Шаян ТВ
«ШАЯН ТВ» — беренче татар телендә тәүлек буе эшли торган балалар каналы. Каналның рәсми сайты аша «ШАЯН ТВ»ны Россиядә генә түгел, ә чит илләрдә дә карарга мөмкин.
| ШАЯН ТВ | |
 логотип | |
| Тапшыру җирләре |
халыкара тапшыру |
|---|---|
| Тапшыру вакыты |
тәүлек буе |
| Тапшыру теле | |
| Идарә үзәге |
420095, Россия, Татарстан Җөмһүрияте, Казан шәһәре, Шамил Усманов урамы, 9 йорт[1]. |
| Канал тематикасы |
балалар каналы |
| Тапшыру башлау вакыты | |
| Аудитория |
15 млн.[2] |
| Хуҗа | |
| Җитәкчеләр |
Әминов Илшат Юныс улы - «Яңа Гасыр» телерадиокомпаниясе» АҖ генераль директоры Сәхабетдинова Рамилә Әхмәтзакир кызы - «ШАЯН ТВ» башкарма директоры - баш мөхәррир |
| Шигарь |
«ШАЯН ТВ» белән бул, телне саклау - менә безнең юл! |
| Сайт | |
Тарих
үзгәртү2018 елның 12 ноябрендә Татарстан Республикасы Президенты Рөстәм Нургали улы Миңнеханов ярдәме белән «ШАЯН ТВ» телеканалы тәүге тапкыр эфирга чыкты[3]. Шул ук көнне тапшыруларны онлайн-режимда карау мөмкинлеген тәэмин итүче ШаянТв.ру сайты эшли башлады.
Тасвирлама
үзгәртүТелеканал заман белән бергә атлый, «ШАЯН ТВ» аудиториясе 0+[3]. «ШАЯН ТВ» каналын 15 млн артык кеше карый [2]. ТР Президенты Миңнеханов Р.Н. «ШАЯН ТВ» балалар телеканалының туган телебезне, мәдәниятне һәм мәгарифебезне саклап калуда әһәмияте зур дип саный.
Shayantv.ru сайты татар, рус, инглиз телләрендә эшли. Сайтны https://shayantv.ru/ сылтамасы аша табарга була. Өйдә, юлда – «ШАЯН ТВ» һәркайда, чөнки сайт теләсә кайсы смартфон өчен җайлаштырылган. Бер төймәгә басу белән, «ШАЯН ТВ»ның социаль челтәрләрдәге рәсми битен күзәтергә мөмкин: Инстаграм һәм Вконтакте. Шулай ук «ШАЯН ТВ»ның мобиль кушымтасын Google Play һәм App Store аша йөкләп, канал белән бер дулкында булырга мөмкин.
| «ШАЯН ТВ» тапшыруларын карау ысуллары[2] | Исемлек | ||||
|---|---|---|---|---|---|
| Спутник челтәрләре | «Триколор» | «НТВ+» | «Триколор» | «ABS-2A» | «МТС» |
| Цифрлы мульплекслар | «Таттелеком» | «МТС» | «Ростелеком» | «КазГорСеть» | «Дом.ру» |
| Рәсми сайт | https://shayantv.ru | ||||
| Видеоязмалар хостингы | https://www.youtube.com/channel/Шаян_ТВ | ||||
| Бүтән ысуллар | Google Play кушымтасы | App Store кушымтасы | |||
Максаты
үзгәртү«ШАЯН ТВ» каналының төп максаты – татар телен популярлаштыру; мультфильмнар, фәнни-популяр фильмнар, фикерләүне үстерергә ярдәм итүче тапшырулар аша балаларда татар телен өйрәнүгә кызыксыну уяту.
үзгәртүХәзерге вакытта каналда 20дән артык танып-белүне, белем бирүне һәм фикерләүне үстерергә ярдәм итүче оригиналь программалар эфирга чыга. «ШАЯН ТВ»ның дубляж студиясе каналның контентын үстерүгә зур өлеш кертә. Татар теленә иң яхшы мультфильмнар, халыкара дәрәҗәдәге фәнни-популяр, документаль һәм әдәби жанрдагы тапшырулар тәрҗемә ителгән.
Даими рәвештә канал балалар иҗатын үстеру буенча эш алып бара, конкурс һәм фестивальләр оештыра. Алар арасында: «Балачак җыры» балалар җыры бәйгесе һәм «Сәйлән» балалар телевизион җыр фестивале.
Каналда Телевизион блогерлар мәктәбе эшли. 2020 елда аның филиалы Димитровград шәһәрендә һәм «Бала-Сити» полилингваль балалар үзәге нигезендә ачылды.
Бүләкләре һәм мөкәфәтләре
үзгәртү- «ШАЯН ТВ» каналы «Карусель» телеканалы үткәргән «Главные герои – 2019» милли балалар премиясендә «Ел ачышы» номинациясенә җиңүче дип табылды.
- «ШАЯН ТВ» телеканалы X дөньякүләм интернет-проектлар "Белем җәүһәрләре" бәйгесенең «Мәдәният һәм туризм өлкәләрендә иң файдалы һәм популяр интернет-проект» һәм «Иң файдалы һәм популяр татарча мобиль кушымта» номинацияләрендә беренче урын алды.
- «Калеб» тапшыруы IX Бөтенроссия журналистлары һәм массакүләм мәгълүмат чаралары «Татар рухы һәм каләм» бәйгесендә «Массакүләм мәгълүмат чараларында татар халкының тормышына һәм эшчәнлегенә багышланган иң яхшы эшләр циклы» номинациясендә җинде.
- «ШАЯН ТВ» «Тэфи KIDS-2020» милли телевизион премиянең "Балалар өчен телевизион программа режиссеры" номинациясендә финалист дипломына лаек булды.
- 2023 ― Муса Җәлил исемендәге республика премиясе[4]