә исем	Александр Фазыл улы Җамалиев
Туган	13 ноябрь 1943(1943-11-13) (80 яшь) Алмания, Эшвайлер
Милләт	татар
Ватандашлыгы	ССРБ ССРБ→ Россия Россия
Әлма-матер	Казан (Идел буе) федераль университеты
Һөнәре	журналист, фәлсәфәче галим
Эш бирүче	Питырбур дәүләт университетының фәлсәфә факультеты[d]
Гыйльми дәрәҗә:	фәлсәфә фәннәре докторы[d]

Тәрҗемәи хәле

1943 елның 13 ноябрендә Алманиянең Рейн өлкәсе (хәзерге Төньяк Рейн-Вестфалия өлкәсе) Эшвайлер (алман. Eschweiler) шәһәрендә туган. Әнисен Бөек Ватан сугышы елларында Украинадан Алманиягә тоткын сыйфатында алып киткән булганнар. Әтисе дә, Курск дугасында әсирлеккә эләгеп, гомеренең бер өлешен алман җирендә үткәргән. Сугыш беткәч, ир белән хатын чит илдә янә бер-берсен очратканнар. Әтисенең туган җире — Октябрь районы (хәзерге Әлмәт районы) Елховой авылына кайтканнар. Әсирлектә булулары «халык дошман»лыгына тиңләштерелгәч, гаилә Красноярск шахталарына чыгып китә. Сталин үлгәч, гаилә янәдән туган якларга кайта, Нурлат нефть ятмаларын үзләштерүдә катнаша.

Хезмәт юлы

А. Җамалиев 8 сыйныфны тәмамлагач, Татарстаннан читкә чыгып китә, өч елда ун белгечлек алыштырып, Себердәге удар комсомол төзелешенә барып җитә. Кичке урта мәктәпне тәмамлый.

1962 елда В.И. Ульянов-Ленин исемендәге Казан дәүләт университетының юридик факультетына документларын тапшыра, ләкин яңа ачылган журналистика факультетына күчә. Икенче курстан соң, 1963-1965 елларда армия хезмәтен үтә. «Журналист» белгечлеге буенча В.И. Ульянов-Ленин исемендәге Казан дәүләт университетының тарих-филология факультетын тәмамлаган (1968).

1968-1970 Новгород фәнни-торгызу сәнәгать остаханәсендә (София соборы) фәнни хезмәткәр, борынгы рус чиркәү кору тарихы буенча материаллар җыю һәм тәртипкә салу белән шөгыльләнә.

Ленинградта

А.А. Жданов исемендәге Ленинград дәүләт университетының фәлсәфә факультетында «Декабрист М.А. Фонвизинның тормышка карашы» (рус. Мировоззрение декабриста М. А. Фонвизина) темасына фәлсәфә фәннәре кандидатлыгына (1977), «Урта гасырлар Русендә (XI–XVI гг.) фәлсәфәи фикер» (рус. Философская мысль в Средневековой Руси (XI–XVI вв.)) темасына докторлык (1988) диссертацияләре яклаган.

• 1972-1981 И.П. Павлов исемендәге Ленинград беренче медицина институтының фәлсәфә кафедрасында укыта.
• 1981-1990 ССРБ ФА Ленинград фәлсәфә кафедрасында эшли.
• 1991 елдан Санкт-Петербург дәүләт университетының фәлсәфә институты рус фәлсәфәсе кафедрасы мөдире.
• 1994 елдан рус фәлсәфәсе һәм мәдәниятенә багышланган «Вече» журналын нәшер итә

Александр Җамалиев:

Бәхәс һәм полемика – ул фәннең ашламасы. Әгәр фикергә монополия урнаштырылса, рух саулыгының черүен көт тә тор

Фәнни хезмәтләре

Рус фәлсәфәсе тарихы, сәясәт белеме, рус мәдәнияте тарихы буенча укыту-теория курсларын төзегән.

Китаплары

Китаплары

Монографияләр От просветительской утопии к теории революционного действия: Очерк социологии декабристов. – Ижевск: «Удмуртия», 1975. – 67 с. (автордаш: Г. Е. Матвеев) Фонвизин А. А. – М.: Мысль, 1976 (серия «Мыслители прошлого»). – 152 с. Богословы ищут Бога: Философско-атеистические очерки по истории христианской теологии. – Киев: «Молодь», 1980. – 168 с. (автордаш: В. А. Зоц). Мыслители Киевской Руси. – Киев: «Вища школа», 1981. – 158 с. (автордаш: В. А. Зоц). Добролюбов. Жизнь и идеи революционера. – Минск: Вышэйшая школа, 1983. – 96 с. Мыслители Киевской Руси. Изд. 2-е, дополненное и переработанное. – Киев: «Вища школа», 1987. – 184 с. (автордаш: В. А. Зоц) Философская мысль в средневековой Руси (XI–XVI вв.). – Л.: Наука, 1987. – 247 с. Отечественные мыслители позднего Средневековья: конец XIV – первая треть XVII в. – Киев: «Вища школа», 1990. – 176 с. (автордаш: В. А. Зоц) Еретики и ортодоксы: Очерки древнерусской духовности. – Л.: Лениздат, 1991. – 207 с. (автордаш: Е. А. Овчинникова). Лепты: Исследования по русской философии. – СПб.: СПбГУ нәшрияты, 1996. – 320 с. Восточнославянские мыслители. Эпоха Средневековья. – СПб.: СПбГУ нәшрияты, 1998. – 270 с. О русской философии: Статьи. Оппонентские отзывы. – СПб.: СПбГУ нәшрияты, 1998. – 131 с. Denkers van het Kievse Rusland. – Maastrichts Centrumvoor de Russische Taal en Cultur, 2001. – 224 s. (V. A. Zots). Новые исследования по русской философии. СПб.: «Летний сад», 2001. – 80 с. Идеи и направления отечественного любомудрия: Лекции, статьи, критика. – СПб.: «Летний сад». 2003. – 212 с. Русская религиозная философия (XI–XXвв.). – СПб.: СПбГУ нәшрияты, 2007. – 208 с. Самосознание России: Исследования по русской философии, политологии и культуре. – СПб.: Наука, 2010. – 552 с. Интуиции русского ума: Статьи. Выступления. Заметки. – СПб.: «Университетская книга», 2011. – 216 с. Укыту ярдәмлекләре Лекции по истории русской философии: XI – начало XX вв. – СПб.: СПбГУ нәшрияты, 1994. – 174 с. Русская политология. Обзор основных направлений. – СПб.: СПбГУ нәшрияты, 1994. – 208 с. (автордаш И. Д. Осипов). Курс истории русской философии. – М.: Наука, 1995. – 191 с. Лекции по истории русской философии. – СПб.: СПбГУ нәшрияты, 1995. – 338 с. Курс истории русской философии. Изд. 2-е, дополненное и переработанное. – М.: «Магистр», 1996. – 352 с. Лекции по истории русской философии. Изд. 2-е, дополненное и переработанное. – СПб.: СПбГУ нәшрияты, 1999. – 312 с. Лекции по истории русской философии (XI–XX вв.). Изд. 3-е, дополненное и переработанное. – СПб.: «Летний сад», 2001. – 398 с. Семестровый курс истории русской философии: Учебно-методическая разработка // Русская философия: Новые исследования и материалы. Проблемы методологии и методики. – СПб.: «Летний сад», 2001. С. 105–156. Учебник русской политологии. – СПб.: «Летний сад», 2002. – 352 с. Летопись русской философии. 862–2002. – СПб.: «Летний сад», 2003. – 352 с. (автордашлар: М. В. Иванова, А. В. Малинов, Т. В. Орлова). История русской культуры. – СПб.: СПбГУ нәшрияты, 2005. – 262 с.

Бүләкләре, мактаулы исемнәре

• «Киевның 1500 еллыгы» юбилей медале.

Әдәбият

1. Хәмзә Бәдретдинов. Татарстаннан читтәге татар галимнәре. Йошкар-Ола, 1999. ISBN 5-87898-139-4

Сылтамалар

• Санкт-Петербург дәүләт университетының фәлсәфә институты рус фәлсәфәсе кафедрасы сайты 2013 елның 10 июнь көнендә архивланган.
• А.Ф. Җамалиев биографиясе